| |
عيالنا المليحين :) ( فيس رايح ملح :$ )
.
مسّيهُم برضَاهْ،
شوفوا قبل تقرون الموضوع وكذَا لازم نتفق،
واللي اولوا شرط آخروا .. لمبَة جلنطْ مكسيمَا موديل 90 محروقة
< مسوّية فيها انا الولد الشديد
من الحين اقولكم تراي اول مرة اكتب بوناسة
وفيني من المصالة ما الله به عليم،
لذلك هاوشوني بس بشويش ،
والا ترى باشكيكم عند امي " ويوي "
وقد اعذر من انذَر
الشيءْ الثَاني لحد يجي مطفي النّور ويقعد يسبّ
تراي فتاة حساسة واخاف تنمشخ شعوراتي < تسمع بالرقّة اختنا في الله
شوفوا الله يسلمكم ،
موضوعي هذا رداً لاعتبار كل أنثى مسجلة بالمنتدى / هذا الهدف الظاهري طبعاً
عشان البنات يحبوني ويقولون ياي بطلتنا
بس الجد الجد ابي اكسر راس معلم الشاورما مجرد
< رجعنا للاشاعات المغرضة
اجل مصوراتي / ومصمم / وكومديان بعد
وش بقى لنا حسبي الله على ابليسه
< حسدٌ حسَدْ
كل هالهذرة ولا بعد وصلت للب الموضوع
< اتعب انا على لب
هالحين عيالنا شايفين انفسهم على ايش ؟!
هالشهبان اللهبان
لا خلقة ولا اخلاق ، ياعزتي لأسبانيا بس
يتكلمون ع الاشكال ، واللبس !
الحيْن بالله وش احساسي كبنية ،
موقفة عند كشك في امان الله ،
لفيت اسأل امي وش تبين ؟! ويوم رجعت اناظر الكشك ،
ظلمت الدنيا بوجهي ؟!
غمضت / فتحت ولازالت الظلمة موجودة
ياربيه خفت وقمت اتشهد حسبالي بموت
طلعت كدشة ولد يالله السلامة
لا ومن شين الاخلاق بعد ماخذ مكاني
اقوول لاتنسون تسلمون لي على " السيدات اولاً "
الا على طاري الكشكات والاسواق
ليه العيال يروحون السوق مرسمين ،
وطاقين ذاك القلم اللي من ابو ريالين يلق من على بعد كيلو !
الحين بزعمهم يخققون ؟ والا وش الوضع بالله
والا يجيك واحد مسوي فيها الولد الكول ،
وطيحني وحركات ، والبلاك بيري في الجيب باين نصه ،
وفوق كذا حاط البيبي على العالي ، الا غصب اسمعوا ان تجيني رسايل بالهبل ،
وان الكونتاكت عندي اووف ياستار وش كثرهم
وتلقى هالرسايل كلها من خويه اللي جالس ع الكوفي المقابل
طيب نطلع شوي من السّوق،
عند باب المجمع انواع التميلح
والا الشباب اللي يسوون لي فيها انا المعذب لنا الله
وهاتك ياتفرفر بالسيارة قدام البوابة ،
وكل شيء اغنية ، شوي محمد عبده ،
وشوي اكون ، ثم يغلط بالشريط ويولع مزعل
اتوقع الآخير يبي يخقق جدتي مزنة ،، والله اعلم
طيّب ناخذْ صورَة اقرَبْ للسيّارة
سيديّات الاغاني المذكورة اعلاه ، شماغ تقل لها ست سنين ما انغسلت ،
كابْ انقلب لونه رمادي وهو بالاصل بيج
كراتين مالبورو احمر ، ولاعات مخلصة
جوال الساهر منطول
وبالركن هناااك ورى كرسي الراكب استمارة ايجار السيارة هههههههههه
طيب نسوي زوم اكثر على جواله
وتحديداً ع الاسماء
خالد النشبة < خويه الروح بالروح ،
كومار البنشري ،
متى بتزوج < امّه
اخواته وعماته وخالاته ( أ ، ب ، ت ، ث ، ج ، ح .... ، T , E .. )
مابقى حرف بالعربي ولا انقليزي الا وحطه رمز ،
لاجل محد يعرف اسماء حريمه
هذا لوما نتكلم عن حركاتهم بالبيت
يجيك نص الليل يدق على اخته قومي افتحي لي والا قسم بالله لاطلع افجر غرفتك
ترد عليه وهي نايمة الضعيفة ، طيب ابشر بس لا تدق الجرس تصحي ابوي
وبعدها ينام ليما الفجر ،
ويجيك ابوه يصيحه ، طبعاً يصحيه = يصحي الحارة معهم
قم لا بارك الله فيك يالـ ...................
وكل ذا ولا أثر فيه ولا صحاه
ومتى يقوم المغرب !
يجمع الفجر والظهر والعصر ويستعد بكل خشوع وطمأنينة لصلاة المغرب < ايه هين
وشلون يستعد ؟!
يروح يصارخ عند خواته ،
وش غداكم ؟!
وهو يتغدى ،
فلانة جيبي الشطّة ، علانة جيبي اللبن ،
فلتانة ماسويتوا اليوم حلى ؟!
نعنبو دارك تقل ماعندهم الا انت
وبعدها يطلع للمجمع ويتكرر الروتين نفسه ،
تبوني اعيد ! تبطون ، طالعوا فوق وتشوفون وش يصير
مهاويْ ،
لا بغيتي تودينه لبعيداً عن التكرار بسبّة المصالة ،
احذفيه قبل ، لاجل مايشمتون العذّال
.
ĵ Ŏ ỷ (20-05-2010), ρiηk ĐяεαḾ (16-05-2010), ,,عَزف آلهدْوء (18-05-2010), .. ẁ3Ď mЙŜAқ .. (16-05-2010), خجـــوله (16-05-2010), أسيرة البعيد (29-05-2010), لـيلى العلي ، (18-05-2010), آهات أنثى (19-05-2010), لؤلؤًا منثورًا (17-05-2010), المُتيّم (17-05-2010), البحر الميت ! (16-05-2010), الدنيا حلوه (17-05-2010), القَيصَر (17-05-2010), رمآد الشوق (16-05-2010), سلمان الطويل (17-05-2010), osamaspeed (20-05-2010)
يختي الوآحد صار يحجز لموآضيعك معد يقووى
هههههههههههههه
تدرين وش المشكلة بعثرة
إن ما عندك اخوآن يوم إنك تطلعين هالحكيْ
يعني أحس الـ اموشن اللي فيه ميهب كامله
-- > يقالها تعرف انجلشْ ههههههههه
ذآ بس الصدز إنك صأدقه
يختي وصخين العياآل
والله أحيانا ودك تكفخينهم
زي الخميس وآحد في المول لابس لي ذا السكيني والقميص وربك حق حريم
وينآ فيه
ولا رآبط شعره
هو لو فيه ذره زيين ههههه ميخآلف سكلنا شووي
وإلا يهددك إنت قلت لأبوي ما رحت أصلي يا ويلك بجيب الهارديسك واقول شف بنتك
معلييش يقارن ذا بذآ
هذا وآجب وهذآ يعني ... ( دبروا تعبير بالله )L:
لا فعلاً العيال ربي حآط فيهم مصآله مالله به علييم
يعني لو جآك حبيب لابد من الـ خشونه تصير فيه
موضوعك مهوب مآصل يمكن ردي هو المآصل شويْ
شوي موب كثيير
يالله جآنيـه يا بطه
التعديل الأخير تم بواسطة رمآد الشوق ; 16-05-2010 الساعة 04:11PM
اي تكرار ... ياعمي فاايف ستارز وانتي مغمضه ...
اللحين تجي مهااوي ... وتصكني وتخليني اشووف الفايف ستارز بالقايله ....
بعثووره ..
كلام يحااكي الواقع ميه ميه ... وضربتي على وترات حساسااات ...
وبيجونك المماليح ويتميلحوون ...
بس قولي لهم مايمدي ... اللي انكسر مايتصلحش ...
الاكيد لي عوداات كثير ... ماتحب الشمااته ابد ...
وبأجيب دلائل ووقاائع ياماا ... والله يعينكم علينا ...
بعثوره ... وكل الصبايا ... الاتحااد قووه
بس موقصدي النموور ادري ماتبين سيرتهم بعبع ..
Đєώч (16-05-2010), أسيرة البعيد (29-05-2010), آهات أنثى (19-05-2010)
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه هههه
شباب الى هنا وخلاااااااااااااااااااااااااااص هذي ما بقى شيء الا وقالته فضحتنا بالعربي
حمله عنوانها ( تسقط بعثره ومعاونيها)
وموضوعك بصراحه هذا حالنا ولكن هذي نسبه تقريباً 60 % وخصوصاً العاطلين لأن ما عندهم شيء وما احد يلومهم
وسالفة يشغل محمد عبده ويطلع بالخطأ مزعل
هههههههههههههههههههههههههههههههههههههه
الله يرجكِ
تصير كثييييييييييييييييييييييييييييييييييييير كثير كثير ههههههههههههههههههه
موضوع شيق ورائع بعثره
وما ننحرم من خفت الدم
وعلى فكره ترى نشاطكِ وتميزكِ ملحوظ بس لو الله يفككِ من امكِ بتكونين بألف خير
ما قلت ويوي والله ما قلت .. أنا قلت ويوي بعثره
بالتوفيق و الله يعطيكِ العافيه
Đєώч (16-05-2010), أسيرة البعيد (29-05-2010), آهات أنثى (19-05-2010)
كلام سليم 100 %
واتمنى د/ بعثرة الدريع لو تفضين نفسك لـ مناقشة مشاكل الشباب
وتنزلين كل يوم الآحد حلقة قصدي موضوع عن الشباب
وتوضحين لهم سلبياتهم ،، وتاخذين بيدهم لطريق الصحيح
وبآذن الله تثابين على هذا العمل
صراحه كان ودي آشارك معكم آكثر لاكن المعذرة مشغوله
طالعه السوق
توصون شي يابنات
Đєώч (16-05-2010), أسيرة البعيد (29-05-2010), آهات أنثى (19-05-2010)
[ قَوسْ الجمآلْ ] ..
رد: عيالنا المليحين :) ( فيس رايح ملح :$ )
<< ( فيييييييييييس خاق مع سواليف بعثره)
يالبى بعثورهـ القدعه
وربي انك بطله تاخذين حقنـــآ << يالبى كلك
وين مجرد مااشوفه
احسن شي لمــآ يجون مسوين رومنسيين ومحمد عبدهـ ويطلع مزعل فرحان خخخخخخخخخخخخخخخخخ
بس بعثرهـ مشكله اذا لبسو سكيني ماعجبونـآ واذا رسموا ولبسـوآ شمـآغ ماعجبونــآ << مشكله يختي ههههههههههههههههههههههه
كلامك سليم 100 % << ياويلي بنجلد
وربي تستاهلين الشكر + التقييم + 5 ستــآر
يعطيك الف عــآفيه
وربي يسلم ديـــــآتك
Đєώч (16-05-2010), أسيرة البعيد (29-05-2010), آهات أنثى (19-05-2010)
ايه يا حزم الضامي ..
يومني ورع .. وانا على ذيك الحصاة مدري التبه ..
( اتحداكم تعرفون التبه )
وأعد حبات الرمل .. وأعد نجوم القايلة
واجمع لي حصى .. عشان فيه حفرة قدامي ..
وابدأ ارمي الحصى على الحفرة ..
على كثر عدد الحصى اللي بـ يدي
الآ انه ولا حصاة طبت بوسط الحفرة ..
مدري هو لآني ارفل
نص اللي تقولينه يابعثرة ما اعرفه للأسف ..
يمكن لأني مراهقتي كانت بين المعزى
ولا تمدنت الا قبل فترة بسيطة
<-- لحست مخ
بالله اثنين شاورما وكثر الكاتشببس الجد الجد ابي اكسر راس معلم الشاورما مجرد
مجرد : ( أهديك أغنية .. لا لا يهمونك )
وهنا اعتراف ودليل ..اجل مصوراتي / ومصمم / وكومديان بعد
وش بقى لنا حسبي الله على ابليسه
< حسدٌ حسَدْ
على أنك عانقت المجد من علوهـ
الصراحة .. ماضحكتالحيْن بالله وش احساسي كبنية ،
موقفة عند كشك في امان الله ،
لفيت اسأل امي وش تبين ؟! ويوم رجعت اناظر الكشك ،
ظلمت الدنيا بوجهي ؟!
غمضت / فتحت ولازالت الظلمة موجودة
ياربيه خفت وقمت اتشهد حسبالي بموت
طلعت كدشة ولد يالله السلامة
لا ومن شين الاخلاق بعد ماخذ مكاني
اقوول لاتنسون تسلمون لي على " السيدات اولاً "
<-- مجرد وش رأيك فيني وأنا واقف معك
يعني يروحون وهم وصخين ..ليه العيال يروحون السوق مرسمين ،
عموما ً اذا البنات راحو بدون مايرسمون
وقتها العيال يروحون بدون مايرسمون
اشوا اني معي أن 95 ورايح فيها ..والا يجيك واحد مسوي فيها الولد الكول ،
وطيحني وحركات ، والبلاك بيري في الجيب باين نصه ،
وفوق كذا حاط البيبي على العالي ، الا غصب اسمعوا ان تجيني رسايل بالهبل ،
وان الكونتاكت عندي اووف ياستار وش كثرهم
وتلقى هالرسايل كلها من خويه اللي جالس ع الكوفي المقابل
هذا ماكنت اتكلم عنه في بداية الرد
وشو البيبي ؟والكونتاكت
بهذي ماعندي خلفية عنها ..طيب نطلع شوي من السّوق
عند باب المجمع انواع التميلح
والا الشباب اللي يسوون لي فيها انا المعذب لنا الله
وهاتك ياتفرفر بالسيارة قدام البوابة ،
وكل شيء اغنية ، شوي محمد عبده ،
وشوي اكون ، ثم يغلط بالشريط ويولع مزعل
اتوقع الآخير يبي يخقق جدتي مزنة ،، والله اعلم
بس الصراحة اني اشوفهم ..
مع العلم ان هالحركة ماوراها فايدهـ
بس يمكن يفشون غلهم نوعا ً ما ..
عشانهم مايقدرون يدخلون ..
أجل مزعل ..يعني أني حزين ووحيد
الساهر اللي لونه موف ..كراتين مالبورو احمر ، ولاعات مخلصة
جوال الساهر منطول
ههههههههههههـ ياقدمك ..
الله يهديهم ويهدينا معهم . .يجمع الفجر والظهر والعصر ويستعد بكل خشوع وطمأنينة لصلاة المغرب < ايه هين
الآ صلاتي ما أخليها . .
لا .. ووووين .. عاد البرشا مأخذين كأس الدوريمهاويْ ،
لا بغيتي تودينه لبعيداً عن التكرار بسبّة المصالة ،
احذفيه قبل ، لاجل مايشمتون العذّال
مثل الهلال .. نبي نشمت ونستانس ..
ونهايط على راحتنا ..
Đєώч (17-05-2010), أسيرة البعيد (29-05-2010), آهات أنثى (19-05-2010)
.
مساك الله بالرضا ..
يووه يا بعثرة , تقريباً جبتي أغلب ملاغات الشباب ..
قسم بالله تكرهين تطلعين مجمع أو تتمشين منهم ..
خاصة عند صحارى إذا رحنا أحيان هناك , تلقينهم يمشون طوابير
شورتات والله من زين العصاقيل السوداء
منه شهر !
لا و إلا إذا كنتِ في مجمع و بدوا يتميلحون , سوالف بصوت عالي
يعني أسمعوا ترانا موجودين !
عاد والله من زين تناسق الألوان عندهم إذا لبسوا !
و كله كوم و لا شفت واحد لابس بينك , قسم بالله أكره اللون ..
و إذا فروا بالسيارة و الغربي مشعلل لين آخر الحارة الخامسة
يعني أنو أحنا الأبطال اللي عندنا اللغة البطلة و نفهم وش تقول
بيرتني و ايفرل و طقتهم ..
أحد حاط أغانيهم !
ايه و بس هذا اللي عندي الحين , بس أكيد إذا عادوا عدنا ..
و تسلم يدك يا بطلة ..
Đєώч (17-05-2010), أسيرة البعيد (29-05-2010), آهات أنثى (19-05-2010)
..
ههههههههههههههههههههههههههههههه
بعثووره يشغل عدووينك والله انك جبتييهم
هذولي من برا الله الله ومن جوى يعلم الله ...
يااااشييييخه حرقتيييهم بزوومك ماخلتي شي
ونكبتي عفووشهم والدلييل ضحكة بنزين
يووه يا بعثرة , تقريباً جبتي أغلب ملاغات الشباب ..
قسم بالله تكرهين تطلعين مجمع أو تتمشين منهم ..
خاصة عند صحارى إذا رحنا أحيان هناك , تلقينهم يمشون طوابير
شورتات والله من زين العصاقيل السوداء
منه شهر !
ياااشينهم واااثقيين يطلعوون هالعصااقيل الله من زين الثقه
وربي رحمهم بهالكدش لقووه عذر ..
ياحلااات من عصر علييه نيير والاإيمااكـ
..
Đєώч (17-05-2010), أسيرة البعيد (29-05-2010), آهات أنثى (19-05-2010)
رد: عيالنا المليحين :) ( فيس رايح ملح :$ )
هههههههههههههههههههههههههههههههههه بعثُوره صح لسَآنِك ولاهنتِ
وماذكرتِي ان ريحتهُم خايسه
ومايخرجُون من مكآن إلآ وهم قآلبينه فوق حدر
والريحَه تنتف تفك الرآس وتقلب المعدَه
وألسنتهُم وصخه مع بعضهُمْ
والكثير الكثير
الكلام يطول والوقت مايكفي صراحتن
انا لو بتكلّم عن عيوبهُم مارح اخلّص
وبعدِين اكثر عيوبهُم فضايح يوختِي
الستر زين
الله يستر عليكم ويهديكُم وبس
ههههههههههههههههههههههه
بعثوره ربي يسعدك
وترى ماينفع معهم الا السيفُون الحار
Đєώч (17-05-2010), أسيرة البعيد (29-05-2010), آهات أنثى (19-05-2010)
ضوابط المشاركة
رد مع اقتباس
المفضلات