صفحة 1 من 2 1 2 الأخيرةالأخيرة
النتائج 1 إلى 10 من 11
  1. #1
    عضو متميّز

    رقم العضوية: 34217
    تاريخ التسجيل : 09 - 02 - 2009
    الدولة: ج ـــدة
    المشاركات: 1,787
    الجنس : فتاة
    العمل : !
    الهوايه :
    التقييم: 3890
    تم شكره 308 مرة في 189 مشاركة
    SMS:

    حقوووووووق المراءه...........


    [SIZE="3"]ما يرفع ضغطي شي


    ..... زَي كلمة حقوق الحرمة .. وبالذات في السعودية .



    وهادي المشكلة ماطلع قرونها ؟ إلا بعد 11 سبتمبر ....


    سبحان الله .. يعني فينهم من ألف وأربعمية سنه راقدين على ودانهم ...


    يعني فجأة كده صحيوا وقالوا: وه يا ندامة .. إيش هادا؟ اأتْرِنُّو لنا حقوق وإحنا ما ندري؟!


    مادام كده ... الانتخابات البلدية ليه ما نشارك فيها؟ وليه ما نروح هناك ونرقع بالصوت؟


    يا أختي حلال عليكم البلدية كلها ..

    يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟


    ولا تناقشوا سفلتة الشارع اللي يودي على بيت أم فتو ؟


    ولا ليه الشارع الفلاني ما فيه كوفيرة مغربية وكل اللي فيه فلبينيات؟


    يا عمتي ريحي راسك .. ازا كثير من الرجال ما سوُّوا حاجه وهما رجال...


    بالله عليكي حتسيبي بيتك وعيالك وشغلك ... عشان تناقشي مشروع انتخابي؟




    فضاوت حريم والله .


    طيب لو قولوا لوحدة من دول عندها زواج أختها الليلة : يا وليّه لو سمحتي


    بلاش تروحي للكوفيرة اليوم


    وتعالي نناقش حقوق المرأة ولا تعالي نحضر المجلس البلدي علشان


    عندنا قرارات مهمة لازم ناخدها


    بصراحة اش رايكم أش حيكون جوابها ودي اقرا ردكم يلي تقروا كلامي دى


    أما عن حقوق الحرمة عندنا في السعودية .....


    فياسيدي الست هنا ماشاء الله عليها ما كله الحرث والنسل والأخضر واليابس


    حقوق وواجبات كلها سحبت عليها


    تخيلو المنظر اللي حاقلكم عليه دحين وشوفوا الفرق


    مسلا في بلاد ربنا الكثير .....العربية ولا الأوروبية


    تلاقي شحط طويل عريض جالس في الباص ....وقدامه وحده في الشهر التاسع


    واقفة على رجولها وشايله طفل تاني على كتفها ...


    إن الشحط يتحرك؟ ... أبدا...إن الثور يحس؟ ..........لا يمكن.


    أنو هي تتجرأ وتفك فمها تقله لو سمحت ارحمني من الوقفة أبدا تلاقيها منطمة


    وماكلة تبن كمان


    لكن عندنا هنا في السعودية ممكن يحصل زي كدا ؟


    أبدا وربي ما يستجري الواحد فينا يخلي أي حرمة تمسك سرا في أي مكان


    ... واللي يبغى يجرب ...... الطريق قدامو .... يا عمي العملية كلها دلع حريم في دلع


    حريم ...


    شفوا رايح أعطيكم بعض االامسلة وقولوا لي مين اللي آخِد حقُّو بالكامل وزياده؟


    وقولوا عندنا الحرمة متساوية مع الرجل .. ولا هي أحسن مِنُّو؟


    ومين له حق يطالب بحقوقه ؟


    منظر عام


    رجال محترمين زي الورد واقفين أمام صراف في بنك .. وتِجي أختنا في الله


    ( اللي يقولو إننا ماكلين حقوقها ) تلاقيها سيييييييييييييييدة


    ( يعني على طول ) على الصراف مباشرة ولا على بالها من الطراطير اللي


    واقفين من ساعات .. وبعضهم مستأذنين من عملهم.


    طيب ليه ما توقِّف تِمسك سرا ورا عشرين بنقالي... وتلاتين باكستاني...


    وخمسين سعودي... واثنين معقبين معاهم شوية فواتير مقاس إكس لارج ...


    وإذا أحد كلمها وقال لها أتفضلي يا أختي ترد عليه وتقول: لا، معليش. الحرمة زَيّ


    الراجل........ خليني في الطابور ..... زَيِّي زيكم؟! ....


    هاااا قولولي ليش ما تقول كده؟! ... ولا هي تماحيك وبَس!


    ونفس المنزر في الجوازات ......... والأحوال .. والتأمينات .. وكل الأماكن اللي


    فيها طوابير


    ويقدر أحد ... يقول إنه راجل ومن ظهر أبوه ويستجري يفتح فمه؟ ... على طول يسمع


    العبارة الشهيرة .....


    ( عيب عليك .... أنت ما تستحي؟ ... هذه حرمة...أنت ما عندك أهل!)) ....


    تصدقوا حتي في المطاعم اللي فيها سرا زي البيك وياعيني على البيك وزحمتو تلاقي


    الناس طوابير بالميات


    وهي بس مايمديها توصل عند الباب على طوووووووووول يجيتها العامل أش تبي


    يامدام وتأخذ طلبها عيني عنيك


    حتي ما تلحق تكحل عينك منها خخخخخخخخ


    ويضطر الراجل إنُّه ينكتم وينطم .....

    تصدقوا حتى إنو الحرمة تشفع للراجل جوزها عشان يتقدم على الرجال الباقين.


    في المطار ..


    مسلا .. ما تشوفهم يطلِّعوا العوايل أوَّل .. وبعدين بقية الركاب؟


    ( ما أقلكم تماحيك حريم بس )


    اقتصاديا


    شوف الراجل... السبع... الغضنفر... المفتري...لُه توبين ولا تلاتة في السنة ... يروح بيها


    العمل، ويحضر بيها عزايم وزواجات، ويقابل بيها كبار المسئولين، الخ، الخ، الخ.


    والحرمة بسلامتها ... بقيمة أدوات مكياجها فقط... تقدر تفتح محل خياطة رجالي محترم.


    ويا ريت تحط من مكياجها في البيت ...... لأ. دا بَس للخروج ...


    وقيمة صباع روج ولا علبة بودرة تساوي قيمة جوال جوزها ......


    لا وكمان ازيدكم من الشعر قصر .. مو بيت ...


    من حقوقها فستان لكل فرح... و مكياج... و كوفيرة...وجزمة .........وشنطة.


    وكمان خُدوا هادي ........ سابع بنت عمي ..... ملكة أخت جارتنا ........ ولازم هديه ...

    واللطخ يدفع .....


    مو مهم الفلوس جات من فين ...... المهم يدفع ....... والدنيا ممكن تنقلب على الراجل


    واللي خَلَّفوه علشان موضوع (مهم وحيوي) زي كده ...


    يعني لازم يوفر كل طلباتها بالكااااااااااااااااااااااااااااامل


    هدا غير مصروفها الشهري وغير كمان تنضيييييييييييف الجيوب اليومي لما ترميلو ملابس


    العمل في الغسيل


    يعني الدعوة غسيل في غسيل


    صدقوني ترى ( تماحيك حريم بس )


    نفسيا


    الزوج مطالب يكون أربعة وعشرين ساعة رومنسي ومبتسم ، ولا يبقى جلف وإبن ستة


    وستين كلب .


    ويعني إيه عنده مشاكل في العمل؟! ولا أقساط متأخرة؟! ولا فواتير؟! ولا مقاضي ما


    يعرف كيف يجيبها؟! مو مهم ..


    واجب عليه إنه يرجع من العمل للبيت مروِّق ومبسوط وبَس .... والست بسلامتها من


    ساعة ما يرجع من عملو ..


    وقبل ما يفصخ حوايجو: شوف بزورتك طفَّشوني ... إيش رأيك نغير غرفة النوم؟


    التلفون ما فيه حرارة ....


    يا أستاد : ترا في علمك جاتني رسالة على الجوال يقولوا الفاتورة طلعت ..


    أَلحق سّدِّدو قبل ما يوقفوه الخدمة ... .... ... ...


    ومع هادا كُّلو ..لازم يبقى رومانسي.


    وهي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا


    صلصة...

    وبكل رقة تتصل...ألو ألو ...أبو سراج موجود؟ ممكن أكلمه لو سمحت؟ ألو ...... إيوه...


    أنا .. حتكون مين يعني؟...


    المهم ...... جيب معاك غدا ... ماهو أنت يا فالح نسيت تجيب صلصة معاك أمس.


    ولإنه مو فاضي.. و قرفان من العمل.. يصدق المسكين إنه هو إللي نسي ويقول بكل


    شجاعة ..... طيب.


    وفي رمضان: تعبت ...أوف ....هوأنت داري عن حاجه؟ أنا أبغى خدامة... أنا


    خلااااااااص .... ومن ثالث يوم رمضان ....مقاضي العيد .........


    أختي جابت ملابس لها ولعيالها .. بنت عمي جوزها اعطاها شيك مفتوح لمقاضي العيد


    جارتنا تقول الدنيا مولعة والاسعار نار والناس انتهت وحنا لسه


    ( هذا كله تمهيد علشان مايفتح فمو في السوق ).... إيش أقولكم بس ...


    وخّدوا مشاوير لليييييييييييل ...


    والراجل المسكين لما ينزل السوق مع مراتُه ما يقدر يشتري ولااااا شَي لنفسو، لأنو


    طول الوقت ماشي وراها من دكان لدكان،


    وشايل زنابيل إلييييين ما كتفو ينخلع. وهي تطالع فيه وهو يتطوَّح من ثقل الزنابيل ..


    ولا تقول فزعه بالكِدِب حتى .


    وآخرتها بعد ما يرجع البيت تقوله إنها لِسَّه ما أشترت ملابس العيد!!!!!!


    وإذا فكَّر ينزل السوق لحالو عشان يشتري شي لنفسو ... على طول يكون مشبوه ..


    إيش ينزلك لوحدك وسط الحريم؟ ...


    طيب إنت مو كنت معايا في السوق ... أحد قال لك ما تشتري ؟



    إجتماعيا



    الست كل أسبوع تخرج عند صاحباتها وما ترجع إلا متأخرة ..


    وطبعا جوزها هو اللي يوديها ويجيبها ..


    (يعني تبغاني أروح مع السواق في هادا الليل؟!) ... شوف العدر الملعون امه كيف


    تحشرك بيه


    وسعادتها ما تبدأ تتمكيج وتسرح شعرها إلا بعد العِشا ... وكل شويه تقول


    :خلَّصت .... وهي ما سوت شي لِسَّه ...

    والراجل الغلبان جالس على أعصابو مستنيها تخلص .. أخيرا تقول لُو: وي! إنت ما نزلت

    السياره تشغل المكيف ؟


    وَي ... هيا عشان لا نتأخر. والمسكين يجري في الدرج (عشان ما يأخرها) .. ويشغل


    السياره ...


    ويستَنِّي بسلامتها مو أقل من ربع ساعة حتى تشَرِّف ... وطبعا ممنوع


    يقول لها: ( إيش أخَّرِك؟) ولا يا ويلو ..


    وبعد ما يوصلها .. يستحيل يغتنم الفرصة ويروح هو َّ كمان لأصحابو إلييين هي تخلص


    سهرتها ..


    (وَه! كيف تروح؟! ومين يقعد مع البزورة ؟ ) ..


    والماكياج اللي حطتو للستات يتمسح نصو من الطريق ..


    والباقي بعد ما توصل البيت ...


    يعني الرجَّال ما يلحق يشوف مِنُّو شي.


    وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو ..


    وبلَّغها من بدري عشان ما ترتبط بموعد مع صاحباتها في نفس الليلة وتخرب عليه ..


    (هو إنت ما تعرف تقر في البيت؟ كل ليله معزوم؟ شوفي يختي الراجل ..


    ما كإنُّو عندو بيت ولا بزوره)


    حرمة مخدومة محشومة مكفولة وش تبي بعد كذا............


    يلاااا عاد قفلوا الاب توب واللمبات وناموا ...........................


    تقبلوا تحيااااااااااااااااااااااااااااااااااااااااااااااا ااااااااااات بنت الحجااااااااااااااااااز...........
    SIZE]
    التعديل الأخير تم بواسطة سموت بالدين ; 28-02-2009 الساعة 10:07PM

  2. #2
    برنس بارز

    رقم العضوية: 32938
    تاريخ التسجيل : 16 - 12 - 2008
    الدولة: الرياض
    المشاركات: 4,949
    الجنس : شاب
    العمل : طالب
    التقييم: 202
    تم شكره مرة واحدة في مشاركة واحدة

    بنت الحجااااز

    ههههههههههه

    صحيح انتم << طماعات

    كل هذا وتطالبون بحقوق ههههههه

    والرجال 24 ساعة تعب وكرف

    ومايسلم من نقدكم

    يسلمووو اختي للطرح الطريف

  3. #3
    عضو متميّز

    رقم العضوية: 34217
    تاريخ التسجيل : 09 - 02 - 2009
    الدولة: ج ـــدة
    المشاركات: 1,787
    الجنس : فتاة
    العمل : !
    التقييم: 3890
    تم شكره 308 مرة في 189 مشاركة

    اقتباس المشاركة الأصلية كتبت بواسطة امير المحبه مشاهدة المشاركة
    بنت الحجااااز
    ههههههههههه
    صحيح انتم << طماعات
    كل هذا وتطالبون بحقوق ههههههه
    والرجال 24 ساعة تعب وكرف
    ومايسلم من نقدكم
    يسلمووو اختي للطرح الطريف


    على طاري طماعات<<قبل يومين صاحب ابويا جاب لزوجته


    جوال هديه المهم فرحت بيه بس يوم جا اليوم التاني قالت باقي ابغي خاتم ذهب


    من طبع الحريم كثر الكلام ويبون منكم كلام حلو ومدح وغزل يحسسهم بأنوثتهم


    وبالأمان معاكم بس انتم من هدي الناحيه مايحتاج منتو مقصرين ابد

    مدينهم اشكل

    بسم الله عليك ياروح امك قاعد تكرف 24 ساعه هااااااا


    الي يشوفكم ويشوف كلامكم يقولوا مساكين واذا تمكنتوا يا ويلنا منكم


    عموما يسلمووو ع المرور....

  4. #4
    عطـاء لاينتظر الرد

    رقم العضوية: 34464
    تاريخ التسجيل : 17 - 02 - 2009
    الدولة: الـريـاض
    المشاركات: 456
    الجنس : شاب
    العمل : ........
    التقييم: 106
    تم شكره 0 مرة في 0 مشاركة

    [align=center]بنت الحجــاز

    لاشلـــــــت يمينكــــــــــــ

    لاشلـــــــت يمينكــــــــــــ

    لاشلـــــــت يمينكــــــــــــ

    لاشلـــــــت يمينكــــــــــــ


    ولا اغلـــــــق لكــ فـــــــــــاهـ


    ******************

    دررر يابنت درر ،، وربــي ،، اني في صدد كتابهـ مقالهـ عن موضوع ( شر من الحجــاز )،، ولاكن بعد موضوعكـ ،، برجع افكر كثير في طرحهـ ،،

    بطولتهـ ،، فتيـــات من الحجاز ،، مره فرقه روكي ،، ومرهـ فريق كره قدم ،، والقائمة تطول ،،


    تسلم يمينكـ ،، من جد قعدت اصفق لكـ والابتســـامة شاقتــ جبتهتي موب وجهي وبس ،،

    [/align]
    التعديل الأخير تم بواسطة ..محمااس.. ; 02-03-2009 الساعة 05:32AM

  5. #5
    عضو متميّز

    رقم العضوية: 34217
    تاريخ التسجيل : 09 - 02 - 2009
    الدولة: ج ـــدة
    المشاركات: 1,787
    الجنس : فتاة
    العمل : !
    التقييم: 3890
    تم شكره 308 مرة في 189 مشاركة

    محمااااااااااااااااااس...

    كككككككككككككككككككككككككككككككككك

    هدي يابو الشباب هدي

    ونبسط ياروح امك احد ماسكك.........

    بس نفسي افهم شي ليه الاغلبيه متحمل على اهل الحجاز وعلى شباب الحجاز

    وعلى بنات الحجاز نفسي افهم اهل الحجاز قاهرينكم بأيش؟؟؟ وخااااااااااصة جدة

    ماخليتوا شي الا وحطيتوة فيهم لدرجة انكم بتتهمو اهل جدة كلهم بلانحطاط الاخلاقي

    وبالعلمانية وبالتسيب وبالنهاية تتهموا بناتهم بلاسترجال..

    في معلومة احب اوضحها لكل من يتضايق من الحجاز وبنات الحجاز

    ترى الخير بكل مكان زي ما الشر بكل مكان..

    على فكرة الدين والحشمة والادب والاخلاق مو بس موجوده في مناطق معينه

    الدين ليس مقتصرا على منطقه او مكان معين..

    بكل مكان الطيب والبطال..

    ليه التفرقة؟؟؟

    ليه كل هذا التحامل على المنطقة الغربية وخاصة جدة؟؟؟

    وبصراحة شي يحز في النفس...

    ماعندي اي اعتراض بان يقال ((يوجد اناس بالحجاز منحلين)) صدقني

    راح تكون اخف لانة كمان يوجد

    ف بقية المدن ناس منحلين اكثر من الانحلال نفسة

    يعني المكان مادخلة المكان واحد والناس مختلفة,,

    و ماعتقد فية مكان بالعالم مقدس اكثر من الحرم المكي وللاسف

    بتجد فية معاكسات وقلة ادب

    واعرف وحدة ممن تعرضوا لهذا الموقف الفضيع والى يندى لة الجبين,,,,,,,,,

    إذن العيب مش بالمكان العيب بالانسان وحدة لا غيره..

    ونسينا حديث الرسول عليه الصلاة والسلام : (كلكم لأدم وادم من تراب ..

    لافرق بين عربي ولا عجمي الا بالتقوى )

    والمشكله كلنا نعرف ان الطيب والشين في كل مكان.....


    والغربيه أو الحجاز..

    هي منبع الرساله ومنها ظهر الحق وظهر رسول الأمه

    وفيها يتواجد أطهر بقعتين في العالم مكه والمدينه

    يكفينا فخرا أنه خرج منها الرسول الكريم

    ويكفينا فخرا أنه توجد بها أطهر بقعتين في العالم...............

    احنا فينا التواضع والروح المرحة

    وهذا الكلام مو انا اللي اقولو

    كثير من الاشخاص اللي تعرفت عليهم من المناطق التانيه قالوا لي بانفسهم

    قالوا اهل جده والغربية كلها ناس متواضعين ومحترمين ومريحين.........

    واذا حاب تنزل المقال فهدا شي راجع لك

    وعلى قولة المثل ((((((ياجبل مايهزك ريح))))

    واخيرا

    اهل مكة حمام واهل المدينة قماري واهل جدة غزال والطايف هلو كناري...خخخ


    عموما مشكوور ع مرورك.....
    التعديل الأخير تم بواسطة سموت بالدين ; 04-03-2009 الساعة 01:49AM

  6. #6
    عطـاء لاينتظر الرد

    رقم العضوية: 34464
    تاريخ التسجيل : 17 - 02 - 2009
    الدولة: الـريـاض
    المشاركات: 456
    الجنس : شاب
    العمل : ........
    التقييم: 106
    تم شكره 0 مرة في 0 مشاركة

    [align=center]أتمنـى ان لاتأخذكـ اختي العزهـ بالاثمـ وأن لايكون المثـل العامي المتعارف عليه ( حركـ تبلش ) ينطبق علي

    عبارتي واضحهـ

    وهي [/align]


    [align=center]بطولتهـ ،، فتيـــات من الحجاز ،، مره فرقه روكي ،، ومرهـ فريق كره قدم ،، والقائمة تطول [/align]

    [align=center]أي مجموعهـ ولم أعمم ذلكـ على بنات الحجاز ،، قلت فتيات من الحجاز ،، وتمـ التفصيل بالفتيات اللذي اقمن فرقهـ روكي ،، وفريق كرهـ قدم ،، الى أخرهـ ،، اي اي الفتيــات المقصودات لدي ،، الغير محتشمــات ،، وهن كانو تحت مجهري ،، اما المحتشمهـ فليس لي عليها بسلطان ،، او بنقد او بتجريح ،، فلله درهــا ،، والجنهـ دارها باذن المولى

    ويحق لنا الجميع الفخر ،، بالبقع المباركهـ في الحجاز ،،

    ولاكن هل تعلمين ،، بأن فرقهـ ( مكهـ ستارز ) انطلقت من مكه وقادنهـا اربع فتيات ،، متبرجات ،، تحت شعار ،، الروكي وصلنا في مكهـ ،، ( افرحوا ياعم ،، احنا بنفهم انجلش ،، وبنرقص معكمـ روكي ،، متطورين )

    وايضا انطلقت من جده ( فرقهـ الوسام ) بطولهـ ثلاث فتيات ،، في عمر الزهور ،، اشادتـ بهم صحف عالميهـ واجري معهم لقاءات ،، ( نيويورك تايمز الامريكيه ،، التلجراف اللندنيه ) ولا تحتاج الى تعليق مني

    ابحثي عن تلكـ الكلمـه في محركات البحث The AccoLade


    وايضا انطلقت من جده ( فريق كره القدم النسائي ) اللذي سلطت عليهن الاضواء ،، تحت مباركهـ قناة العربيه ،،

    وايضا ،، جميع من يشاركـ في اي برنامج عربي او اي مسابقهـ ،، تجد بطلتهـ من الحجاز ،،

    اعيد واكرر ،، انني كنت سأطرح ،، تلكـ المواضيع وهي خاصة للنقاش ،، ولاكن ،، لم نعمم الموضوع على بنات جده كما اشرتي ،، وجميع المدن في السعوديهـ ،، لها نصيب في الطيب ،، ولها نصيب في غير ذلكـ ،،

    اذن ،، اتمنى ان لاياخذ الموضوع منحنى آخر ،، فأنا اشــدت بطرحك ،، ومازلت اشيد ،، باركـ الله فيكـ

    تقبلي مروري ،، [/align]
    التعديل الأخير تم بواسطة ..محمااس.. ; 02-03-2009 الساعة 10:39AM

  7. #7
    صورتك في دمعتي

    رقم العضوية: 28921
    تاريخ التسجيل : 27 - 05 - 2008
    الدولة: ِِالغربـيـهـ ٍٍِ
    المشاركات: 2,038
    الجنس : فتاة
    العمل : Busy 4 ever
    التقييم: 246
    تم شكره 2 مرة في مشاركة واحدة

    إبتسامة


    اهل مكة حمام واهل المدينة قماري واهل جدة غزال والطايف هلو كناري...خخخ



    اي والله قماري وبقووه كماان

    امااا حقووق المرأه مرررة كلمه مالها داعي الحمد لله عندنا المرأه بخير ومو ناقصها شي بس تخلف وتبعيه وتقليد

    ومسكييين الرجال(اللطخ ) اللي في قصتك طرطووور حزنت عليه

    بنت الحجااز يسلموووووووو



  8. #8
    عضو متميّز

    رقم العضوية: 34217
    تاريخ التسجيل : 09 - 02 - 2009
    الدولة: ج ـــدة
    المشاركات: 1,787
    الجنس : فتاة
    العمل : !
    التقييم: 3890
    تم شكره 308 مرة في 189 مشاركة

    اخ محماااس..


    صحيح انه يستحيل ان يوجد شعب مثالي ومجتمع كامل ولابد من الشواذ


    لكن ليبقى الشاذ في زاويته

    ولا تعتلي تلك الشواذ لتعطي انطباعا كاذبا عن كتير من الحجازيات المحافظات ,,,

    ولااا يعني ان تلك الفئه تمثل منطقتها او بلدها بل تمثل تربيتها

    ونحن براءة منهم ومن أفعالهم وانها لا تمثلنا


    هي براءة لكن ليست فقط من بنات الحجاز او السعوديات بشكل عام بل من كل بنات الاسلام الاتي

    دخلن تحت هذه الراية(لا اله الا الله محمد رسول الله)


    فوالله انها لمناظر مخزية ان تظهر بها بنات الاسلام


    هدى الله الجميع لما يحبه ويرضاه واصلح حال بنات الاسلام وردهن الى دينه ردا جميلا...

    والرخيصات لايمثلن سوى انفسهن...

    واتمنى ان نغلق هذا الموضوع ونبقى في

    موضوعنا (حقوق المراءه)

    شااااكرة لمرورك اللطيف....

  9. #9
    عضو متميّز

    رقم العضوية: 34217
    تاريخ التسجيل : 09 - 02 - 2009
    الدولة: ج ـــدة
    المشاركات: 1,787
    الجنس : فتاة
    العمل : !
    التقييم: 3890
    تم شكره 308 مرة في 189 مشاركة

    اقتباس المشاركة الأصلية كتبت بواسطة ملاك مشاهدة المشاركة
    اهل مكة حمام واهل المدينة قماري واهل جدة غزال والطايف هلو كناري...خخخ


    اي والله قماري وبقووه كماان

    امااا حقووق المرأه مرررة كلمه مالها داعي الحمد لله عندنا المرأه بخير ومو ناقصها شي بس تخلف وتبعيه وتقليد

    ومسكييين الرجال(اللطخ ) اللي في قصتك طرطووور حزنت عليه

    بنت الحجااز يسلموووووووو

    ياهلا والله بأهل المدينه
    مرحبمبك حبيبتي

    والحمد الله فالاسلام لم يظلم الجنسين فقد اعطى كل حقاً حقه
    فلنحمد الله على نعمه الإسلام فغيرنا لايعرفها...
    مشكوره حبيبتي ع مرورك اللطيف
    وتقبلي تحيااتي وبوسااتي

  10. #10
    كبار الشخصيات

    رقم العضوية: 33189
    تاريخ التسجيل : 28 - 12 - 2008
    الدولة: إسـآلـوا الأمـآكن }
    المشاركات: 4,658
    الجنس : فتاة
    العمل : لازلت اتعلم ... من حقائق الحياة
    التقييم: 30002
    تم شكره 3,156 مرة في 1,418 مشاركة

    [grade="00008B FF0000 008000 4B0082"] بنت الحجااااااااااااز ........امووووووووووووووت فيك وبمواضيعك الي تجنن

    وبعد اهل الحجاز اهل الذوق كله والله واكثر ناس يقدرون المرأه بصراحه ومن خلال تجارب كثيره

    اللي طرحته له اهميه بالغه بحياتنا وصدقيني مساواة المرأه بالرجل هذا عذر المغرضين

    ضد الاسلام والمسلمين ليسببوا التفكك والانحلال والانحطاط بنا وبمجتمعنا

    بس الله يرد كيدهم بنحورهم .....خير الامور الوسط لاافراط ولاتفريط لاتكون متساويه بالرجل

    ولاتكون امه عنده زي ماامر الاسلام وديننا كرم المرأه واعطاها حقوقها كامله وعليها واجبات

    والرجل كذلك وكل واحد له دوره بالحياه مكملين لبعضهم لااحد يلغي الاخراو يكون بديلا له

    للاسف كثير من النساء الله يسامحهم يتبعون سياسات الغرب المغرضه ويصدقونها

    هداهم الله جميعا لمايحب ويرضى وادام الله الاسلام بيننا وجعلنا من المتمسكين به

    والمطبقين لمنهاجه ....

    بنت الحجاز ابدعتي بماسطرته اناملك من موضوع لايستهان به ولابتبعاته مستقبلا

    حفظك المولى من كل سوء ووفقك ونفع بعلمك وفكرك الراقي المسلمين اجمعين

    لك كل ودي وحبي واحتراماتي وقلبي ايضا

    مشاعر خجوله[/grade]
    التعديل الأخير تم بواسطة خجـــوله ; 03-03-2009 الساعة 08:34PM

صفحة 1 من 2 1 2 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •