النتائج 1 إلى 8 من 8
  1. #1
    برنس جديد

    رقم العضوية: 31955
    تاريخ التسجيل : 07 - 11 - 2008
    الدولة: مدغشقر / هع
    المشاركات: 3
    الجنس : ذكر
    العمل : عاطل وصايع
    التقييم: 10
    تم شكره 0 مرة في 0 مشاركة

    يضحك فرجة القدر .. من الهموم والكدر !


    بسم الله الرحمن الرحيم




    المقدمه




    والله من تالي مااش محاتسيكم مهوب بالفورمه ومبطي عن المواضيع .. لي تسعة اشهر ماشغلت الوورد ولا نيب اشوفه من تالي واقعد ادوره بكل حته بس مابلقهوش <- اغديك تحتسي زين لا العن جدفك .. واقعد ادوره بكل مكان لدرجة اني فتحت الماسنجر ابشوف هو قالطن عنده ولا لا والله يوم فتحته ولاني لقيت الماسنجر بمنظر غير لائق مع المستندات وهو اللي يناظرني بعين حاااره ويقولي اطلع يالكلب وصكر الباب وراك ( بعذره يسوي كذا اجل ذاك اليوم اشوف المستندات لابستن شلحه وتنشر الغسيل بسطح المكتب .. قلت اخليهم بلحالهم وارجع لهم بعدين هالسرابيت <- بلع العافيه ).. نكست لدربي واشوف النورتن ماسك الزقاره وهو لابسن جكيت اسود ونظارات عكس .. واقوله انت يالاخو بالله ماشفت الوورد على دربك ؟؟ .. ناظرني بنظرة استهتار معها ضحكة صفراا فيها كيس اسود مليان يقوطر نذاله وبحركة ايمائيه من براطمه قالي (لا) .. شكيت فيه هاالداشر ويوم عطان ظهره لمحت بحبل جزمته اليسار المصحح الاملائي حق الوورد .. واجي الحق النورتن وامسكه مع ايده ويلتفت علي وهو اللي يرفع ايده .. وفجأه .. (( إذا كنّت ضحكت عليكم بهالمقدمه وفيه واحدن تحمس معها ويبي يكملها .. الرجاء الاتصال على الارقام المدونة حدر الموضوع وان وجدتم الخطوط مشغوله .. فاعلم ان الحمار ولد اختي لاعبن بالسماعه ومارجعها زين .. وشكرن لكم ))




    الموضوع




    كانوا ابوي وامي يتمنون بيوم من الايام ان الله يرزقهم بولد صالح يصلي ويزكي ويقوم فيهم .. ومرتن من المرات كان ابوي جالسن في المقلط يتقهوى ويناظر فيديو كليب ( حط النقط ) فجأه قطعوا الكليب وجابو تصريح لكوفي عنان طبعا وقتها الوالد مشكلته مايعرف يعبر عن شعوره .. على طوول قلع الجدار مع الدولاب حق التلفزيون وباعهن جميع في الحراج ... عقبها رجع البيت وهو يقول لابوكم لابو من خلّى هالكور ريّس وينعطى وجه اولاااه بس من لعن خيره وتمردغ في وجهه وقلبه غراب سلام .. بعدها دخلت عليه امي وصارت تمشي بخطوات كلها فهاره ومراجه ووقفت جمبه .. قالت له .. ابي عيال .. قالها.. نعنبو ذا الجرأه الوقحه ياعااالم .. لااا وقدامي تقولين هالكلام ( ليه تبيها تقوله قدام ابو الجيران يعني ؟) شكلتس نسيتي ان التختور حذرنا اننا نجيب عيال ماتخبرين انتي ؟؟ .. قالت ولو ماعلينا منه واذا جانا ولد وجهه تسنه جرذي وش بيصير عاد بهالدنيا ؟! .. وقتها ابوي راعى شعور امي وقالها .. والله ماودي ارد لتس طلب بس الواحد يفكر لبكره .. يعني التختور يقول ان اقل احتمال انكم تنجبون جنين فار مايقعد اسبوع الا وهو فاطس .. لكن الاحتمال الاكبر هو جرذي أعور او ضفدع ناقصن رجل .. صاااحت امي وماااتت صياح وصارت تصبخ براسها في الجدار وابوي ماقدر يتحمل الموقف وصار يصيح ويصبخ راسه في الجدار هو الثاني ( مخفه قايلكم مايعرف يعبر عن اللي بداخله ) واستمروا على هالحال لين ماانهدم البيت وطاح لكنهم مادروا عن انفسهم الا وهم مكسرين بيوت الحارة كلها <- نعنبو ذا الدمايج شكلهن جايبينهن من سابك.




    واستقر الحال .. ورجع كلن لمحله وقال ابوي لامي خلاص يابنت الحلال نجيب عيااال واللي يصير يصييييير .. امي من الفرحه شهقت واغمى عليها .. ثم نطلها ابوي على اقرب مستشفى .. وتجي الدكتوره تفحص الحاله .. قالت للسسترات زئووها على إسم الولاده .. ابوي انهبل وعلى طووول طررررش <- الله من زين الدبره .. قال شلون قسم ولاده وانا مابعد سويت شي والبطن مابعد انتفخ .. قالت له الدكتوره اهيييي مالك بتنكر مافيهاش عيب ديه واخزاااه بس منكم يالرقاقيل ؟! عاد ابوي وقتها تفل العافيه واغمى عليه( ابحلنا ذاا مايعرف يدبر عمره ) .. ويوم حطوا امي في سرير الولاده وقالتلها يالله ادفعي بكل قوتك .. قالت قسمن ان ماعندي ولا قرررش وترانا يوم ناكل من مكنودز طلعنا بسررعه لاني امي كانت راقصتن في خبيتي وداخلن به جني .. هههههههههه تخيلي امي داخله جني !!<- من الفقر ماتبي تدفع .. قالتلها الدكتورة .. اقول لايكتر بس لا العن امسسس وام امسسس الحين.. تراس حااملتن ونبيس تطلعي اللي في بطنس كوده يطلع مع اثمس .. امي سمعت هالكلام وهي اللي يغمى عليها ... والله ويجيبون الشفاط ويشغلونه ويوم قربته السستر فجأه سمعوا صوت من جوا بطن امي يقول .. من الكلب اللي قاعد يسب امي من الصبح هنااا ؟ اخترشوا السسترات وابتعدوا عن امي وصاروا يناظرون من بعيييد ومتوحشين من الصوت .. وكتب الله ان يطلع ذاك الصوت صوتي .. وان المولود الجديد هو انا




    والله واقعد اتحقرص وازحف على برااا لين مامسكت ايدي طرف السرير .. وتجي وحده من السسترات تركض وتركض فجأه صارت الحركه بطيييئه وانا طالع من بطن امي وكلي دم وعرقان وهي تركض ويرتفع صوت الموسيقى وانا اجر نفسي على برااا وتعلق رجلي في بطن امي وانا اللي ارفس امي برجلي الثانيه لين ماطلعت والسستر تركض والكاميرات تصور الموقف وارفع ايدي يعني ياسستر تعالي ضميني في حضنك وتجي السستر تطامر تاخذ نظارتها همن رجعت مكانها <- يسمع بالتشويق ابن الحلال




    يوم وقفت على السرير ورجلي اليمين فوق بطن امي والتفت على الدكاتره والقاهم كل واحد ماسكن له سكينة وقاعد يقطع اذانه .. واقولهم .. ابن امه وابوه اللي يقولي منهو اللي سب امي قبل شوي .. والدكاتره ماسكين خط وقاعدين يقطعون براطمهم وكل السسترات تدل ملامح وجيههم انهم خاقين مع واحد بس منهو مدري .. وتجي وحده من السساتر الفلبينيات وتمسك خدي وتغفصه لي وتقول بسمالله ماسااء الله والله مره هلووو .. وانا اللي امسك ايدها والفها واربطها في خشمها واقولها ايه ادري اني اطخم مهوب مثل وجهك ذاا الظاهر ان امتس ولدتتس على صاااج مهوب سرير .. وارجع اصرخ واهدد منهو اللي سب امي قبل شوي وكل اللي في المستشفى اشرن على الدكتورة المصريه ..




    قمزت من السرير واخذت لي كمامة دكتور واشقها نصين واتلحفبهن عشان مايلحفن البرد ( خبركم حلو ماينفع ) .. واجي عند الدكتورة المصريه واقولها .. تسني سمعتتس تسبين امي يا تانكي الديزل ؟ ترا الصوت ماكان واضح الظاهر اني كنت في كبوت جمس مهوب في بطن انسان .. قالت .. مايصحش كده يا أموور يعني انتا بسمالله مشاء الله علييك كلك ملح وسكر ماتخربهاش بئا وتصير بلطقي .. قلت لهامخطورن عليتس يطلع شي من بوئتس عن امي ولا عن ابوي لا والله اكوفنتس واخلييتس كونتر استقبال يابقرة قريح .



    واطلع من غرفة الولاده وانا رابط رجلين امي بحبل واسحب فيها بلاط المستشفى واقعد ادور على ابوي .. ويوم شفته منبطح ومغمى عليه رحمته هالمسكين وربطته مع امي ووديتهم للبيت .. واول ماوصلنا حطيتهم في غرفتهم ورحت اشوف بيتنا واتعرف عليه .. ولاااااني القى البيت حوسه ومطاريس تقل بيت فيه بزران واهلهم رايحين عرس ( مهوب حنا ابد ) ... واجي والله وانظف البيت واغسل المواعين واطبخ وانفخ ووديت بادية مرقوق للجيران همن نكست .. واهلي مازالوا مغمى عليهم والله واروح اشري لي حفايظ واحتري نفسي اوصخ بس ماش لان مااكلت من يوم ماطلعت من بطن امي .. يوم كنت في المطبخ سمعت اثنين يتسرسرون وراي الظاهر انهم ابوي وامي ..



    شوفي شوفي هالولد وش جابه عندنا .. قالت .. افاا والله ياابونا ماهقيتك تخطف ولد جارتنا سمية السوريه .. عسى بس ماسويت به شي .. قالها .. اغديتس تاكلين تبن بس .. توي قايمن معتس من حالة الاغماء .. قالت أي والله صادز بس تهقى منهو ولده .. انا بهذه الحاله طمرت عليهم فجأه وقلت .. سبراااايز مذر اند فذر .. وابوي قال صحه وعافيه عسى بس اكلنا عجبك ؟ .. قلت له وش فيك يابن الحلال .. انا ولدك .. فزّت امي من مكانها وصقعت في السقف وماتت قلت لها بلا استهبال ياميمتي يعني بالله تنقزين وماتطيحين .. قالت شرهتك والله على اللي يكتب الموضوع مهوب علي .. بس عنادن فيه ابطيح واموت بهالقصه ( هين اوريتس يالشينه ) ... ابوي ماقدر يستحمل الموقف وخبركم قليله فيه هطف وزلابه .. على طووول مااات وماعطان وجه .. حتى محد عطاني بوسه حنان ... دئلت









    واخر شي اعتمدت على نفسي بكل شي صرت احفّظ نفسي .. وامهد نفسي .. وانوم نفسي بس ذاك اليوم هكيت على نفسي ومانمت وخليتها تقولي قصه وهي نامت وانا قمت اشوف التلفزيون ... بس والله سمعت صوت نفسي تدردب بالغرفه رجعت بسرعه ونمت جمبها هههههههههه مسكينه دايم اهك عليها <-- خلاص ترى مصالتك ملغت ..




    مايستفاد .. من المطرسه اللي فوق :



    الإيمان بالقدر خيره وشرّه ...
    (لاحظنا اللي تقمصوا شخصية امي وابوي في هالقصه زلايب وكل ابو شوي وهم مغمى عليهم .. وهذا وارد في هالزمن نشوف الحرمه لامنه انفلق راس ولدها جبنا الاسعاف يشيلها وجحدنا ولدها )

    التوكل على الله في كل الامور ....
    ( لا حظنا هالشي في تأخر الانجاب من قبل المخفات المذكورين اعلاه وخوفهم من ان الله يرزقهم عاهه .. وهالشي في علم الغيب .. وش يدريكم يمكن يتزوج شين بشينه ويجيبون اطخم يشتغل في ناسا )

    انصحكم يا اخوات لاتولّدون بواسطة الشفاط تراه خطييير ...
    ( لاحظنا هالشي في ردة فعلي انا يوم مسكت الشفاط ورميته براا <--- احلااا يارامبو )

    الموضوع مدري وش يبي اكثر من كذاا
    ( لاحظنا هالشي من بداية هذه الصفحه لين هالسطر )

    _ فلسطين بنحررها يعني بنحررها
    ( والله انا مالاحظت هالشي واللي ملاحظه تراه تسذوووب )




    وتقبلوا تحياتي

    والسلام عليكم ورحمة الله وبركاته

  2. #2
    برنس بارز

    رقم العضوية: 20506
    تاريخ التسجيل : 26 - 08 - 2007
    الدولة: السعوديه (L)
    المشاركات: 6,185
    الجنس : فتاة
    العمل : طالـبه
    التقييم: 13947
    تم شكره 878 مرة في 350 مشاركة

    ^

    كل ذآ بقــرآهـ

    بـرب

  3. #3
    برنس جديد

    رقم العضوية: 31955
    تاريخ التسجيل : 07 - 11 - 2008
    الدولة: مدغشقر / هع
    المشاركات: 3
    الجنس : ذكر
    العمل : عاطل وصايع
    التقييم: 10
    تم شكره 0 مرة في 0 مشاركة

    اقتباس المشاركة الأصلية كتبت بواسطة دمعه بلا لمعه مشاهدة المشاركة
    ^

    كل ذآ بقــرآهـ

    بـرب

    وأنا ضربتك على يدك وقلت إقري الموضوع !
    بسلامتك تبين تقرين حياك ماتبين شيء راجع لك


    بس من باب الذوق لو كلمة شكر ولا حاجه .. بس عاذرك توك صاحيه شكلك وشوشتك كبر قبة الفيصليه والإخلاق فوق خشمك .. تسن بك عرق طقاقات

  4. #4
    { أحلا .. هم !

    رقم العضوية: 8916
    تاريخ التسجيل : 26 - 02 - 2006
    الدولة: حُلمَ الِلقاء
    العمر: 31
    المشاركات: 5,269
    الجنس : أنثى
    العمل : طالِبة
    التقييم: 18
    تم شكره 3 مرة في 2 مشاركة

    على طوول قلع الجدار مع الدولاب حق التلفزيون وباعهن جميع في الحراج

    ماعنده وقت

    واستمروا على هالحال لين ماانهدم البيت وطاح لكنهم مادروا عن انفسهم الا وهم مكسرين بيوت الحارة كلها
    من هووول الفجيعة


    وقالتلها يالله ادفعي بكل قوتك .. قالت قسمن ان ماعندي ولا قرررش وترانا يوم ناكل من مكنودز طلعنا

    مكنودز رخيص يعني !

    قمزت من السرير واخذت لي كمامة دكتور واشقها نصين واتلحفبهن عشان مايلحفن البرد

    اووووه يا قوي أنت


    سبراااايز مذر اند فذر ..

    هههههههههههه هذي من جد حلوه اتعب انا مع الانجليزي





    :


    عباس أبو طب

    والله دمك عسل و وسعت صدري وانا قبل شوي متهاوشه مع اخوي

    مرسييييه واضحك الله سنك يا فتى

  5. #5
    كبار الشخصيات

    رقم العضوية: 21875
    تاريخ التسجيل : 24 - 10 - 2007
    الدولة: الّسعُوديَه < إومَـآ
    المشاركات: 7,535
    الجنس : فتاة
    العمل : طآلبه
    التقييم: 41222
    تم شكره 2,328 مرة في 1,149 مشاركة

    اقتباس المشاركة الأصلية كتبت بواسطة عباس أبو طب مشاهدة المشاركة
    (( إذا كنّت ضحكت عليكم بهالمقدمه وفيه واحدن تحمس معها ويبي يكملها .. الرجاء الاتصال على الارقام المدونة حدر الموضوع وان وجدتم الخطوط مشغوله .. فاعلم ان الحمار ولد اختي لاعبن بالسماعه ومارجعها زين .. وشكرن لكم ))
    <--- تحمسَتْ وبقوَّهـ
    دبّرنَـآ يآعبَّـآس ..
    اقتباس المشاركة الأصلية كتبت بواسطة عباس أبو طب مشاهدة المشاركة
    والدكاتره ماسكين خط وقاعدين يقطعون براطمهم وكل السسترات تدل ملامح وجيههم انهم خاقين مع واحد بس منهو مدري .. وتجي وحده من السساتر الفلبينيات وتمسك خدي وتغفصه لي وتقول بسمالله ماسااء الله والله مره هلووو
    من سلالة يوسف عليه السلام واحنا يآغآفلينْ ماندري
    أستووغفَـر الله بسْ

    اقتباس المشاركة الأصلية كتبت بواسطة عباس أبو طب مشاهدة المشاركة
    .. سبراااايز مذر اند فذر ..
    اما ذي لحَـآلهَـآ

    عبَّـآسْ أبُو الّطِبْ ..

    اختيار موفق
    الله يعطيكْ الّعَـآفيه
    وننتظر منك الكثير ..

    شقآوَة

  6. #6
    الغضي الجودي

    رقم العضوية: 20227
    تاريخ التسجيل : 16 - 08 - 2007
    الدولة: جده
    المشاركات: 873
    الجنس : فتاة
    العمل : استناكم توظفوني ~ طالبه
    التقييم: 10
    تم شكره 0 مرة في 0 مشاركة

    هع هع هع حولتني يا مدري وشو

    تنفع تساتب ومولف>> احاول اقلد اللهجه وش لهجتك


    تقلب مروري يا أخ سوبر مان هع
    ‏ ‏ شقاويه

  7. #7
    برنس بارز

    رقم العضوية: 29668
    تاريخ التسجيل : 12 - 07 - 2008
    الدولة: الامارات
    المشاركات: 3,304
    الجنس : فتاة
    العمل : طالبه
    التقييم: 3063
    تم شكره 251 مرة في 93 مشاركة


    يعطيك العافيه

    عباس أبو طب

  8. #8
    برنس بارز

    رقم العضوية: 27798
    تاريخ التسجيل : 28 - 04 - 2008
    الدولة: السعـــودية
    العمر: 20
    المشاركات: 4,632
    الجنس : أنثى
    العمل : دكتور
    التقييم: 184
    تم شكره مرة واحدة في مشاركة واحدة



    يعطيـــــك العافيـــــة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •