السلام عليكم ورحمة الله وبركاتة

هذي القصيدة للشاعر/ حسام الزير قالها للشيخ/ مصلح بن محمد الخديدي العتيبي



يابوي ليه تبكي كل ماشفتك وعينك في
أخاف أموت يابوي قبل الموت تبكيني
كفى يابوي لاتبكي وأنا موجود معك وحي
أجل بعد الرحيل اشلون في قبري توطيني
يابويه لو تموت الناس ماتسوى دموعك ذي
وأنا يابوي ميت قبل أموت وأنت محيني
قسم بالله يابويه لاجل عينك شربت الغي
زرعت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت أقدام رجليني
يابويه ماعلى عمري حسافه ولابقابي شيء
ولكن بوصيتك يابوي تكفى لاتخليني
يابويه مابي غيرك يغسل جثتي بالميء
وتكفى قبل لاتكفن يابويه فك لي عيني
بأمر الله أمكن ألمحك وارحل بعيني ضيء
وأودع وجهك الطاهر مع دنيا وسنيني
وخل الناس تحملني وترفع راسي ورجلي
وتاخذني على قبري تكسب أجرها فيني
وإذا جيت القبر يابوي نزلني شوي شوي
ووجهني لبيت الله وقبلة المصليني
وإذا تقدر أبي صورتك أمانه حطها في يدي
لعل الله يشفع لي إذا صورتك في يديني
وحط الطين وادفني وعز اللي يعزي في
ثلاث أيام يابويه يجونك المعزيني
واربع يوم يابويه تذكر ضحكتي وعيني
تذكر ويش كنت أقول يوم انك تناديني
تذكر يوم كنت أنام في ظل النخل والفي
تجي يمي تصب الماء على وجهي تصحيني
تذكر جرة الموال وصوتا في حبال الثي
تذكر يوم أغنيلك قصيدي وأنت توحيني
تذكر ضحكتي لاقلتلك يابويه اشكي لي
تذكر كم قصيدة خافيه مابينك وبيني
تذكر كل شيء كان وأذكر يوم حسام حي
ولكن أسألك بالله يابويه لاتبكيني





تحياتي لكم

أختكم/ بنت شمر