الموضوع: ( ألف .. باء .. تاء ... إلخ )

[align=center].
..
...


بعثر حُروف الهجاء ..
توقف اللقمه .. بحرف السين
وتغصّ السماء ..

رتّب حروف الهجاء ..
تعطس الغربه .. بضيق الميم
ويطيح .. المساء ..


يعني إيش ؟


يعني إن الصمت .. أبلغ !!
لو حسبنا العدل ..
مبلغ


كل أبونا .. أغبياء !!


ربّط حروف الهجاء ..

توقف الفتحه براس .. الصاد
ويموت اللقاء ..

ليه يابن الناس .. صاد
ليه تتمرجح .. بعاد
تسرق الضحكه من شفاه .. السوالف
وأتلحف بالسواد ؟؟
ليه يابن الناس .. عاد !!
ما تعرف الصاد .. دال
بهدلت ستر الرجال !!
تستشف الضيق فينا .. وترتحل مثل الخيال
وليه تخنق .. هالهواء



إعجن حروف الهجاء ..

لا تخاف .. الجيم
نون ..
السهر قاع التواجد
في متاهات العيون ..
واليقين إحساس نائي
ما عرف أصل .. إنتمائي .. يحسب إن الصمت حكمه
وتكرهه عوجا الظنون ..
يعني أستغفر لربك
تعرف إني موت أحبك
ليه تتركني وحيد
والحكي مثل الصديد .. كل ما يقرب غرامك
يا أخي تبعد بعيد ..

لا تسولف بالذكاء ..



بهدل حروف الهجاء ..


ولا تهين .. الميم
راء ..


مرّ ياخي ..
والاّ ناسي .. إنّا حبايب ..
يعني ما تذكر .. كلامك
عن غرامك ..
والاّ ما تذكر كلامي ..
يوم إقول ان الزمن هذا حقير ..
يبعدك ..
وتقول لي ..
يافلان .. ليه أنت إنهزامي ..



مر ياخي حيل
بُعدك ..
مالقيت إنسان .. بَعدك
يضرب جروحي .. دواء
ما لقيت إنسان .. غيرك ..
يرسم العتمه .. نقاء
مالقيت إلا .. غدر
وإدينك .. البيضا
وفاء ..



وأنطفت .. بعدك حياتي
بلا رنين ..
بلا حياء



تدري إنّي عثت ..
بحروف الهجاء ..

ألف ..
باء ..
تاء ..
ثاء ..
جيم ..
حاء ..
خاء ..
دال ..
ذال ..


إي وربي حيل .. ذال
خايف أركن .. أُمنياتي ..
وأركل الموت بسكاتي ..


مرّ ياخي ..

ليه غايب .. ؟؟
لية تتركني .. أضيع بداخل ..
السنه
اللهايب ..
مر ياخي حيل ..
بعدك ..




مررررررر ياخي !!


راء ..
زاء ..
سين ..
شين ..
صاد ..


.. رغم تلويع السّهاد
حضرتك .. للحين صاد ..
ضاد


[poem=font="Simplified Arabic,5,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إسدل ستار الصباح .. الصيف ما يعرف .. براد=فكك عيون المسا .. ينبت من الضيقه .. غبي
الظم خيوط التفاعل .. تنطق شفاة .. الجماد=وإحذر الصمت .. بزوايا .. أفواهنا .. لا يختبي
قلت لك .. وشلون يرقى .. صاحبك .. مثل البعاد=قلت لي يرقى .. غصب .. لو كانت عيونك تبي
قلت لك .. هالسن هذا .. سن روح .. بلا فؤاد=قلت لي .. من يعرف إن الحس .. هذا .. أجبني ؟
الرياح تمر .. وسنيني معك .. زرع وجراد=ما حصدت إلا .. الدموع .. وضيق صدري .. وتعبي !
قلت لي .. رايح .. ورايح .. لين ما ألقى سواد=قلت لك .. كسرت جدراني .. وهدمت أغلبي !
قلت لي رايح .. ورايح .. صمت درب .. بلا حياد=ما تعرف إن الجهات .. الفذ .. داخلها .. غبي ؟[/poem]


وين رحت ..؟؟
وليه غايب ..؟؟
والعمر .. ويّاك ذايب ..






ومرّ ياخي ..
والاّ ناسي .. إنّا حبايب ..
يعني ما تذكر .. كلامك
عن غرامك ..
والاّ ما تذكر كلامي ..
يوم أقول إن الزمن هذا حقير ..
يبعدك ..
وتقول لي ..
يافلان .. ليه أنت إنهزامي ..

إيه أنا شخص إنهزامي ..
كان في وصلك ..
رجوله ..

شخص ما ودّي أقوووله ..



من رحيله ..
ما ترك فرحه ..
لوصوله



يعني إيش ؟؟



...
..
.


فلة حجاج


[/align]