| |
بسم الله الرحمن الرحيم
السلام عليكم
حياكم الله بموضوعي منووورين الحتة
وهالموضوع الي من يوم رجعت وانا ودي اكتبه لكن الله يبارك بالقروبات الي خلتني اجزم واجلس مع نفسي جلسة جدية
هذا سلمكم الله رحنا برمضان الي فات الله يشرفه ويعيده علينا وعليكم لشمال المملكة وتحديداً لمحافظة "تيماء" الشقيقة ,, وياحبيلها من ديرة بحكم انها مسقط رأسي
وهالمحافظة تابعة لمنطقة تبوك ,, ومن أشهر معالمها بئر هداج المشهور ,, ويقولون انها كانت ديرة يهود خخخخخخخخخخ
عاد ترى هذي مهي ذمه بالعكس مدحة .. لأننا طلعنا اليهود منها والي ماقدروا حكام العرب انهم يطلعونهم من فلسطين < والله ويشطح بالموضوع
المهم خلونا من السياسة ياحبكم للتحرش بالحكومة
قعدنا بهالرحلة 22 يوم تقريبا صار فيها من الاحداث ما الله به عليم
اول يوم وصلنا كان بمساء ذاك اليوم دايخين من السفر والتعب ,, لأن المشوار طويل شوي 700 كيلو وبجيب ربع والله من وجع الظهر نعنبو الي مخترعه تقل راكب حمار وانتم بكرامة
انا مدري وش مخلي عبداللطيف تبن رافعن سعره ومطيره بالعلالي قسم مافيه من مواصفات السيارات الا انه يمشي على كفرات
المهم وصلنا وريحنا شوي ونزلنا الاغراض بالبيت واخذنا فرشنا وسلاحنا وزهبتنا وطلعنا ننام بالبر ,, تخبرون اول يوم متحمسين
عشان اول مانصلي الفجر نكمل شوية المشوار لمكان الصيد ونوصل قبل طلعة الشمس
وبدا يوم الصيد الاول صحينا أول الفجر وقعدنا نصيد للساعة 3 الظهر تقريبا .. أول يوم قسم بالله ياتعبنا تعب مهو صاحي تخبرون صيام وحر ومطارد ورى هالطيور
عاد من زين الامور مدري ليه ما افطرنا بحكم اننا مسافرين .. والله ياتعبنا لدرجة يوم رجعنا عجزنا ننام من قو التعب والعطش
عاد المغرب يطول ما يأذن عندهم.. وأول ماقال الله وأكبر وانا ماشوف الا الماء والتانج وشربت لين غدا جسمي يرقل من كثر المياهه
عاد انا ماني جايب لكم كل يوم بالتفصيل بس ابختصر الموضوع بالصور وشوية الاحداث الي صارت معنا
واعذروني على قل الصور .. دايم قبل أطلع اجيب الكاميرا معي واصير مجهزها وشاحنها وكل شي بس لاجا الصيد وبدا الرمي الا يامتذكر الكاميرا وفاضي لها
[caution]
للي مايتحمل المشاهد المريعة والصور الدموية لايكمل .( +18 )
[/caution]
ماتلاحظون اني عطيتكم وجه بالتلوين
هذا أول الخير
وهذي أول البشاير .. وهالنوع للي مايعرف يسمى "القمري" وهو المعشوق الاول لصيادين الطيور "باستثنائي
صادفنا بهالوقت نزول القمري الحمدلله .. وسبحان الله هالسنة القمري غير ونازل باماكن كثيرة بالمملكة وارغدنا منه يالله لك الحمد
هذا الي بالصورة الفريان حقنا
وهالنوع المزيون يسمى "[mark=#000000]الصفار[/mark]" أو "[mark=#000000]الصفاري[/mark]" وهذي وحدة صويب وشرانية يوم مسكتها عضت اصبعي
عاد تحسبيني ابتركك يوم تعضين اصبعي ,, هيهات هيهات
هذي قمرية تدرج تدور الظل ,, قبل لانترحم عليها
قايلكم انه الفريان خخخخخخخخخخخخخخخخخ
عاد نختصر عليكم الوضع ونجيب لكم حصاد اليوم .. وهذا كان اليوم الاول الي تعبنا فيه
قاعدين نتظلل بجنب مشروع البرسيم ودايم الظل عند البرسيم برااااد على كيفك .. ومعنا الي رزقنا الله به من الصيد
لو تلاحظون فيه نوع ثالث من الطيور ماجبت له صورة ولا طاري
لأن هالنوع مانصيده الا بمطارد وطريد ولاني فاظي أصور
بهالوقت الي كنا نصيد فيه كان "النّحم" نازل بكثرة وبحياتي ماعمري شفته بهالكثر ,, وهالنوع من طيور الماء وطعمه خراااافي
المهم رحنا أنا والشباب نبي نترس له عند مجمع ماء وننتظر نزلته .. وهذا وضعنا المزري
هنا نتخار المكان المناسب أول شي .. وقعدنا نحفر شوي عشان نصير بمستوى الارض
أجمع القش فوق الشباب عشان مايبان مننا شي
وهذا وضعنا بس عاد مطلعين روسنا عشان الصورة ولا الاصل كل شي متغبي
والحمدلله رزقنا الله بصيد طيييب .. لكن ماصورت لأن الكاميرا راحت مع الي صورنا
ومرة ثانية مع مكحولة العين "القمري"
عقب فترة أبلشت الشباب قلت أبسوي محترف وأصور صور احترافية < من جنبه قسم
قلت أبصور باللحظة الي توافق لحظة صيد الطير .. يعني قبل يطيح بالارض .. وهذا الي طلعت به من صور
هذي الحمدلله رمية موفقة بطلق واحد .. بس عاد أمانه وش رايكم بالصورة < جاملوه تكفون خخخخخخخخخخخخ
هذي نفس الصورة بس مهي احترافية < غصب يصير محترف
وهذي لقطة ثانية بعد
على طاري الدم .. تصدقون عاد ما أحس اني صيدت ولا أحس بمتعة الصيد الا إذا رجعت و يدي ووجهي مليانين من دم الصيد
وهذي لقطة ثالثة بعد " قسم يانا ضيعت من الصيد على اخوياي عشان هالتصوير خخخخخخخخخخخخ"
خلاص خلصن الاحترافيات الباقيات جاني طلبات شراء عليهن
بهاللحظة تقولنا الشمس خلص يوم صيدكم .. عودوا ادراجكم بما رزقكم الله به من صيد
هذي صورة لمجموع صيد مدري كم يوم بصراحة
عاد هذا الي يزود عن حاجتنا .. ولا صيدنا هو عشانا كل يوم
ويوم انه جا طاري العشاء ابوريكم صور طبخنا .. مع اني منزله قبل بس بعد ابنزله مرة ثانية للي ماشافوا الاول
اولن شي نختار الكمية الي تكفينا من الصيد .. ودايم القمري في مقدمة الخيارات
بالنسبة لي أكثر شي احبه "الدخّل" أو "الشحاريط" وهالطيور حجمها صغير بس والله ياطعمها بالراس
وأحسن مافيها ان الواحد مايقعد يقطع باللحم ولا يقعد يمزمز العظام .. هذي من صغرها توكل كلها مرة وحدة هي وعظامها
عاد ياصوت طقطقة العظام بالضروس شي خرااااافي << والله من وحدة وحدة قال وععععععع
عاد أبوريكم الصور بدون تعليق .. خلاص مليت مالي خلق
^
والله ينا بدت تقاطر سعابيلي عقب هالصورة .. والله ينا جعت
وبنهاية اليوم نجلس بجلسة لنا على الشارع قدام البيت
لاحظو ان البيت مافيه حوش . والجلسة مطلة على الشارع الرئيسي
بس والله جلسة بهالمكان ياااالها مكان بقلبي,, لو اجي لهالديرة ولا اصيد ماعندي مشكلة دامني أحصل هالجلسة
وهالمكان هو الي كان جدي الله يرحمه يجلس فيه ويتجمعون عنده الرجال وكل من مر من عند البيت
ولها شي بالخاطر والقلب ومن ذكريات الطفولة الشي الكثييييير < قلبها حزن خخخخخخخخخخخ
وصلنا بحمد الله وسلامته لنهاية الموضوع
واعذروني على القصور
لكل من مر هنا ونور الموضوع لو بمجرد زيارته وقراءته
والله يا انكم شقرديهـ ...
بالله وش هالطيور اما اللون الاصفر خونفشاااري ,,,
وجعله بالعافيه يالصياد ...بس لو ايش ما اكلته ....!!
الا صدز وش طعمهـ ...!!
والله بالرحله الثانيه نبيك تصيد تمساح ...
ههههههههههههههه
تصدقم اعرفتك وانت مسوووي الوان وحركاتـ ,..!!
ياختيـــر ..
هههههههههههههـ
اهلين دابلر . .
وش هالطيور ياراقل . .
والله يا انتم فااضيين . . ولا برمضان بعد . .
لكن هذا حب الصيد ( قلب ينبض )
ياخي عاد ماقلت صديقي ابو فهد ابجيب له طيرين
يطقطق عليهن . .
ماشاء الصيد متوفر بالحيييل . .
وباين انكم جايبين كميه كبيرة . .
بالله كم طير صيدتو ..!؟
وبعدين البندق اللي معكم وش نوعها ؟
بس لو ماكانت برمضان كان رحت معكم
مابقى غِير[السُكوتْ] ..!
يالبى قلب الكبسة بس
وربي أنكم فلة
بس أحنا زعلانين عليك
ماتعزمنا وربي ماهقيتها منك
بصراحة فلة
كذا بتخليني اروح اذبح كل طيور ولد خالتي واتعشى فيهم
يعطيك العافية يا الغـلا
اعميتــــــــــــــنا بالريش ..
وقسم حسيت انك ارهابي وشرير ووحشقال ماتتراح الا بالدم في يدك
وبعدين بالله كيف تنزل اللقمه<<<<<<حزنت عليهم وهم في الصحن قبل الصلخ
وبعيدن تقتلونها برصاص اقتلوها بنبيله<<<تعرفها المهم يعني الالم اخف
الجلسه الاخيره خوقااااق
اجل كثر طلعات علشان تعطينا مواضيع مميزه وحصريه لناا
استمتعت بالاجواء
دمــــــــت بخير..
أوووووهـ حركآت
مآتلعبون صيد ومو أي صيد بعد طيور
بالعآفيه على قلوبكم
وتسلم لهالتقرير النآيس
[align=CENTER][table1="width:95%;background-color:black;"][cell="filter:;"]
يعطيك العافيه ..../dabbler
رحله خطيره أخذتنا بجوها الحلو
بإنتظار رحلات ثانيه وتصوير إحترافي
يسلمووو الأيادي خيوو
[/cell][/table1][/align]
وبدا يوم الصيد الاول صحينا أول الفجر وقعدنا نصيد للساعة 3 الظهر تقريبا .. أول يوم قسم بالله ياتعبنا تعب مهو صاحي تخبرون صيام وحر ومطارد ورى هالطيور
تصدق نسيت ان الرحله برمضان الا بعد ماقريت هالجمله
الله يعينكم من اولها
اكيد نعرفها وفي احد مايعرف القمريوهذي أول البشاير .. وهالنوع للي مايعرف يسمى "القمري" وهو المعشوق الاول لصيادين الطيور "باستثنائي
قمري شلي بنتنا قمري شلها وراح
^
تذكرت هالاغنيه لمن كتبت قمري خخخخخخخخخخخ
ايش هذا الطير اول مره اشوف شكله !!!
ههههههههههههههههههههههههههههه
والله كأنكم تبيعون في بسطه
والله نفسي اوقف مكان هذا اللي يغطيكم
واقول للطيور شوفوهم هنا مندسين
ياهووووووووووو ياحريف
ماشاء الله عليك
يامجرم حرام عليكعلى طاري الدم .. تصدقون عاد ما أحس اني صيدت ولا أحس بمتعة الصيد الا إذا رجعت و يدي ووجهي مليانين من دم الصيد
ماشاء الله من جد طلعتو خطيرين بالصيد
ماشاء الله ماشاء الله
ماشاء الله بالعافيه عليكم
يالله ايش الجلسه هذي الجناان
تصدق ذكرتني بجلستنا لمن نروح الطايف
برغم البيت اللي نستأجره فيه حوش الا مانحس بطعم الرحله الا اذا جلسنا برا طبعاً بالليل ومستترات وماحولك احد
الله يرحمهوهالمكان هو الي كان جدي الله يرحمه يجلس فيه ويتجمعون عنده الرجال
دابلر من جد من جد انبسطت برحلتك هذي
وتسلم والله يعطيك العافيه
وكثر من هالرحلات وصورلنا اوكي
واخيراً اسفين على البربره الزايده
[align=right]
.
.
وعليكُم السَلام والرحمَة
عِشت جَو بِ رحلتكُم
لا وتبذلون مجهود .. تونِي أدري إنه مُتعب ..
وعاد الله يهديكم بِ رمضانْ << صعبة وإنتم جوعانينْ
زين ما أغمَى على واحد منكم << ماشاء الله
دابلِر / الله يعطِيك ألف عافية
رحلَة ممتعه وتصوير حلو
ربي يسعدَك
[/align]
وعليكم السلام ورحمة الله وبركاته
وربي حريفين في الصيد
ماشاءالله عليكم
رحلتكم فله وناسه>>بس حسيتها صعبه برمضان
يعطيك العافيه
دابلر
ضوابط المشاركة
المفضلات