النتائج 1 إلى 2 من 2
  1. #1
    مجَرد حِلْم ..!

    رقم العضوية: 45000
    تاريخ التسجيل : 05 - 08 - 2011
    الدولة: فَيْ قَلبْĄ
    المشاركات: 112
    الجنس : فتاة
    العمل : طالبه
    الهوايه :
    التقييم: 3401
    تم شكره 38 مرة في 23 مشاركة
    SMS:

    كرات الدوناتز المحشيه بالشوكليت


    هاي شكل المكينة




    وعلى طول .. أخذنا كيك مكس عادي بيتي كروكر تشوكليت .. وسويناه .. ما تاخذ وقت طويل عشان تستوي .. 4 دقايق للدفعه الوحدة .. طلع الشكل حلو ومدور.. غمسنا الكيك في تشوكليت وعقب رشينا فوق التشوكليت جوز الهند محمص .. طلع توووحفه


    المهم حبيت أجرب المكينة مرة ثانيه على كيك ليمون .. بس ما ضبط وياي
    وأعتقد لأني طولت في خلط الكيك .. يعني اللي بتجرب المكينه على كيك مكس لا تخلط الكيك وايد وتمشي على نفس ما هو مكتوب على العلبة ..


    المهم


    قعدت أدور في النت على طرق ثانية .. لين ما حصلت وحدة أجنبية مجربة دونت


    حبيت الطريقة وقلت يالله نجرب


    طلعت تجنن .. لاهي كيك ولا هي دونت


    يعني بين الاثنين


    وفوقها تغطية سكر sugar glaze


    نبتدي بسم الله ..


    المقادير







    المكونات الجافة


    كوب وثلث طحين جميع الاستعمالات
    1\3 كوب سكر
    1 م ك بيكنغ باودر
    1\2 م ص ملح
    ( تخلطينهم مع بعض )
    ..


    المكونات السائلة


    1\2 كوب حليب المراعي ( اللي متوفر عندج )
    1\4 كوب زيت
    1\4 كوب قشطة رايبة sour cream
    بيضة
    1 م ص فانيليا
    ( تخلطينهم مع بعض )



    " ملاحظة انا هني مدبلة المقادير"



    الطريقة


    بعد ما تخلطين المواد الجافة بروحها والمواد السايلة بروحها .. تجمعينهم مع بعض




    وتروحين تسوين التغطية


    مقادير التغطية ( تقريبية ) تقدرين تتحكمين فيها ( المهم ما تكون وايد سايله ولا وايد جامده )


    1\8 كوب حليب ( تقريباً ملعقتين كبار )
    1 م ك زبدة
    1 م ص فانيليا سايلة
    3 اكواب سكر مطحون


    تسخنين الحليب والزبده والفانيليا




    تحطينهم على السكر وتخلطينه




    بعدين تجهزين المكان اللي راح تشتغلين فيه


    وراح تحتاجين ..


    زيت عشان تدهنين المكينة


    فرشاه سيليكون .. عشان تستحمل الحرارة


    مغرفة ايسكريم صغيرة أو ملعقة صغيرة عشان تحطين العجينة


    شوكة عشان ترفعين الدونت من تغطية السكر


    وشبك عشان تحطين عليه الدونت بعد ما تغطينه في السكر


    وحطي لج سفرة تحت الشبك عشان ما يتوسخ المكان اللي تشتغلين فيه


    هاي ال working area مالتي .. لوول






    تشغلين المكينه وتخلينها تحر .. بعدين تدهنين الحفر فوق وتحت وتوزعين الخليط

    المكينة أوتوماتيك هي تضبط حرارتها .. لا تخافين انه يحترق




    إذا حابة تسوينه مع تشوكليت تشيبس يطلع أحلى وأحلى


    هذا النوع اللي استخدمته أحلى من النوع العادي .. شريته من hershey's دبي


    يذوب بسرعه .. وطعمه نفس kisses الكبار شوي




    وهني مع التشوكليب تشيبس




    تسكرين المكينه وتحسبين أربع دقايق بالضبط


    ويطلع شكلهم هيييك




    طلعي الحبات من المكينه .. وصبي الدفعه الثانيه


    وبعدين حطي الدونت في السكر .. تكون بردت شوي




    صفي الدونت على الشبك وخليهم يبردون وطبقة السكر تنشف




    وبس


    هاي موضوعنا خلص ... ما في أسهل من جذي


    وقدميهم للحلوين




    صورة كمان




    م / ن

  2. 2 أعضاء قالوا شكراً لـ تآج النساء على المشاركة المفيدة:

    يولاند (29-05-2012), ع ـطر الأنوثة (25-09-2012)

  3. #2
    مُشرفَة قِسم نَفحات إيمانِيّه , روحَانيّة

    رقم العضوية: 43602
    تاريخ التسجيل : 12 - 11 - 2010
    الدولة: السعوديه
    المشاركات: 1,360
    الجنس : فتاة
    العمل : طالبه
    التقييم: 16721
    تم شكره 572 مرة في 356 مشاركة

    رد: كرات الدوناتز المحشيه بالشوكليت


    رووووعه ياتاج النساء..
    شكلها لذيييذة.. ان شاء الله اجربها ..
    تسمليييييييين ياعسل..
    شكرا" لك..

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •