النتائج 1 إلى 5 من 5
  1. #1
    كبار الشخصيات

    رقم العضوية: 14518
    تاريخ التسجيل : 27 - 02 - 2007
    الدولة: السعوديه
    المشاركات: 8,927
    الجنس : فتاة
    العمل : طالبه
    الهوايه :
    التقييم: 13080
    تم شكره 928 مرة في 390 مشاركة
    SMS:

    { كيكة زواجها كوره من نار ..!! }


    السلام عليكم ورحمة الله وبركاته

    شوفوا معاي هالقصه الحقيقيه وترى ابطالها حقيقيين

    واسمائهم حقيقيه ( لاتنسون اقروا الملاحظه اللي بأخر القصه )

    نبتدي( القصه ع لسان صديقة بطلة القصه )

    ________

    حصه/ هي بطلة هالقصه كان مقرر زواجها بـ 29 /1 / 2010 لكن قدر الله وماشاء فعل

    حصه بنت طيبه بكل معنى الكلمه ومحبوبه حييل من كل اللي حواليها

    من الاهل والاصدقاء وفوق هذا جميله لكنها ماتتبهى بهالجمال بالمره

    وماشيه ع النيه ..

    حصه تعشق شي اسمه ( نت ) وتقريبا يومها كله يروح بالقعده ورى هالكومبيوتر

    وماشاءالله عليها بكل موقع تدخله تتميز وتاخذ رتبه

    تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر )

    وهي ماشاءالله شعلة نشاط بكل هالمواقع ( لكن ) فيه واحد من هالمنتديات تحبه بشكل

    جنوني وناقعه فيه ليل مع نهار ومحبوبه من الكل فيه

    ولانها متميزه بشغله بهالمنتدى محد تميز فيها الا هي .....؟؟
    المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها

    بهالشغله اللي تسويها وع هالحال لمدة سنتين لاتكل ولا تمل

    وطبعا ادارة هالمنتدى ماتقصر بمنحها الاوسمه والتشجيع المستمر

    اللي يخليها تناقز من الفرحه وتعطي اكثر ..

    المهم هالبنت تقرر زواجها بالتاريخ المذكور اعلاهـ ..

    وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ

    فيه وهي معجبه فيه حييل

    المهم حضرت كل شي وفي كل روحه لها للتسوق تاخذ اعز صديقاتها وهم ......؟ وريم

    مع امها واختها

    خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص

    لها وغالي وااايد

    وكل يوم لازم تطل ع هالفستان >> وصرعت صديقاتها فيه دوختهم لدرجة

    وحده من صديقاتها قالت لها لعنبو ابليسج ليش تحسسيني انج عانس

    وماصدقتي تتزوجين وجع اركدي

    ع العموم قرب زواجها وقبل الزواج بإسبوع فقط ..؟؟
    اقعدت من النوم وهي تصارخ وتبكي بشكل هستيري وكانت الساعه (2) الصبح

    وكان اصراخها عالي وع وصف اختها كان اصراخ مرعب وكأنها ( ملبوسه )



    استمرت بـ الصراخ وامها وابوها واختها وزوجة اخوها يحاولون يسكتونها ويهدونها

    لكنها مستمره بشكل مخيف

    وكان ابوها يقول يابنت اهدي واقصري الصوت العالم الفجر لاتفضحينا

    وهي مستمره راحت اختها وكلمت اخوها اللي كان مداوم وقالت له السالفه

    وطبعا ترك شغله وجاء وهو مخترع من الوضع

    لما وصل اخوها وشاف شكلها الغريب بسرعه طلع من البيت وراح لإمام المسجد

    اللي كان يقيم بغرفه بالمسجد وجابه للبيت دخل الامام وشاف منظر البيت

    فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه

    وتغسل وجها

    بعد فتره هدت البنت وبدت تبكي بحرقه وتقول خلاص معاد ابي اتزوج خلاص

    هالزواج مافيه خير لي ولكم

    فـ استغرب الجميع من كلامها وقالت اختها زواجج بعد اسبوع بس

    قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاج

    تقولين هالكلام وتتخذين هالقرار المفاجىء للجميع ...

    قالت

    شفت شي بمنامي خلاني التخذ هالقرار

    شفت اني لابسه ثوب زواجي وكنت بصالة الافراح وامشي بين الحضور

    وكنت فرحانه بس كنت احس الارض اللي تحتي مو مستويه وبغيت اطيح اكثر من مره

    بس كنت اتماسك قدام الناس علشان الفشله ..

    وصلت الكوشه وجلست بإنتظار العريس ولما وصل وبدأ يسلم ع خواته وامه

    وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب

    المهم جاء وقت تقطيع الكيكه ووقفنا ننتظر الكيكه ولما جابوها العاملين عليها

    كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات

    انتوا بالذات بذوقكم منها تعالو جنبي

    وهنيه اكشفوا عن الكيكه ولا هي كوره من نار حرارت لهبها يصلي الوجه ونور

    اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي

    ريم وقالت تعالي قصيها ياحصه ليش خايفه قلت لها بس هذي نار قالت عادي

    الكيك متعدد الاشكال بس طعمه حلو ولاتنسين انج انتي اللي طلبتيها بهالشكل

    قلت لها متى ياريم وربي ماطلبتها تكون جذي

    قالت ريم امبلا ياحصه انتي طلبتيها وانا حذرتج من هالشكل وانتي صميتي اذونج عني

    استغربت من كلام ريم واخذت السكين وانا احس اني مغصوبه قطعة اول قطعه

    واخذتها بإيدي وكنت راح اعطيها زوجي لكن مالقيته التفت ادوره مالقيته فـ عطيتها

    ريم قالت شكرا ماابيها فـ مديتها لـ ----؟ فـ امسكتها لكنها احرقتها بإيدها ورمتها

    وهي تتألم ولما نظرت للي وراها لقيت طابور من الناس كلهم مادين

    ايديهم فـ فرحت قلت غريبه حبوها رغم انها تحرق وبديت اقطع لهم وياخذونها وهم يتألمون

    من حرارتها بعدها تعبت وانا اقطع والكيكه كل مانقصت زادت مره ثانيه والطوابير

    تزيد واللي يبون منها يزيدون وضليت ع هالحال ساعات طويله ومن التعب كنت ابكي

    انهكت ع الاخر وكل ماجات عيني بعين ريم بكيت اكثر وهي كانت تمسح دموعها

    صرخت وقلت ياريم تعبت متى تخلص هالكيكه قالت ريم تو الناس ياحصه باقي واايد

    وبدت حرارت النار تسيل مكياجي وتوسخ الفستان وكنت اعاني من التعب الشديد

    وفجأه علقت النار بإيديني وبديت اصارخ واصارخ

    مثل ماشفتوني .. وانا خايفه خايفه ياشيخ

    قال الشيخ استغفري ربك يابنتي وقومي توضئي وصلي ركعتين وان شاءالله خير

    _______

    اختها حست ان فيه شي هالحلم ومن الصبح ارسلت ايميل ع احد مفسرين الاحلام

    وحلفته بالله انه يفسره لها بخيره وشره للضروره

    وبعد فتره ارسل لها المفسر وقال خلي اختج هي اللي تروي لي ع التلفون

    كلمته حصه وروت له اللي شافته وسألها عن شاللي تسويه وقالت له كل شي عنها

    قال لها فيه شي انتي تخفينه او تسوينه بالخفاء شنو هو ياحصه

    قالت فيه شي ياشيخ انا اسويه في احد المنتديات وبصراحه كانت وحده من صديقاتي

    دايما تنصحني منه بس انا احب هالشغله واحس اني ماهره فيها

    قال الشيخ شنو هالشغله

    قالت انا مشرفه ع قسم بأحد المواقع وهالقسم يختص بتلبية طلبات الاعضاء

    الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف وايد

    قاطعها الشيخ وقالت استغفري وتوبي هذا كان تنبيه من الله لج

    الكيكه كانت عملج الغير صالح والقطع اللي ارهقتج هي صدقاتج بالذنب المشترك مع من

    قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه

    هو الذنب الجاري وكبره فـ شوفي كم شخص اعطيتيه طلبه وكم شخص سمعه معه وكم شخص

    نقله من منتداك الى منتدياتهم وكل هذا بسببك انتي

    تقول حصه انهرت وقلت شسوي ياشيخ قال توبي لله توبه نصوحه وتبرئي عن كل
    مافعلتيه بهذه المنتديات

    خصوصا مايخص الاغاني والمنكرات وسأل الله لي ولك الثبات
    وتوبي ياحصه توبي لانك ماتدرين متى الله ياخذ امانته والله يحسن خاتمتنا جميعا
    ولاتنسين يبعث المرء ع مامات عليه ياحصه
    يبعث المرء ع مامات عليه ياحصه

    ___________

    طبعا حصه الحين تابت لكن تعاني من حاله نفسيه سيئه وتعالج
    وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات
    واطلب منكم تدعون لها ( لانها تهمني واايد )

    ملاحظه :-

    حصه هي ( حصيص ) صديقتي المقربه وريم صديقتنا الاقرب واحب الناس لنا
    ودايما تنصحنا لكن الشيطان الملعون لاسيطر ع الواحد

    وع فكره الصديقه المقصودهـ اللي اعطتها حصه القطعه واحرقتها ورمتها هي ( انا نجود )

    ومن يومها حرمت اشياء واايد ع نفسي وانتوا تعرفوا اصعب جهاد جهاد النفس

    انا كتبت لكم قصة صديقتي علشان العبره ولاني حابه الخير لكم
    والله يكفينا شر انفسنا والشيطان

    واللهم إنا نستغفر ونستهديك ونتوب إليك !!
    يا غفار الذنوب ويا ستار العيوب !!
    إغفر ذنوبنا وإستر عيوبنا وأدخلنا الجنة يا رب العالمين

    الهم اجرنا من النار
    اللهم اجرنا من النار
    اللهم اجرنا من النار


    القصه حقيقيه

    منقوله من ايميلي



  2. 3 أعضاء قالوا شكراً لـ رهـــايـف على المشاركة المفيدة:

    أسيرة البعيد (25-05-2010), لؤلؤًا منثورًا (29-08-2010), البرااااق (25-05-2010)

  3. #2
    كبار الشخصيات

    رقم العضوية: 21875
    تاريخ التسجيل : 24 - 10 - 2007
    الدولة: الّسعُوديَه < إومَـآ
    المشاركات: 7,535
    الجنس : فتاة
    العمل : طآلبه
    التقييم: 41222
    تم شكره 2,328 مرة في 1,149 مشاركة

    يالله
    قصَه مُؤثرَة تحمِلْ عظَة وموعظَه ..
    الله ينفَع بهَآ ويبآرِك فِي مَن كتبهَآ ومن سَآعَد على نشرهَآ ..
    ونسأل الله لحصّه ولأمثَآلِهَآ الهدآيَة والثبَآت والرحمَه والمغفِرَه مِن لدُن غفُور رحِيمْ ..

    رهوفَه الله يجزآكْ خَيرْ الجزآء ..

  4. #3
    كبار الشخصيات

    رقم العضوية: 7741
    تاريخ التسجيل : 11 - 12 - 2005
    الدولة: الطــــــــــــائف
    المشاركات: 4,561
    الجنس : شاب
    العمل : نحو الأجيال الصاعده
    التقييم: 14163
    تم شكره 815 مرة في 346 مشاركة

    الله يحيمنا , وإن شاء الله هالقصة تنفع كثير من رواد ما ذكرت .

    رهايف
    الله يعطيك العافيه على هــ / النقله الرائعه

  5. #4
     معشوقة الأمس 

    رقم العضوية: 37285
    تاريخ التسجيل : 11 - 07 - 2009
    الدولة: السعودية
    المشاركات: 1,169
    الجنس : فتاة
    العمل : خريجه جآمعيه ع رصيف البطآله
    التقييم: 4382
    تم شكره 320 مرة في 231 مشاركة

    اللهم احسن خاتمتنا
    مشكوره رهايف قصه مؤثره
    (أستغفر الله العظيم اللذي لا اله الا هو الحي القيوم وأتوب اليه)

  6. #5
    رُوحٌ خَــآواهــآ الشموخ

    رقم العضوية: 37712
    تاريخ التسجيل : 06 - 08 - 2009
    الدولة: بجوار المصطفى
    المشاركات: 1,548
    الجنس : فتاة
    العمل : طالبه
    التقييم: 12754
    تم شكره 985 مرة في 610 مشاركة

    رد: { كيكة زواجها كوره من نار ..!! }


    واللهم إنا نستغفر ونستهديك ونتوب إليك !!
    يا غفار الذنوب ويا ستار العيوب !!
    إغفر ذنوبنا وإستر عيوبنا وأدخلنا الجنة يا رب العالمين

    الهم اجرنا من النار
    اللهم اجرنا من النار
    اللهم اجرنا من النار



    ^
    آمييييين /

    والله يشفيكي يا حصه ويكفيكي شر الي عملتييه /

    نقل رائع ي رهايف / .. أشكرك عليه /



الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •