النتائج 1 إلى 4 من 4

الموضوع: قصة التاريخ

  1. #1
    عضو متميّز

    رقم العضوية: 36122
    تاريخ التسجيل : 09 - 05 - 2009
    الدولة: السعودية
    المشاركات: 58
    العمل : مشرف
    الهوايه :
    التقييم: 53
    تم شكره 26 مرة في 16 مشاركة
    SMS:

    قصة التاريخ


    انا مثل هـا النـاس والنـاس بالنـاس=أمـوت فـي الطيـب وراع الذخيـرة
    ماهوبلغز(ن)دار في محـزم الـراس=إلا علـوم(ن)كـايـده مسـتـثـيـرة
    شيخ(ن) تعلى فوق ريسـان الأريـاس=من طيبتـه حـاز العلـوم الجسيـرة
    كلن يماريبه ولـه فـي المـدى بـاس=شـال الهمـوم الكايـده والمـريـرة
    يالبس جنبي يا عضيـدي فـلا بـاس=دونك قصيـدي يـا عظيـم السريـرة
    ياأمبارك المنصوب يا خيـر عسـاس=يااجمـل دواوينـي وياخـر مصيـره
    الحصـن والتاريـخ شاهـد وحـراس=تشهد علـى فعـل الجـدود الكبيـرة
    مادام يقـرى شبرقـه معظـم النـاس=فحنا ورثنـا المجـد عظـم وجبيـره
    أقبـور تشهـد والمعانـي بـكـراس=امدونـه للخلـق فـي كـل ديــرة
    اتراك وأقبـور فـي الأرض غـراس=تاريـخ مكتـوب(ن) ويبقـى بخيـره
    والي بنى التاريخ سـاس بعـد سـاس=قلوب مـا خافـت هبـوب السعيـره
    شالو القنا والرمح من لبـس واقيـاس=وربووا الخيـول الساطيـه والمغيـره
    ودقو طبول الحرب والزيـر حسـاس=ياعل عيـن (ن) مـا بكتهـم ضريـره
    وحنا هل التاريخ مـا نعـرف اليـاس=احفاد ابـو بكـر وعمـر والمغيـره
    وصاحب رسول الله من خيرة النـاس=اطيب بشـر معـروف بابـو هريـره
    حنا الفخر فينا مـن الـراس للسـاس=وأكبـر فخـر انـا حمـاة الجزيـره
    يوم ان لي في صفحة المجـد نبـراس=والفكـر غطـى جمجمـة مستديـره
    لاتضرب ايدينك بالاخماس واسـداس=وتقعـد عيونـك بالسهـر والسهيـره
    الا اجمع اولادك مع الجنـد حـراس=ضد الكفر واهـل العقـول الجريـره
    انا خليط المجد مشـروب فـي كـاس=ومذوبـن فـي دمـي امجـاد سيـره
    مسيرة التوحيد فـي دحـر الانجـاس=وحـد قبايلـهـا ودامــت بخـيـره
    من الكويـت الصبـح والليـل لببـاس=حاز الرياض وحاز باقـي الجزيـره
    بكلمـة التوحيـد والطيـب والـبـاس=الله مـعـه واقبايـلـن تستـشـيـره
    منهـا قبايـل دون نقصـن بالاجنـاس=زهران وحـدود السيـوف الشطيـره
    يمكـن تزيـد النرجسيـة فـلا بـاس=ودي افاخـربـك وكـلـن ابطـيـره
    هذي بدايـة عشقـي انـا للاحسـاس=وقصـة التـاريـخ قـصـة مثـيـره
    يمكن تصـدق لكـن الطفـل منحـاس=العولمـة سـوت علـومـن كثـيـره
    يحتـاج منـا وقفـة اعقـول كييـاس=وحط النقط فوق الحـروف الصغيـره
    الجيل الاول جيـل مايعـرف اليـاس=موثوق بأسمـه والعـرب والعشيـره
    يبـات ليلـه هـم قلـبـه بنسـنـاس=يفـرح ليـا شـاف الغيـوم المطيـره
    ماخـان ربـه ماتـقـوى بخـنـاس=الا حفـظ فجـره وصلـى الظهيـره
    وصاة من صلى على حمر الاطعـاس=وذوب شفق شمس السما في ضميـره
    يملك عصـا وايمـان وأشفـاه يبـاس=من كثر مـاداس السهـل والعسيـره
    اقـول والله كـل غـبـه بغـطـاس=ياما نسـي مجـرى الميـاه وخريـره
    مانـام فالديبـاج ماجـاوب انـعـاس=حتيـن ضـم المملكـة فـي نحيـره
    وقال اهتني بالعـز مـن يـد فـراس=ومن بعدي اتقـوم العيـون البصيـره
    اللي لهم في صفحـة المجـد نبـراس=سعـود وفيصـل والملـوك الجديـره
    أمثـال خالـد والفهـد قـوة أقيـاس=شالواهموم الشعـب وجمـع الغفيـره
    وبدلـوا حـزن اليتامـا والاتـعـاس=بأفـراح مثـل البدربـآخـر ثمـيـره
    وأمسى النظر في عز والخوف باحباس=وكلن بنى له قصر وارخـى حريـره
    واليود عهد المجـد وعقـود الالمـاس=في عهد منهـو لبـس المجـد غيـره
    يامملكة بالعـز ترقـى علـى النـاس=فـي عهـد عبـدالله وكلـن سفـيـره
    سفير عز ومجد واحسـاس وانفـاس=وقلبـن مـلاه الحـب مافـي نظيـره
    ملاحـم التاريـخ مكتـوب قرطـاس=منحوت بأحروف الذهب مـن غديـره
    يالله يامعـبـود يامبـعـد الـبــاس=تحفـظ ملكنـا حفـظ والله يجـيـره
    هذي بدايـة عشقـي انـا للاحسـاس=وقصـة التـاريـخ قـصـة مثـيـره



  2. #2
    برنس جديد

    رقم العضوية: 42977
    تاريخ التسجيل : 25 - 09 - 2010
    الدولة: السعودية
    المشاركات: 5
    الجنس : شاب
    العمل : قطاع حكومي
    التقييم: 10
    تم شكره 3 مرة في 3 مشاركة

    الله عليك من شاعر مبدع الى ابعد حد قصيده مميزه أقل مايقال عنها معلقه . أنت فخر للوطن والوطن يفخر بك . تقبل مروري

  3. #3
    Eve

    رقم العضوية: 30580
    تاريخ التسجيل : 10 - 09 - 2008
    الدولة: بين آطلال الرياض }~
    المشاركات: 4,345
    الجنس : فتاة
    العمل : طالبة
    التقييم: 26601
    تم شكره 1,846 مرة في 966 مشاركة



    [ آبو رياض ]

    لقد سكبت لنا عبق رائحة جميلة , مغلفة بحرف اجمل
    ابدعت وتالقت فهنيئا لك هذ البوح
    وهنيئا لنا أن نقراء لك
    بأناملك تتغنى الحروف لتصنع لنا كلمات رائعه
    دمت ودام نبض قلمك



    .. ~

  4. #4
    عضو متميّز

    رقم العضوية: 36122
    تاريخ التسجيل : 09 - 05 - 2009
    الدولة: السعودية
    المشاركات: 58
    العمل : مشرف
    التقييم: 53
    تم شكره 26 مرة في 16 مشاركة

    الشكر للجميع ( القلم الذهبي ) ( ورنيم المشاعر ) على هذة الكلمات الرائعة والتي تدل على اخلاق عالية وقلوب دافئة يملؤها الحب وصدق المشاعر تحياتي لكم وكم اعجبني ويعجبني اسم رنيم المشاعر فهذا الاسم يكتب فية معلقات هذا يدل على الذوق الراقي في الاختيار تقبلوا فائق احترامي
    التعديل الأخير تم بواسطة ابورياض ; 29-09-2010 الساعة 04:29AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •