النتائج 1 إلى 3 من 3
  1. #1
    برنس جديد

    رقم العضوية: 99
    تاريخ التسجيل : 09 - 05 - 2002
    المشاركات: 6
    التقييم: 10
    تم شكره 0 مرة في 0 مشاركة

    للقصمان فقط ......


    ابوصالح جالس مع ابوراشد بعد صلاة العصر يسولفون ويقطعون الوقت

    تنهد ابوصالح وقال: افكر في هالدين العظيم اللي طلع من مكة المكرمه وصل الى اخر الدنيا!!! قال ابوراشد: ايه والله انك صادق يا بوصالح، قال ابوصالح: بس لايهمونك دين اهل اسيا الوسطى واوربا والله مالهم من الاسلام الا اسمه!! رد ابو راشد: والله انك صادق يا بوصالح! واضاف ابو صالح والا دين ها الاشوام والله دينهم ماهوب اللي انت تبي يا بو راشد!!! فرد ابو راشد: والله انك صادق يا بو صالح!! قال والا هالافارقه والمصاريه والسودا نيين متصوفه مبتدعه ماهوب والله هم والاسلام ولايايف!!! قال ايه والله يا بوصالح انك صادق!! قال ابوصالح ان بغيت الاسلام في ها الديره (السعوديه)، قال ابو راشد ايه والله انك صادق يا بوصالح!! فرد بتنهد ابو صالح: والله ماهوب دين كل اهل هالديره على اللي تبي يا بو راشد!! اهل الجنوب اهل بدع وزيدية واسماعلييه مالهم من الدين الا اسمه!! قال ابو راشد ايه والله انك صادق يا بو صالح!! واضاف ابوصالح: والا اهل الشرقية رفضة وشيعة والله ما خذوا من الاسلام الا اسمه!! واهل الحجاز مبتدعة صوفية ماهوب والله اللي انت تبي يا بوراشد!! واضاف ابو صالح: ان بغيت الدين والله في نجد والباقين خلهم على يسراك (شمالك)!! والله انك صادق يا ابوصالح!! اضاف ابوصالح والله بعد ماهوب كل اهل نجد دينهم على اللي تبي!! اهل الرياض واللي حولها شرابين للتتن ويشوفون الدش والله مادري عن دينهم يا ابوراشد!!! لكن لابغيت الاسلام تراه عندك بذيا بالقصيم!!! رد ابو راشد والله انك صادق يابوصالح!! فاضاف ابوصالح والله ماهوب كل اهل القصيم دينهم على اللي انت تبي اهل عنيزة واللي حولها يبعون التتن ويلبسون كبك والدشوش مليانه با السطوح!!! ان بغيت الدين والله تراه بذيا عندك ببريده!! رد ابو راشد والله انك صادق يابوصالح!!! واضاف ابوصالح والله ماهوب دين كل اهل بريده على اللي انت تبي!! طلعت هالاستراحات ومايندرى من اللي يشوف الدش ومن اللي مايشوفه ان بغيت الدين كما انزل ترى في حارتنا بذى!! قال والله انك صادق يا ابو صالح!!! قال والله بعد ماهوب كل اهل الحارة على اللي انت تبي اشوفهم يسحبون رجليهم للمسجد تقل انهم مغصوبين على الصلاة!! والله مابوه في الحارة الا انا وانت يابوراشد!! رد ابو راشد والله انك صادق يابوصالح!! اضاف ابو صالح: والله اني اشوفك مانتب تخشع في الصلاة يابوراشد


  2. #2
    كلاسيكيّة

    رقم العضوية: 5
    تاريخ التسجيل : 25 - 04 - 2002
    الدولة: الخبـــر
    المشاركات: 3,479
    الجنس : أنثى
    التقييم: 66
    تم شكره 0 مرة في 0 مشاركة

    هههههههههههههههههههههههههههههههههههه
    هههههههههههههههههههههههههههههههه
    ههههههههههههههههههههههههههههه
    هههههههههههههههههههههههه
    ههههههههههههههههه
    هههههههههههه
    ههههههههه
    ههههههه
    هههههه
    ههههه
    ههه
    هه
    هـ
    حلووووووووووووة أخوووووي أصيل الشرررررق
    الله يعطيك العافية
    alot of this

    تحياتي
    جنان

  3. #3
    رحمه الله

    رقم العضوية: 33
    تاريخ التسجيل : 26 - 04 - 2002
    الدولة: ديرة ابو متعب
    العمر: 47
    المشاركات: 473
    التقييم: 10
    تم شكره مرة واحدة في مشاركة واحدة

    [moveup]

    العزيز اصيل

    حسبي الله عليك فصفصت العالم كله علشان القصيم واخرتها

    مايطلع منهم الاابوصالح الله يسامحك وانا طيب


    [/moveup]

    تحياتي للجميع

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •