بلاك بيري بدون كام !

**نزف !** · 24-10-2010, 01:53PM

..

يسعد ايـــامكم

سمعت فيه بي بي بدون كام صدق والا بس كلام بنات ؟ وين اقدر احصله ؟
ابيه حق الجامعه بدال المعفن اللي اخذه

**البرنـــس** · 24-10-2010, 02:21PM

هلا فيك أختي
هو فيه أكثر من موديل
لكن مدري موجود هنا في السعودية أو لاء؟
عموماًحصلت لك هذا الرابط
BlackBerry Bold 2 9700 Review
وبالتوفيق

**سيريلآك بالعسل** · 24-10-2010, 02:58PM

.

نفس الشي إلى ودي فيه من اسبوعين مآقلت لك انتي تؤمي الضآئع
مآيبوعونه بكل مكآن بالسعوديه للأسف يعني المحلآت العاديه مآتحصلين فيهآ بي بي
وفيه ناس بيعون البلآك بدون كام عن طريق النت بس ابد ماخش مزآجي اشتري منهم
ايييه صح يقلون يبيعونه بـ إكسترا إذا عندكم فرع روحي واسألي وردي لي إذا لقيتي ويقلون بالحدآد <~ هذا محل عندنآ مدري عندكم فرع ولا لا !

وبثث هذآ إلى اعرفه يآخيتي :$

**نٌورهَ الخآلديْ** · 24-10-2010, 03:18PM

وراه جوال بو لمبه مو مالي عيونكم
شوفيه في موبايلي اكيد عندهم ..

**نزف !** · 24-10-2010, 05:56PM

..

اهلين فيك البرنس

مررره حلو اللي حطيته وهو المطلوب
بس هالنوعيه مالقيتها بالمحلات اللي اعرفها

المهم انا مالي شغل الجوال أشتريه يعني أشتريه بس قول يارب يتحصل

مره شكراً يالبرنس الله يحفظك

**نزف !** · 24-10-2010, 06:09PM

..

هلا هلا بتوأمي الضائع
ماشاءالله فكل شي نتشابه حتى بالتفكير

اكسترا عندنا بس مادري ليش ما أضمن جوالاتهم يجيني احساس انها مو أصليه وكأنها مستخدمه خخخخ
بس بكرا أطلع من الجامعه واروح وش وراي عالأقل بشوف بكم يبيعوه وان حسيته يستاهل بآخذه وبكشخ فيه

واللي بالنت شفت يبيعون بس مادري ماعندي ثقه لازم أشوفه قبل اشتريه ")

شوووكرا ياتوأمي القميل

**نزف !** · 24-10-2010, 06:36PM

وهم

ابو لمبه مايليق لي تعرفين البزنس واللي أشغالهم كثير وكذا <~ تدلّين الباب ؟

موبايلي نصابين مره غالي عندهم

**! خيال الروح !** · 24-10-2010, 06:43PM

.
.

يختي ما أتصور نفسي اشتري جوال بدون كيمرآ
وه يازين جامعه قهر مب ممنوعه الجوالات بس عاد حنا ما نفصخ العبايات
اقول نزف اتبعي مشوره وهم شحلاته بو لمبيه
يقولون راجع سوقه وبقوة

‏<‏~ تدلين الباب

**شقـَآوَهـ** · 25-10-2010, 05:23AM

^

ايه صَح هالأيَامْ سوق ابو كشَافه مدري لمبه على قول وهم مااااشي وبقوّة
وله عدّة مزايا أولهم اللمبَة يعنِي يفِيد اذا طفة الكهربا - والثاني صغير الحجم موب البلاك بيري تقل حاسبه
والثالث سهل الإستخدامْ - والرابع ضِد الماء <---ساعه هو

امزَح معاك نزوفَه أم خلفيّة سودا
الله يرزقِك باللِي تبينه وبأرخص الأسعار واصلِي موب تقلِيد

**الـمـهـاجـر** · 25-10-2010, 06:30PM

حيإاكـ نزف

مالك إلا تحطين لصقه على الكاميرا

لقيت لك جوالين وهذي مواصفاتهم

بلاك بيري 8700 سمارت فون (الهاتف الذكي)
دعم بلوتوث
لوحة مفاتيح "Qwerty"
مفتاح تعقب/توجيه دائري يعمل بالإصبع.
110×69.5×19.5 ملم (ال×دبليو×دي) – 134 غرام. حجم
شاشة (ال سي دي) 320×240 فائقة الوضوح مع 65.000 لون داعم.
ذاكرة داخلية سعة 64 ميغابايت.
خدمة البطارية: 4 ساعات تحدث / 7.5 أيام في حالة الإستعداد.

بلاك بيري 8800 سمارت فون (الهاتف الذكي)

السعر: 2499 ر.س
يدعم نظام تحديد المواقع "جي بي اس"

مُشغل وسائط متعددة

لوحة مفاتيح "Qwerty"

مفتاح تعقب/توجيه متحرك.

دعم بلوتوث 2.0 v

حجم 114×66×14 ملم (ال×دبليو×دي) – 134 غرام.

ملاحة سهلة مع برنامج خرائط البلاك بيري.

شاشة (ال سي دي) 320×240 فائقة الوضوح مع 65.000 لون داعم.

ذاكرة داخلية سعة 64 ميغابايت. مايكرو اس دي قابل للتوسيع

خدمة البطارية: 5 ساعات تحدث / 22 يوماً في حالة