صفحة 1 من 3 1 2 3 الأخيرةالأخيرة
النتائج 1 إلى 10 من 21
  1. #1
    لا تضايقونها !

    رقم العضوية: 22332
    تاريخ التسجيل : 15 - 11 - 2007
    الدولة: فِيْ عِلّيِيِنْ !
    المشاركات: 7,559
    الجنس : فتاة
    العمل : .
    الهوايه : شيءٌ وَ أشياء لا تُذكر !
    التقييم: 38186
    تم شكره 5,929 مرة في 2,211 مشاركة
    SMS:

    اللهُمَ أعطيَّ كُلَّ إنسانٍ ما يتمناهُ ليّ !

    يضحك [ .. العرس حضرناه و الرقص رقصناه .. ]



    .



    مرحبا ..
    يسعد لي أيامكم ..


    يا كثر سوالفي بعد , وعاد أنتم عطيتوني وجه بالفعالية
    عشان كيذا جيت أسولف مره ثانيه ، بس سالفتي اليوم فيها جزء يحكي عن حدس و أفكار أختي زي ما طلبتوا ..


    طبعا ما يحتاج أقول أنو السالفة قديمة من كم سنة يعني ..
    وقتها كنّا في الإجازة الصيفية , و كنت من زمان ما حضرت زواج , و في ذاك اليوم
    كتب الله و حضرت لا و أستانست بعد !
    و سويت حاجه عمري ما سويتها بـ عمري كل ما حضرت زواج !
    بتقولون وش هي صح ..؟!


    في ذاك اليوم خربتها و [ رقصت ] !
    وهـ بس ، فديت ذاك الطاري اللي خلاني أقمز و انسى نفسي و أرقص !


    هذا ترى كله موجز لأهم أنباء العرس ! و جايتكم بـ التفاصيل ..
    لا تغيرون القناة ، فاصل إعلاني و أرجع لكم ..


    ( لا تذكرت خلي كثرت علي الهموم ، يالله أنك على فرقا وليفي تعين ) ..
    و لا يوقف ، لا يوقف ، لا يوقف ..
    <<< يعني تخيلوها عاد أنتم بـ صوت طقاقه ..


    نرجع للأخبار !
    الزواج هذا كان زواج ولد جيرانا ، طبعاً تراهم ما عزموني بس عازمين أمي ..
    و بـ طبعي عزيزة نفس !
    <<< متأكده !
    قطيت مع أمي و حضرت ..


    بس والله وش أسوي مفصله الفستان و اكسسواراته جايبتها و شنطة و صندل وحوسه ..
    يعني بالله كم مكلفني كل هذا ..؟!
    طبعاً أنا متكلفه على أساس بحضر زواج صديقتي و زواج أخو صديقتي الثانية ..
    و لا حضرت هذا و لا ذا ..
    الأولى قالت أبيك تجلسين معي بـ الغرفة فوق ! قلت وش يجيبني إذا بقابل خشتها
    و مانيب سامعه الأغاني و شايفه الرقص !
    ألا خليني أكذب و أقول أبوي عيّا يجيبني ..
    <<< أمحق صداقه !


    و الثانية حاطين زواج أخوها في قلايع وادرين !
    قال أخوي فاضي لأمك أوديك و أجيبك ..
    و صرت كل يوم مغير أطالع في الفستان و أبكي على حظي ..
    مير و أتفاجأ بـ زواج ولد الجيران ..
    قلت بس هذا هو ، و فعلاً حل أزمتي و حضرت الزواج أخيراً ..


    إذا موب واهمه كانت أيام كأس آسيا , فـ بعد ما شفت المباريات أتجهت للمشغل مع أختي ..
    و إذ بنّا نلقى وحده نزره هي و بنتها ..
    فـ قالت لي أختي وقتها من باب المداعبة ، شكلك بتلقينهم في العرس ذولي

    " هذا مربط الفرس في سالفتي " ..
    و فعلاً يوم رحت للعرس لقيتهم هناك !
    أهب عليها حدس مب صاحي قايله لكم أنا في موضوعي حق الدانوب ..
    <<< لاحظوا أنها أختي !


    المهم أني حست بـ نفسي في المشغل و رجعت لبست و تكشخت و طلعت أنا و أمي و أخوي للقصر ..
    و تمت العمليه بـ سلام ! دخلنا و تكشخنا و فتشونا ..!
    و أخذنا مقاعدنا في القصر ..
    و أخترت لي طاوله في موقع استراتيجي ..
    ألا و تجي وحده من حريم الجيران و تسلم على أمي .. و تجلس جنبنا و قالت لأمي تراهم بيسوون
    للعروس زفه و بيصورونها ! قالت أمي أقمزي جيبي عبايتنا عشان نلبسها لا بغوا يصورون ..
    و أنا اللي أرد عليها ، يا سلام وشو له كاشخين أجل ..؟!
    عاد قلت لها : لا يمه مب لازم نتغطى كود تلقطني الكاميرا حقتهم و يشوفني واحد من عيالهم ..
    يمكن أعجبه ما تدرين ..
    قالت : قومي وجع و ألا بـ كف على دمجتك ..
    و رحت عاد جبت لها عبايتها , المهم بدوا حريم الجيران يتوافدون على طاولتنا ..
    وقتها كنت أحس إن شكلي غلط و أنا بينهم الـ بنت !
    <<< ليه هم عيال ..؟!


    و بدأ الطق و الأغاني ,, وهـ بس ..
    يا زين الطق و الرقص ..
    المهم و يوم حطوا شوط لـ عائلة المعرس اللي هم جيراننا ! <<< حشا صايرين مباراة ..
    ألا ويقومون الحريم يرقصون ألا أمي و وحده من الجيران ..
    قالت : أمي قومي أرقص عنّي ..
    قلت : والله ما رقصت بـ زواج بنت عمتي عشان أرقص لـ ولد جيرانكم !
    انسي الموضوع و لا عاد تعيدينه !


    المهم طقوا لهم أغنيتين ، ألا و تحدث المفاجأة !
    شوي ألا تغني الطقاقه [ كل .............. كلهم ، لا شتت الله شملهم ] !
    أبي أستوعب العمه تغني بـ عايلتي ..؟!
    وش جابنا لهم ..؟! قسم بالله قمت من دون شعور ! و رقصت ذاك الرقص !
    عاد يوم رجعت للطاولة مير يقولون لي الحريم : عشتي ! بغيت أقول : لا مت !
    أثرهم يقولونها للي تقوم ترقص !
    المهم بدت الهواجيس تجيب و تودي ..
    وش قالوا عن رقصي الناس ..؟!
    و الأهم من هم ذولي اللي يقربون لي وما أعرفهم ..؟!

    <<< كأني الحين أعرف أهلي ! عيال عمتي نصهم ما أعرفهم !
    المهم أني بديت أتناسى المواضيع و تفرغت للطق ..
    و الهواجيس ملحوق عليها في البيت ..


    و بدت عاد الملاغة من جد , كل شوي معطينا شوط في العايلة الفلانية , مسخوا العرس قسم بالله ..
    لا ويوم شافتني أمي قمزت أرقص , صارت كل ما طقوا في أحد من جيرانها قالت يالله قومي أرقصي ..
    ناس ماينرقص عندهم ..
    و بتلت أرقص , تخيلوا يمكن رقصت 4 مرات , ذولي طبعاً غير قمزتي يوم سمعت حس أهلي فديتهم ..


    المهم جلسنا على هالحال لين الساعه 12,30 , عاد بدت زفة العروس ..
    والله أنها شينه , حتى أمها و خواتها , قسم بالله حسافه عليهم الولد ..
    بس بقولكم شي , أقصد الشباب بس إياني و إياكم واحد منكم يتشرط ,, يقول أبي
    طويله و لا زينه ! ترى أم هالولد تقول ولدي ذابحنا بـ التشرط !
    يوم طالعنا مرته , إلا يالله لك الحمد ! , يالله عموماً الله يوفقهم ..
    المهم مثل ما قلت لكم لا تتشرطون ..


    على الساعه 1,15 قالوا يالله العشاء , و بدت جموع الحريم تتوافد للصاله المخصصه للعشاء ..
    و أخذت عشاي أنا و أميمتي , و رحنا نأخذ لنا طاوله نجلس عليها ..
    إلا و توقف أمي عند حرمه جالسه بـ لحالها عند طاولة , و يبدأ الحوار
    أنتي فلانه ..؟!
    و هي تقول ايه ..
    و تسأل أمي : أنتي فلانه ..؟!
    و يالله خذ يا تبويس و سوالف و أشتقنا لكم و مدري وشو ..
    و أنا واقفه بـ صحني , ما يدرون أني طول اليوم ما أكلت عشان أكل من البوفيه حقهم ..
    ألا قالت هذي بنتي ميدي طبعاً , و سلمت ع الحرمه و توني بجلس ألا وتجي أختها ..
    و نفس الموقف ينعاد مع أمي و أخت الحرمه و معي برضو ..
    و توني بجلس ألا أمي تقول خذي رقمها و عطيها رقم جوالي , يا رب محسوب علي هالعشاء ..
    و أخذ جوالاتهم , و أخلص شغلي و أخيراً أكلت ..


    بعد ما تعشينا , رجعنا للطق و الأغاني ..
    شوي و ألمح شلة العجز اللي يرقصون على ( خليلوه ) ..
    وحده منهم أحسّها بـ تموت عقب العرس من كبرها , والله مهوب هينات هالحريم ..
    وش خلينا للأوروبيات من نشاط !
    ألا و أشوف وحده ما تتكلم يا قلبي عليها , الله بس يعينها ..
    قسم نزلت دمعتي عرفت أننا بـ نعمة مو حاسين فيها ..
    و للعلم ما ذرفت دموع في الزواج ألا على هالحريمه مسيكينه ..
    و الدمعة الثانية يوم طقوا [ وين أنت ] , حسبي الله عليهم بس ..


    و جلسنا شوي و مير تقول لي مرت جيرانا يالله بغني في أهلي و أفزعي و قومي أرقصي ..
    يا أختي قري في مكانك وش دخلك أنتي في العرس و أهله ..؟!
    مع العلم أن هالحرمه كانت في مكة و جت الساعة 6 عشان تحضر العرس ..
    و طيارتها الساعة 5 الفجر , بـ ترجع لـ مكة !
    صدق أنهم حريم , ألا والله و أقوم و أرقص معها , يا زين رقصها بنت اللذين ..


    خلوني بس أديور معكم لـ عايلتي , طلع اللي طقوا و غنوا فيها ذوليك الحرمتين
    اللي قابلنهم ع العشاء , بس للأمانه مالنا فيهم يعني هم من ديرة و حنا من ديرة ثانية ..


    طيب نرجع نديور لـ نقطتنا اللي وقفنا عندها , عاد كل شوي تقول أمي هاه أدق على أخوك ..؟!
    و أنا أقول أصبري شوي , لين غنوا [ يا دار ] ..
    و أنا اللي أفقد شعوري و أقمز أنا و أم الجيران و نرقص عليها ..
    و عقبها غنوا كم أغنية وطنية , و قلبنا منتخب ..
    و عقب رجعنا لـ مقاعدنا ..
    و أخذتنا السواليف و الحش في لبس العالم و خششهم ..
    و هذي بنت فلان , و ذيك مرت فلان ..
    و أنا خاشه جو مع الأغاني و أغني معهم , و مير ألمح عجوز تناظرني
    و أنا اللي أسكت و أنزل رأسي , عشان تقول ذي بنت سنعه و حياويه ..
    مير ماش شوي و ناظرت الجهة الثانية ..


    عاد يوم جت الساعه 2 و شي , ألا و يغنون [ يامستجيب للداعي ] ..
    وهـ بس يا أبو نوره و طاريه ..
    و أنا اللي أقمز مع جمع غفير من الحريم نرقص ..
    <<< تلاحظون صايره شات بدو طاحت في مريس , أنا و هالرقص !


    ألا و ذاك الوليد الصغنن الكاشخ يا حبني له ماشاء الله عليه , كله ملحن يذر ..
    و أنا اللي أجلس أرقص معه , و أثاري فيه حرمه تناظرني أنا وياه وتصفق لنا ..
    قلت بس هذي أمه ..
    خليني بس يوم خلصت الأغنيه أمطخ خده بـ ذيك البوسه و أنزله بـ شوي شوي ..
    كود وراها شي ذا الحرمه .. <<< لا حول !
    ألا و تسلم علي , و تسألني أنا تبع المعرس و لا العروس ..؟!
    و يوم علمتها و سولفت وياها شوي , ألا طلعت مرت عم أم المعرس ..

    <<< حشا خريطة ..
    قلت بنفسي : بس يا بنت العطلة الجاية عرسك !
    لكن بعد السوالف معها و مع أمي و أم المعرس أكتشفت أنها توها متزوجه ..
    و هالولد اللي رقصت معه هو بكرها , أمحق حظ علي بعد أنا و وجهي ..


    عاد يوم جت الساعه 3 قالت أمي ما تلاحظين عطيتك وجه ..؟! و أنا ودي أقول لا بس أستحيت !
    المهم دقينا على أخوي عشان يجي ياخذنا , ألا و أمي تعزم حريم الجيران يجون معنا ..
    و ركبت معنا 4 منهم , و أنا يا بعد الدنيا ركبت ورى , عقب هالرقص

    صرت طقاقه ..
    و وصلناهم لـ بيوتهم و دخلنا بيتنا , بس ماش ما زال فيني رقص ما خلص !
    و أنا اللي أطمر لـ غرفتي ..
    و أفتح اللاب توب , و يالله على مجلد طق × طق ..
    و أمر على العليان و الجدعاني , و لا يهونون الأخوات موضي و صيته و البقية ..
    و أطيّح الحب اللي برأسي , و عقب بدلت و مسحت هالمكياج و هالمناكير ..
    و جلست قدام الجهاز أكتب هالسالفة بـ تفاصليها ..


    عاد أعذروني إن كاني نسيت شي ما قلته لكم !
    تصدقون كل ما شفت شي بـ الزواج قلت بكتبه , لـ درجة أني تمنيت بل قررت أني
    كل مارحت زواج أودي لاب توبي وياي ..
    عشان أسجل لكم كل حاجة تصير أول بـ أول , تخبرون الأمانة في النقل واجبة ..


    عاد الحين حان وقت الذلفه , الحين أستأذنكم و أستروا ما واجهتوا !
    <<< أحس بتقولون وش نستر و وش نخلي !





    احتـرامي ..
    ترف ,



    .









  2. #2
    نغم الانوثهـ سابقا :)

    رقم العضوية: 32977
    تاريخ التسجيل : 17 - 12 - 2008
    الدولة: ...
    المشاركات: 542
    الجنس : فتاة
    العمل : لايوجد
    التقييم: 1772
    تم شكره 14 مرة في 10 مشاركة

    عليك ذكر الله ياترف

    نفس الحاله مدري ليه لارجعت من الزواج اكمل الرقص بغرفتي

    واحلى شي لارحتي زواج ماتعرفين احد فيه ترقصين براحتك

    ربي يسعدك عيشتيني الاجواء

    لك ياحبيبهـ

  3. #3

    [ قَوسْ الجمآلْ ] ..

     

     


    رقم العضوية: 32232
    تاريخ التسجيل : 17 - 11 - 2008
    الدولة: في قلب ماما
    المشاركات: 4,338
    الجنس : فتاة
    العمل : طالبه
    التقييم: 5993
    تم شكره 554 مرة في 329 مشاركة

    ( لا تذكرت خلي كثرت علي الهموم ، يالله أنك على فرقا وليفي تعين ) ..
    و لا يوقف ، لا يوقف ، لا يوقف ..
    <<< يعني تخيلوها عاد أنتم بـ صوت طقاقه ..

    عاااشوووا وراااا


    قطيت مع أمي و حضرت ..

    ياكتر مااقط مع امي بس وش نسوي نبغا ننبسـط لازم نضحي

    ونقط مع الامهـاتـ


    بس بقولكم شي , أقصد الشباب بس إياني و إياكم واحد منكم يتشرط ,, يقول أبي
    طويله و لا زينه ! ترى أم هالولد تقول ولدي ذابحنا بـ التشرط !
    يوم طالعنا مرته , إلا يالله لك الحمد ! , يالله عموماً الله يوفقهم ..
    المهم مثل ما قلت لكم لا تتشرطون ..

    ايوا والله انك صادقه كل واحد يتشرط تجيه وحده ولا اروووع


    لو يقول لاهلو اختارو على ذوقكم انا واثق فيكم راح تجيه اللي يتمناهـاآ


    و مير ألمح عجوز تناظرني
    و أنا اللي أسكت و أنزل رأسي , عشان تقول ذي بنت سنعه و حياويه ..
    مير ماش شوي و ناظرت الجهة الثانية ..

    هههههههههههههههههههههههههههههههههه وقسم بالله عجبتيني


    كأنك تحكين عن البنات كلهم




    واحسك لما كتبتي السالفه جسمك مكسر من الرقص والرجه اللي بالفرح



    تسلم يدينك ياتوتو

    صراحه انبسطت وانا اقرأ وربــي

    كثري لنا من هالكلام الحلو

    ودي

  4. #4
    لَآزِلْت أَتَنَفَّس..!

    رقم العضوية: 29285
    تاريخ التسجيل : 18 - 06 - 2008
    الدولة: غَــصٌة حَنيٍن..
    المشاركات: 2,565
    الجنس : فتاة
    العمل : ....؟!
    التقييم: 15009
    تم شكره 1,189 مرة في 510 مشاركة

    اقول ترف شكلك رايحه العرس وانتي مهيضه مشاعريا ..وطلعتي حرتك بالعرس

    هذا وانتي اول مره ترقصين اجل لو لك سوابق بالرقص وش كان صار


    استانست والله بسواليفك


    لاعدمناك مع هالسوالف الزينه


    يسلمو يالغلا

  5. #5
    يآعيون آبوي تاهت عناويني

    رقم العضوية: 37505
    تاريخ التسجيل : 24 - 07 - 2009
    الدولة: في بريطانيا
    المشاركات: 434
    الجنس : فتاة
    العمل : طالبه
    التقييم: 77
    تم شكره 0 مرة في 0 مشاركة

    هههههههههههههههههههههههه

    من جــــد هيصه واستهبآآآل ووكل شي

    ياحلوج ياتــــــــرف

    فديتج وربي انيتن وحركاتج هع

    سوالفك نآآآآآآآآآيس

  6. #6
    المــزيــوون

    رقم العضوية: 31669
    تاريخ التسجيل : 26 - 10 - 2008
    الدولة: الرياض
    المشاركات: 82
    الجنس : شاب
    العمل : موظف
    التقييم: 118
    تم شكره 8 مرة في 6 مشاركة

    اهم شي وناستك وبعد كانك تبين ترقصين الحين ما فيه مشكله ارقصي


    خخخخخخخ

  7. #7
    شقآويْ

    رقم العضوية: 38544
    تاريخ التسجيل : 29 - 09 - 2009
    الدولة: ~> بنَبضٍ قٍلبه ..
    المشاركات: 116
    الجنس : فتاة
    العمل : آعَيش حٍلمٍيْ !
    التقييم: 117
    تم شكره 0 مرة في 0 مشاركة

    يضحك


    ترف يآعسل


    بجد

    بجد

    بجد

    وسعتي صدري آلله يوسع صدرك بآلعآفيه

    لآعدمنآ هآلسوآلف يآرب

  8. #8
    برنس نشيط

    رقم العضوية: 38319
    تاريخ التسجيل : 15 - 09 - 2009
    الدولة: في بيتنا
    المشاركات: 278
    الجنس : فتاة
    العمل : طالبة
    التقييم: 227
    تم شكره 26 مرة في 19 مشاركة

    واااااااااااااااااااااااااااااااااااااااو وشو ذا العرس الخطيييييييييير والحلوووو وانتي طبعا احلى

    منه والله انك ونستيني بهاذي السالفة الحلوة مثلك وانشاء الله تكون ايامك كلها عروس <<<هههههههه

    وافراح وو ناسة فديتك انا يا لبى قلبك وروحك يسلمووو قلبوو ع السالفة الجونااااااااااااان وما ننحرم منك

    ومن سوالفك الحلووووة مثلك فديتك موفقة بإذن الله ... لكي مني أجمل تحية . شـكــ وبارك الله فيكي ـــرا لك ... لكي مني أجمل تحية .

  9. #9
    كبار الشخصيات

    رقم العضوية: 29732
    تاريخ التسجيل : 15 - 07 - 2008
    الدولة: علىْ مفترق الطُرق
    المشاركات: 2,228
    الجنس : شاب
    العمل : كُنت طآلب جآمعي (^_*)
    التقييم: 13444
    تم شكره 991 مرة في 500 مشاركة

    [align=center]
    مشاء الله عليك يا تــرف أسلوب رآئع وطرح جميل يشد القارئ لنهاية الحديث .. )

    وعسى ايامك كلها أفراح وسعاده يآرب .. )
    [/align]

  10. #10
    لا تضايقونها !

    رقم العضوية: 22332
    تاريخ التسجيل : 15 - 11 - 2007
    الدولة: فِيْ عِلّيِيِنْ !
    المشاركات: 7,559
    الجنس : فتاة
    العمل : .
    التقييم: 38186
    تم شكره 5,929 مرة في 2,211 مشاركة

    اقتباس المشاركة الأصلية كتبت بواسطة دغبوسه مشاهدة المشاركة
    عليك ذكر الله ياترف

    نفس الحاله مدري ليه لارجعت من الزواج اكمل الرقص بغرفتي

    واحلى شي لارحتي زواج ماتعرفين احد فيه ترقصين براحتك

    ربي يسعدك عيشتيني الاجواء

    لك ياحبيبهـ

    و يسعد قلبك يا رب ..

    شرفني تواجدك , عسى سعادتك دوم يارب ..

صفحة 1 من 3 1 2 3 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •