النتائج 1 إلى 4 من 4
  1. #1
    برنس جديد

    رقم العضوية: 40384
    تاريخ التسجيل : 01 - 03 - 2010
    الدولة: في حنآيآ الأوهآم
    المشاركات: 18
    الجنس : فتاة
    العمل : !...!
    الهوايه :
    التقييم: 10
    تم شكره 18 مرة في 10 مشاركة
    SMS:

    أقسم بربي .. غلاك بيوم ماعمري جحدته !!


    ,’



    ,’



    ,’







    بعد خمس سنين مَرْتْ آه أنا بالسوق شفته

    صدفه جابتني لدربه من بعد خمسة سنين




    والله إني من سمعته كـلم البايع عرفته

    إلتفت بلهفة اللي حيل مضنيها الحنين




    لكن الصدمه عظيمه شايل (ن) بيديه بنته

    ومعه أم البنت تمشي شابكـه فيه اليدين




    وقتها دارت بي الدنيا وحزني ما احتملته

    حارت دموعي وأواسي نفسي: ياريم; اليقين




    وصرت أفكـر يعني يعرفني مثل ما أنا عرفته

    وإلا ناسي قلبي اللي مارضى بغيره ضنين




    دق جواله ونزل من على الاحضان بنته

    وخثعت بنته ونادى: ريـــم لا لا توقعين




    قمت أناظرها ودمع احتاربعيوني ذرفته

    استوت هالدنيا عندي عادي لو موتي يحين




    انحنيت أبوس ريم وخدها الايمن لمسته

    التفت لي وقال لي : ياهيه فيها وش تبين




    قمت أتجاهل واسوي نفسي كني ماسمعته

    قال: يا اختي ابعدي عنها ولا تستهبلين




    ويوم قرب لي , بعيني من ورا البرقع خزرته

    وإنكـسرصمتي وقلت: الله على الدنيا يعين




    طاح جواله, تلعثم قال: أنا بحلم (ن)حلمته

    وإلا واقع فهميني ليه عني تبعدين




    ليه عني ماسألتي وأنا هذا الكون بعته

    لجل عينك ياعيوني وما أظنك تجهلين




    أنا من بعدك يا ريمي حتى طاري العرس عفته

    ناظري فيني وشوفي كـيف من بعدك حزين




    والله إني ما أنام إلا وماضينا ذكرته

    أنتي وحدك من جعلتي قلبي القاسي يلين




    أقسم بربي غلاك بيوم ماعمري جحدته

    ما إلتفت لبنت غيرك ما سمعت العاذلين




    ماسهجت دروب غيرك دربك اللي بس سهجته

    وش أسوي لجل ياروحي كلامي تصدقين




    حتى شوفي هذي أختي تشهد بصدق اللي قلته

    وهذي طفلتها على اسمك اسمها وتستاهلين




    صدقيني مانسيتك حبك الصادق حشمته

    حتى حرف الراء منك باقي له بإذني رنين




    قلت : ... قال : سمي, قلت: أنا والله صنته

    حبك اللي كان أصفى من ورود الياسمين




    كم طلبني واحد(ن) غيرك وأنا لجلك رفضته

    وكـم تحملت الغثاء واسمع شماتة شامتين




    وكم لجل عينك بكِـيت وحتى ليلي لك سهرته

    حيل ذابحني غيابك وفرحوا بي الحاسدين




    وأنت تدري بأن حبي ما أبالغ لو وصفته

    بأنه أصدق حب يحصل في حياة الصادقين




    قال لي: يا ريم ربييشهد بدمعـ (ن)نثرته

    ويشهد إني وافي لحبك ولاسرارك أمين




    إرجعي لأبوك قولي: نصفي الثاني وجدته

    واحتريني جايبن مهرك ودبله باليمين




    إبتسمت وقلت في نفسي حرام إني ظلمته

    ثم طلعت من المحل والفرحه بعيوني تبين




    وقمت أتمتم في طريقي: هذي أخته,هذي أخته

    وآآه ....... يازين الوفاء لاصار بين العاشقين.. !!













    ,’



    ,’



    ,’



  2. 3 أعضاء قالوا شكراً لـ ؛ عطر الأمآني ؛ على المشاركة المفيدة:

    Đєώч (16-12-2010), رنيم المشاعر (18-12-2010), شقـَآوَهـ (16-12-2010)

  3. #2
    إستِثْنَاءْ !

    رقم العضوية: 36829
    تاريخ التسجيل : 20 - 06 - 2009
    الدولة: صُنْدُوْقُ أُمْنِيآت
    المشاركات: 3,663
    الجنس : فتاة
    العمل : الأِخْتِنَآقْ فِـي أرْوَقَة ~ الجَامِعَة
    التقييم: 30365
    تم شكره 3,577 مرة في 1,415 مشاركة

    .


    رايقة القصيدة ،
    صح لسان كاتبتها ،
    وسلمت يمناك


    .

  4. #3
    كبار الشخصيات

    رقم العضوية: 21875
    تاريخ التسجيل : 24 - 10 - 2007
    الدولة: الّسعُوديَه < إومَـآ
    المشاركات: 7,535
    الجنس : فتاة
    العمل : طآلبه
    التقييم: 41222
    تم شكره 2,328 مرة في 1,149 مشاركة

    روووعه القصِيدة ماشاء الله تبارك الله
    صحْ لسَانهَا وسلمتْ يمينِك ياعِطر على هالإختيَار


  5. #4
    Eve

    رقم العضوية: 30580
    تاريخ التسجيل : 10 - 09 - 2008
    الدولة: بين آطلال الرياض }~
    المشاركات: 4,345
    الجنس : فتاة
    العمل : طالبة
    التقييم: 26601
    تم شكره 1,846 مرة في 966 مشاركة




    عْطرَ الآمَانيْ
    ..{


    يع ــطيك الع ــآفية ..ولآ ع ــدمنآ تميز انآملك الذهبية..
    بنتظآر القآدم بشووق ..فلآ تح ــرمنآ جديدك..
    لِ ذآئقتـك بآقآت من الجوري...!
    !
    ...!

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •