متولعه رجعت .. ( بطلعتها للبر .. :$ )

MţωlЗђ ƒέκ · 11-15-2008, 10:29PM

باك كبر الجدار .. اعذروني ع القطعه بس والله خارجه عن ارداتي .. تخيلو جات فتره كل مادخلت المنتدى قفل المتصفح عاد يوم يسر الله وشريت جهاز جديد خلاص انحلت المشكله يعني بنشب لكم

نبداء بالموضوع الخطنطير <-- عين تطالع ملقوف

الإربعاء الموافق .. مدري والله كم التاريخ مالها داعي احوس ..
كنا بنطلع رحله للبر انا والشجعان شرواي وكان وقت انطلاق الرحله بالتحديد الساعه 4 العصر والله يااأنا يغمرني الفرح يوم قالو بنكشت قمت ادق رقبه بـ السطح شافني ابو الجيران كان طالع يرمي الزباله وجاء وخطبني <-- فلم هندي
لاعاد اكمل لكم .. المهم انا من يوم الثلاثاء مجهزه عفشي ونايمه بدري علشان بسرعه يجي بكره [ كأني بزران اول ينامون بدري بليلة العيد علشان يجي بسرعه ] واصحى الساعه 1 الظهر .. واتغداء وادخل نت ابي اودع الل فيه وغنيت لهم
ماكان ودي بالــسفر لكـــن ظـــروف .. تحكم عـــلى الإنــسان بأول وتالـي <- اشوى اني طلعت ماقلت لهم باي من العجله ..
ونركب السياره الجميله الجديده .. < -- اول مره اشوف واحد سيارته جديده ويطلع بها للبر وبعدها ننطلق على بركت الله وقفنا واخنا لنا كوفي من الخط وكملنا وصلنا الساعه 9 اتوقع مدري ورانا تاخرنا مو بـ العاده بس اهم شي وصلنا
وانا اللي افتح الباب بسوووووووورعه وادخل للي بالمخيم واخمخمهم قلت لهم والله ودي ارقص احس ان فيني فرح مدري شلون خنقتني العبره تعبت ماوصلت لهم اللي بخاطري < -- اها وبعدين ؟!
شوفو عاد هذي الصوره التقطتها اول ماوصلت يعني علشان تكونون معي بالقصه السالفه لحظه بلحظه

اللي واضح لكم انها 3 خيام , والواقع انها 6
وتراني صورتها هنا وانا بسرعه اركض لاني خفت جانا مطر وأنا ماغطيت راسي
دخلت عند الحريم وسوالف وفصفص وشاهي واوريو , المهم اني صورت هِنا بس موب منزلتهم لاني اخاف تخقون ع اليدين << خخخخخخخخخخخخخخخخخخ
المهم ولا يكثر هرجي اتجهت لجلسه الرجال والله يـ الجلسه معلهم تفتح النقس بس البلا بهاللي اتغطى عنهم واجدين استحيت منهم صراحه < -- بعد ماقاومو واصور لكم نارهم اللي اهم مولعين [ يمديكم ع اللي بتطري اسمها بأي طريقه ]

وش رايكم اشتهيتو تطلعون صح
بعد هالمشوار البسيط اللي رحت فيه للرجال رجعت للحريم وكملنا خرطي ( خبركم ل نسولف 24 ساعه مااضرنا )
تعشينا مكرونه بالبر هـ اللي سواها اشك ان فيه خلل ؟! احس ماينفع مكرونه ,, وبالبر بعد بس والله مابقى بالصحون ولا شي يمكن من الجوع
واتجه انا وبنت عمي ونقول لابوي نبي ننام ونخاف ننام ع الارض دبر لنا حل .. قال مالكم الا اليوكون اهو اللي بيكفيكم .. قلنا لو ننام ع الكبوت ,, اهم شي مانبي حشرات
زبط لنا المكان وهذا اهو ..

شفتو المكان وشلون وسيع .. ماكفا لنا انا اقول لكم ليش ..
بـ اول الامر عندي اختي صغيره .. ذبحتني بنام معكم بنام معكم وانا اكرشها واقول لها لا نامي مع امي مالي خلقك وتسوي نسفها زعلانه وانا من جد مالي خلقها خلصنا المهم وتفرش لها امي الفرش بخيمتهم وتنام في امان الله وبينما انا وبنت عمي جالسين نسولف .. اسمع شي طاح على السياره لا وبنت عمي اول مره تنام بالبر يعني الورطه واقول لها عاتي ياشيخه هذا هذا هذا !! ماعاد في بالي شي مافيه الا الحرامي .! قالتها اهي .. لايكون قطاع الطررق عاد انا هنا جاء دوري .. وحان وقت اني البس القناع الاخضر واتشقلب بالجو واشوف وش السالفه ييوم جيت افتح الباب الا والصور يزود وحبه حبه اكتشفنا انه برد .. ( اللي مثل الثلج للـ متطورين ) سكرت الباب في امان الله وراح الخوف .. وشو ونخاف مره ثانيه .. اختي الصغيره تطق الباب باقوى ماعندها تقول غرقنا ركبتها وصاحت وش فيكم قالت بسرعه افتحي الباب عماتي يقلون الخيام تقطر مااراح تتام فيها من وين نجيب لهم اماكن ؟ ! المهم سترها ربي هاك الليله وتراصينا اللي باليوكون واللي بالجيب واللي بالجمس واللي في.... باقي السيارات والرجال في عاشر نومه ماحسو باي شي ماشاء الله
قاية لكم طالعه مع ابطال وشجعان شرواي
نمنا واصبحنا الصبح الساعه 4 احلى وقت للصحوه بالبر
وخذت لكم هـ الصوره ..

صليت الفجر ورحت انا وامي للغدير اللي بجنبنا انتظر فيه فهد < -- تاثير صراع على الرمال ولقطت لكم هـ الصوره ..

وهذي صورة الشروق ..

بعدها رحت وصحيت الكل لاننا ماجينا ننام وطلعت للسياره ابي اسوق لي فتره والكل يوعدني يعودي نسوق قير عادي بس الى الان ماعرفت
::

افطرت وهذي صورت الفطور بعد ماخلص لانهم ماشاء الله تقل مجاعه .. 4 دقايق بالظبط وخلصت الكبده .. تفوووو ماشاءالله
خلصنا من الفطور واتجهنا للعب في الهوااا الطلق بس الله يقلعهم هـ الناس رايح جاي خربو علينا
وهذي صورة الشي اللي لعبنا به

والله يـ اهي وصخه .. بس ماعليه وش له الكشخه واحنا طالعين للبر < -- اشوى اني ممسحتها الف مره وكل ماحركتا اصور توصخت
رجعنا ادراجنا بعد التعب <-- ماتمزح سعد الحارثي
دخلت الخيمه .. وصورة لكم اغراض الطلعه والاشياء اللي نستعين فيها للطبخ والمقادير

لحد يقول حوسه .. ارجع واقول لكم ترانا طالعين للبر
طلعت من بيت الشعر واتجهت للغدير فهد تأخر هـ المره مدري ليه اكيد ابوه عرف انه يقابلني بالغدير والا يبون يغيرون علينا << ها ها ها كيفي وانا سامجه !؟

طبعاً ماالي غنا عن خيام الرجال لابد اجلس معاهم شوي بس اذا العيال اللي مااكشف عنهم طلعو يطعسون والا راحو في عفريته .. اهم شي انهم موب فيه وهذي جلستهم

وبعدها رجعت للحريم والنميمه والحش والـ .... الخ

وصورة لكم الذبيحه واهي تطبخ .. طبعاً كانو ذبيحتين لأننا اوب شويين ماشاء الله وحده الرجال سووها والثانيه امي يالبى قليبها

في بر وبيطبخونها مفطح ؟!! مدري وش يحسون به
وجاء وقت الاكل والرم .. وهذي صوره للحريم واهم يحطون الرز .. الظاهر والله اعلم انهم يحطونه بـ صحن يعني مو بالملاس او مدري وش تسمونه

خلصنا غداء والجو خنفشاري قلنا مابدهاش نبي نسوق <-- وشسمهم وشافو بقره
وفي دربنا للرجال علشان نقول لهم بنسوق لقطت لكم سيارتنا اللي تفتح النفس <-- ايه هين

لحد يركز علشان ماتطلع العيوب
ركبنا الشروكي والبنات كل وحده تقول انا اللي بسوق , وبما ان السياره لولد عمي انا اللي سقتها اخواته معنا بس مايعرفون وجاء معانا ابوي لان فيه حولنا ناس كاشتين وصورة لكم وانا اسوق

واحنا في طريقنا نمشي .. مرينا من مكان فيه شوي مويه .. المهم هـ النقعه فيها شجره .. مو شجره كبيره لا صغيره مره .. مو شجره اصلاً بس شكلها من بعيد كاانها شجره صغييييييييره مره <-- الله يعلن بليس على هـ لشرح
الزبده .. عمي كان موقف هناك ونزلنا عنده وحط يده بجنبها وقال لي صوريها

رجعنا وكملنا يومنا بهنا وسعاده ونمت العصر كله لاني صاحيه بدري وحطو الفلله ومارفعو لي شي قمت طاقني الجوع وكلت لي معمول تمر يسد الجوع بعدها بشوي قلت لهم تراني جوعانه ارحموني وقامو يسوون العشاء واشتغلت معهم وهذي صورة اللحم .. تبلناه وحطيناه بالقصدير ودخلناه تحت الجمر والله ياعليه طعم خنفشاري

تعشينا ونمنا في سلام وامان صحينا الصبح واليوم مثل امس يعني مافيه جديد يوم جات الساعه 3 العصر واحنا اللي نحرك السياره ونعود ادراجنا الصراحه ودي وماودي اني ارجع وهذي سيارتنا واحنا راجعين

واحنا بالخط شفنا شي يضيق الصدر بعد صورته لكم << ماعندها وقت شوفو

وفيه شايب ع الطرف .. معاه عصاء والله انه رايح فيها .. يصوت لهم يقول [ خل الورعان فوق التنده , والحديد بداله حديد ] هذا كله مشيناه ماعليه بس يصارخ واهو يصور هذا ماتمشي فاتني ماصورته والله
:
ورجعنا الرياض بـ فرح يغمرنا وامطار غزيره وبحر من السيول <-- لابوتس لابو من علمتس الخواطر
ومُبارك علينا وعليكم هـ النعمه .. هـ العام وكل عام ان شاء الله وانترظوني بـ الصور الابداعيه اللي لقطتها وانا هناك .. هـ اللي فوق خربوطيه

شقـَآوَهـ · 11-15-2008, 10:30PM

الّسَـلآمُ عليكُمْ ورحمَـة اللهِ وبركآتُه

أول شيء نورتِ برجعتِك للمنتدى يآلّدوبيَّـة وترى فقدنآكْ مآآآآرَه
وانَـآ كِنتْ عآرفَـة / قلتْ أكيد ورىَ غطستهَـآ ذي موضوُع جآمِدْ
حتَى كتبتْ لِكْ بالملَف سبحآنْ الله مآيخوننِي إحسآسِي <- لآيكثَر بس

والله يآأنَـآ أغبطكُمْ عالونآسَـه والفلّه اللي عشتُوهـآ بالبَر
دِي حآقَة ماحصلتششش

^

هالّصُورَتينْ عجبتنِي مـآآرة
وشكلْ اّلجوووو وقتهَـآ كآن خيآلْ
الله يهنّيكُمْ بَسْ

^

مـآلِكْ دآعِي
المّرآت الّجآيه خوذِينيْ معكْ دآمْ السآلفه فيهَـآ سيآقَة وكورَة

مِتولّعَ ـة فِيكْ ..

جيتيِ وجبتِي الغنآيمْ معكْ
مـآشَـآء الله تصوُيرْ ولآ أحلَـى ودّي أصيرْ زيّكْ يختي
وفعلاً موضُوعْ خطنطِير علىَ قولكْ وتشكرِينْ عليهْ يآعسل

شقآوَة

!.[مشاكس الحب].! · 11-15-2008, 11:24PM

يا لبى طلعة البر بس

بصراحة طلعة حلوووة وتصوووووووير أحلى

وان شاء الله عما قريب احنا

سلمتي يا الغلا

دمعه منسيه · 11-16-2008, 04:45AM

وَلَكَمُو كَبَرْ السَقَفْ

قَسَمَاً مَنُورَه المُنَتَدَىْ بَرَجَعَتَجْ

آخَرْ مَرَه تَغِيبِينْ فَتَرَه طُويَلهَ مَثَلْ هَاذِيْ فَاهَمَه :@ << تَمُونْ

لَكَنْ لُوْ بَتَغِيبِنْ وَتَرَجَعِينْ لَنَا بـِ هـَ المُواضِيعْ فـَ مِنْ الحِينْ أَقُولَجْ كَلْ يُومْ غِيِبِيْ خخخ

<< آآوتْ
نَبَدَا بـِ الصُورْ القَمِيلَه

شَنُوْ هـَ الشِيْ الِيْ لَعَبَتُوْ فِيَه
تَصَدَقِينْ مَخَلُوقْ غَرِيبْ أَوَلْ مَرَه أَجُوفَه

المَرَه الجَايَه اَنَا وَانَتِيْ وَشَقَاوَه فَرِيَقْ
والبَاقِيْ فَرِيقْ ثَانِيْ عَشَانْ نَغَلبَهُمْ

خُوووطِيَرَه هـَ الصُورَه

يـَ حُووبِيْ لـِ البَرْ
وَهـْ بَسْ
مَرَه ثَانِيَه رِيلِيْ عَلَىْ رِيَلَجْ مَاتَرُوحِينْ بَدُونِي

تَصَويَرْ يَهَبَلْ
وَجُوْ شَكَلَه كَانْ ولا أَحَلَىْ
عُوافِيْ غَلاتِيْ
وَكَثَرِيْ مِنْ هـَ المُواضِيعْ

بنت الغربيه · 11-16-2008, 07:33AM

هلا بك يالغلا

بالاول نورتي برجعتك

والشي الثاني بجد حسستيني اني عايشه معااااااااااااااااكم

جد اجوااااااااااااااااااااااااااااااءقمه بالرووووووووووووووووعه

تتهنون

بخاطرها تطلع بس تعرفون جده كلها بحر

يعطيكي العافيه قلبوا على هاالتصوير الرائع

والاحداث المتسلسله

بننتضرك بالجديد

مروري وودي لشخصك موصول

القيصر · 11-16-2008, 08:08AM

أهلا وسهلا بعودتك

والله وناسة طلعة البر فما بالك وانتم كثيرين والأجواء أمطار وفلّة

أغبطكم <--- ما يقلّد شقاوة على هالطلعة الجميلة

وتعيشين وتجيبين لنا مواضيع حلوة وكشتات

مـهـــا · 11-16-2008, 09:18AM

الله ونآآآآآآآآآآآآآسه

من جد شئ خيآآل الجو مع لمت العايله

ماشاء الله عليكم الله لا يضركم ويخليكم دايم ملتمين

بصراحه غرت لازم اقول لاهلي يطلعونا

واصورلكم اشكالنا واحنا نلعب كوره بعد مو بس صورة الكوره بروحها

على طاري السواقه قبل فترة اخوي خلاني اسوق سيارته

قسم بالله ياهو شعور خطيييييير ( وناسه بمعنى الكلمة )

كم مره اركب السياره وخلاص بسوق واتراجع

بس هالمره جزمت لاني شفت خواتي اللي اصغر مني يفحطون قلت افا ياذا العلم

يفحطون وانا خوافه .... والله ياهم كرهوني وحلفوا انهم مايخلوني اسوق مره ثانيه

ههههههههههههههههههههههههههههههههههههههههههههه

سببت لهم ارتجاج ادعس بريك وعلى طول بنزين وبعد بريك وبعده بنزين

واذا قربت من اهلي غطيت وجهي بيديني ههههههههههههههههههههههه

اخاف اصدمهم هههههههههههههههههههههههههههه

وبيني وبينكم ترى جاتني لوعه من سواقتي هههههههههههههههههه

8

سالفة داخله عرض بس ذكرتيني فيها

والطلعه حماس ماشاء الله وان شاء الله عما قريب نطلع ونصور لكم

الله يسعدك ونستيني ( تخيل نفي طالعه معكم )

MţωlЗђ ƒέκ · 11-16-2008, 10:14AM

شقآآآآآآوه .. <-- قلوب للصين

صديقتي اللي سألت عني .. لحد يكلمني غيرها <-- الا غصب اسألو !

شق شق ..
تسلمين يالدوبا ع السؤال .. وبعدين صدق حسيت بشعور مدري وشو .. يعني الحين يصير لوني متغير وانا مادريت عنه لا ولوني اللي احب ام الفله

والله يآأنَـآ أغبطكُمْ عالونآسَـه والفلّه اللي عشتُوهـآ بالبَر
لا لا .. كل شي الا هـ الغبطه .. تكفين مالها داعي نغرق الاسبوع الجاي <-- احسديهم ع الطلعه الجايه

هالّصُورَتينْ عجبتنِي مـآآرة
اهم شي عجبتك .. وذا تبينهن خذيهن بس رجعيهن بعدين

المّرآت الّجآيه خوذِينيْ معكْ دآمْ السآلفه فيهَـآ سيآقَة وكورَة تصيرين اختي ؟!
عاد انا لو تشوفيني عشق كوره , بس استهبال . مااأعرف اي شي الا انهـآ تتدربى ونشوتها

وتسلمين ع الرد يالخطيره
منوره والله

Яoo7 · 11-16-2008, 10:26AM

ولكم باك ... متولــ ع ــه فيكـ

بصراحه ابدعتو ماخليتو شي ماسويتوهـ .
بس كان صورتي لنا زحمتكم وانتم متراصين باليوكون

<< نشبه

والحمام بعد وينه <<< كف

يالبى هالطلعه كذا الطلعات والوناسه والفله

وتصوير ولا ارووووع

تعيشين وتطلعين مثلها واحلى

خفايا الــروح · 11-16-2008, 10:48AM

لى عوده برب

$princess$ · 11-16-2008, 11:55AM

اول حاجه الحمد لله على سلامتك ومبروك الجهاز الجديد

ثاني شي اهنيك على هالمقدمه التشويقيه هههههههههههههه
وانصحك بالمشاركه في هالمسابقة والله انك بتبدعين فيها صح

*!*.. البدايه منيّ....وَ الِبقيّه عَليكُمْ ..[..هُنـآ القَصه خَيّآليّه ]..*!*
^
^
دمعات سويت دعايه لموضوعك

نرجع لطلعتكم الخطنطيره<<ما تقلد ابد
الي مفروض تنحط بقسم السياحه<<<ياحبها لقسمها

مدري ليه خفت من هالصوره
حسيت ان فيه جـــن

اقتباس:

دخلت عند الحريم وسوالف وفصفص وشاهي واوريو

اهم شي الاوريو

ماصورتيه لنا الله يهدييييييييك يمكن اوريوكم لونه اصفر مو ازرق مثلنا

<<اااااااوت

اقتباس:

تعشينا مكرونه بالبر هـ اللي سواها اشك ان فيه خلل ؟! احس ماينفع مكرونه ,, وبالبر بعد بس والله مابقى بالصحون ولا شي يمكن من الجوع

واتجه انا

ههههههههههههههههههههههههههههههههههه
معكرونه بالبر؟؟؟

اتوقع انه فيه خلل وبقوووووووووووه

والله بالبر من الجوع لو تحطين لهم تراب اكلوه

احلىىىىىىىىىىى يعني انتم سبيشل؟؟

اقتباس:

اكتشفنا انه برد .. ( اللي مثل الثلج للـ متطورين

)

حركاااااااااااااااااااااات جاكم ثلج

^
^
^
^
تصوير احترااااااااااافي

يؤ يؤ يؤ

لا اله الا الله

صحييييييييييييييييح ناس جوعانه

بالعااافيه عبى قلوبكم

يميييييييييي يمييييييييييي هذا الاكل الزين

مو معكرونه هههههههههههههههههههه

متولعه

الرحله والتصوير الخطنطير<<عجبتها الكلمه

بس عندي سؤال صغنون

شكلك مصوره بكاميرتين والا؟
لان بعض الصور دقتها مو شي

مع كـــــــــذا الموضوع شي

يعطيك العافية

وكثري لنا من هالتصوير الرهييييييييييييييييييب

تستاهلي التقيييييييييييييييم

دلع عيني · 11-16-2008, 11:55AM

الحمدلله ع السلامه

طلعتكم شكلها مررررررررررررررره حلوووووه ,,,يحضج
نحن ماعدنا مثل هالطلعات

صور مررررررررررررره حلوه

يعطيك العافيه

MţωlЗђ ƒέκ · 11-16-2008, 12:01PM

مشاكس ..

ايه اجلس تلبى ومدري وش على طلعة البر .. وانا من يقول لي يالبى طلعتكم
<-- اقرب باب بسرررعه

وتسلم ع الرد ياااشقي .. وبعدين وشو اللي ان شاء الله عما قريب انتم

!

جمله غير مفهومه الا اذا انت تتكلم اورد والا شي تراني ماافهم الا عربي وانقليزي شوي بعد مو مره

<-- مطوله الاخت !

دوك مش مش ..

النصف الآخر · 11-16-2008, 12:51PM

اولا الحمد الله ع السلامهـ ,,
ثانياً وش هالخيااانهـ ماتاخذينا معكم !!
لا عن جد مالكـ داااعي ,,,
<<<تموووت بالبــر ,,,

بس عن جد كشتتكم شي ...وربي خقق ...
والاجواء خونفشاااريهـ ,,,
والا مكان نووومكم الوفير يالبيهــ ع الخوافاتـ ,,,
ههههههههههههه
<<<ماكنها تسوووويها ,,,,,

يسلمكـ ربي ع الصووور الخقق ...

احلاهم · 11-16-2008, 12:56PM

اللللااه الموضوع شكله رايق ويبيله شاي ومزاج

برب وراجعه

الحب الكبيرn · 11-16-2008, 01:34PM

بصراحة الموضوع رائع

يابختكم ماشاء الله تبارك الرحمن <<< خافت عشان مايغرقون الطلعة الجاية

والله إحنا في جدة لاطلعات ولا يحزنون

إذا طفشنا طلعنا شوي على البحر ورجعنا

عموما الله يسعدك وعسى الله لايغير عليكم

بس صورة السيارة إللي غرقت حزنتني الله يسلم الجميع

وألف الحمد لله على السلامة

ألف شكر وهيدي إليك

كبريــ دمعة ــاء · 11-16-2008, 02:03PM

ما شاء الله خوووش شي والله

تصوير حلو ..الجو شكله خياااااااااال

صور تفتح النفس

تتهنون بهالبر الزين

اذا هذي صور خربوطية عيل الابداعية شلون

بانتظار الصور الابداعية

يعطيج العافية متولعة

نبض آخر · 11-16-2008, 03:12PM

قبل اي حاجه حمدلله ع سلامتك ..

شي الصوره هذي لو يدرون عنك موقع مكشات كان سو معاك عقد إحترافي

في سؤلاً يطرح نفسه كيف صورتي ذي الصوره اقصد الوضعيه الي انتي كنتي فيها

ابدعتي بـ الصور لدرجة انك خلتينا نعيش الجو انتي عشتيه بـ الطلعه

بصراحه صور خنفشاريه بعض الصور حسيت
انك بتحطمين زهرة البراري ع التصوير الحلو

تقبلي مروري السريع

أميرة الذوق · 11-16-2008, 03:27PM

يــاسلام مـن جد طلعـة تجــنن,,

حمــستوووني,,ابي اطلـع للبــر,,

والصـور قمة في الروعـة والابداع ماشاء الله عليـك,,

يعطيـك العافيــة,,

الـعــمـــدهـ · 11-16-2008, 04:34PM

يلعن أووووم الكشته البايخة . .
ياخي ليه ما أخذتوني معكم . .

أحسس انكم من جد فلتوها . . عاد الجو صدقي
ماهو بارد ولا هو بـ حار . . يعني بالعربي أوروبي

والتصوير كوويس .. بس فيه صورة ماضبطتها . . ؟

الله يعطيك العافية مجهود تشكر عليه
والصراحة كننا طالعين معكم

لوَحَةْ إِعْلانَاتْ .. { البِرنسْ } ..

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق