الموضوع: المهرجان الاسباني للثيران عندنا

طبعا كلنا نعرف مبارزة الثيران في اسبانيا وهي رياضه عندهم مشهورة
بس قبل ما تبدا المبارزة يطلقون الثيران





في الصباح في شوارعهم ويخلونها تشختهم إللي يموت يموت واللي يحيا يحيا
بس إذا دريت إن في ديرتك ثور هايج يدور في الشوارع من شافه راح يطرده بقرونه وش بتسوي
هذي الحادثه صارت في ديرتنا
قام ثور عندنا في الحاره وانطلق في ذا الشوارع يجغد ذا الوراعين يوم شافوه بعض البزارين مقبل عليهم دخلوا كلهم في البقاله ووقف قدامها وهم يتراجفون من الخوف وعيونهم لازقه في جباههم وما طلعوا منها لين راح وشافوه ناس ثانين مقبل عليهم طاردهم لين دخلوا في بيتهم قام الثور ينجر الباب براسه
يبي يدخل عليهم يوم شاف الباب ما إنفتح له راح يطامر على الخط العام والدفاع المدني وراه يبون يمسكونه قالوا لراعيه نذبحه لأنهم خافوا منه يوم قام يجغد له بزر بغى يذبحه
قال راعيه لا
ويحاولون يمسكونه حتى حركة الكاوبوي ما نفعت معه إنقطع الحبل مرتين
ويجيكم واحد يمشي بسيارته مايدري وش السالفه ما وعى الا الثور إللي ناط في وجهه وركب معه في صندوق السيارة
واختلفت الأقوال في طريقة مسكه منهم من قال ان الدفاع دعسوه بالوايت ومنهم من قال انهم ضربوه بأبره مخدرهوإنتهت الأحداث بعد ما عيشنا الثور في جوٍٍ أسباني

تراها حقيقه وعشناها بصدق
يعني انا يامناجي من اصحاب القصه
بس قصم بالله لو فكرت اصور
اه بس معوضين
لكم مني أجمل التحايا