الموضوع: يوميات مستشعر !

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ينام من التعب .. جفن الطريق .. ويرقد الازفلت=يَخَلْطْ الضوّ .. من وهج الظلام .. ويجمع اركانة
توسد هالرصيف .. اجمل منام .. وجيت له واسدلت=ستار الحلم .. عن ذاك السواد .. بنفس تلفانة
وحيد .. ولا معي غيري .. كئيب وكنني .. مازلت=ازم الصمت .. بيدين الكلام .. وتتعب امتانة
اتف الضيق .. بلساني .. قصايد .. وارتبك لا ملت=واشوف ان السهر .. تف المكان .. بلتغة لسانة
طويل من الغثى .. بعض الضياع .. يحدني لو شلت=عنان الوقت .. واشقيت الرجول القشر .. منشانة
وحيد .. ونظرتي تشحذ حياة .. وتنذهل لا قلت=عن التخمين .. لو دل الامل .. بيتة وعنوانة
هنا بالصدر .. ضيقة .. فكها يا خالقي .. لو علت=على نفسي .. ترى التوبة هنا بالقلب .. ضميانة
دخيلك .. رشّها تقوى .. ثبات .. وعلم الازفلت=يشيل الحمل .. لو كانت رجول الخلق .. غلطانة[/poem]

[poem=font="Simplified Arabic,5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مدينة تقهر الصمت .. بشوارعها الصخب .. والطيش=تسولف للسما .. حلم الفقير .. وتدمع التربه
يحاكيها الضمى .. ( جغمة هلك ) .. داخل رغيف العيش=( ويلضمها الحكي ) .. لهفة وطن .. وتعانق الغربة
ولا ادري .. وش بلا الدنيا .. هنا .. يغتابها التشويش؟=تشيل الحمل .. عن كتف الضعيف .. وعقب .. تغدربه
مدينة .. يستظل الصدق فيها .. في زوايا .. الريش=غفى واليا صحت .. بعض الظنون .. بكذب تسهربه
مدينة .. تاكل العمر .. بملامحها الارق .. بشويش=تمد القوت .. بالعمر .. وتمص الدم .. تسكر به[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يـ ... باشا .. ما انسأل .. صمتك .. عن الدنيا وحياتك .. ليش؟=يموت من الضحى .. ليل الكلام .. اللي خلص شربه
تمد الكنز .. ما تدري .. وش اللي سبب .. التهميش=تراودك الحياة .. فكرة غنا .. والدين .. تكفر به
تفرعنت الزمن .. كذبة .. وعشت بعالم .. التطنيش=اخذت من الصحو .. نوم الضمير .. ورحت تسخر به
لك الله .. يغفر ذنوب الحياة .. المفعمة .. بالطيش=مدينة ترمي اللهفة وطن .. وتعانق التربة[/poem]

[align=right]ليه لون الصبح .. داكن ؟

السما تمطر .. سواد
والسهر بالعين .. ساكن !!

أسألك باللي خلقنا .. هو قطار العمر
عدّى
والاّ .. حنا اللي سبقنا ؟
والاّ هذا الكون .. يمشي
وداخل ايامه انسرقنا ؟
ضاقت حدود الاماكن !!

ليه هذا الشعر .. داكن ؟

عدّت ايامك .. ولونك
هذا لونك ؟
ما عرف يبقى بدونك
يسكن اطرافك .. وفا
ولا غفت عينك .. يخونك
من خيالك .. يرسم الدهشة بدالك
ياخذ حدودي معاك .. لاخر ايام الهلاك
ويوقف بشرقة عيونك !!
هذا لونك !!
يستثير النور .. لكن !

ليه لو الصدق .. داكن ؟

ما رسمتيني حبيب ؟
ما تخيلتيني لحظة .. داخل ضلوعك
قريب ؟
ما لذعك الشوق فيني ؟
ما حلمتي انك تبيني ؟
ما انزلت دمعة عيونك .. يوم انا عنك .. اغيب ؟
ما سهرتي من فراقي ؟
وما غفيتي .. بالتلاقي ؟
ولا انجرحتي من حياتك .. وصرت لجروحك طبيب ؟
وداخلك لو رحت .. ساكن

ليه هذا الحلم .. داكن ؟[/align]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ترجف من احساس الزعل .. قاعي .. وتزرع لك رضى=وينام في كف السهر .. صبحك .. ويرميني ارق
الحلم .. طفرة في زمان الشّح .. والصحو الفضا=والتّيه غفلة في عيون الشعر .. والصدق الورق
كل ما امتليتك .. من زهاب الشوق .. بغيابك قضى=وكل ما زرعت لشوفتك .. قمح .. بفراقك تحترق
تعبت المّك في ضلوعي .. صمت .. ياجمرة غضى=وتعبت اسافرلك .. سهر .. واحلام .. وسنين .. وعرق
احيان .. احس ان الزمن .. يفداك لو كلة .. مضى=واحيان .. اخاف ان العمر .. من غير ما اعيش انسرق
واحيان اقول ان الصبر مكتوب .. والحيرة .. قضى=وانتي .. ولا همك جفاف الغصن .. ودموع الورق
خلاص .. ابي ارحل .. زعل .. واقطع حبال الرضى=وانام في كف السهر .. وازرع على رموشك ارق[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يستاء صمت المحبرة .. من غثا الطرّس=ويجف .. اسود هالخيال .. بقصيدة
ما كن .. ارضك يالشعر .. تنبت الغرس=ولكن .. به فكرة .. بوسطك .. جديدة
احيان .. اذاكر .. والوله والغلا .. درس=واحيان اخاف القاف .. واقطع .. وريدة
الشك .. سمع .. ومنطقي والعذر .. خرس=والحسّ .. ترف .. وهالاماني شديدة
من وين .. والضفة هنا .. طبعها شرس=فكرة ضما .. بشفاة صفرا .. بليدة
الحرب خدعة .. وسألوا .. قائد الفرس=وشلون ماتت .. هالجيوش العتيدة
فكرة ذكي .. سوّّا بها .. من البكا .. عرس=واستنتجت .. من دم حبري .. قصيدة[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا وان قلت لك .. كف الضياع .. وحالتي .. والنااي=وانا وان قلت لك .. خلق العشيق .. وكذب ميعادة
وانا وان قلت لك .. اخر رمق .. كنت اذكرة وياي=نزفت الدم .. من صدر الطريق .. وضحكة بلادة
ذكرت ان السما زرقا .. بياض .. ولا صفت دنياي=ونسيت ان الزمن .. اخر عطاايااه .. الحزن .. سادة
وغمضتك .. ودسيتك .. هناك بجنب عرق .. بكااي=وكرهت الدمع .. واثر الدمع .. راحة واكثر زيادة
انا .. وان ما غفت عينك .. يضيق الكون من جواااي=غديتي مثل تكبير الامام .. بشفتي .. عااادة
ولو .. يا ضحكة سنيني .. ترى ما للقصاايد .. مااي=شربتك .. قبل لا اكتب .. قصيدي .. وشووفي جياادة
تطووف .. ولا يسابقها سواك .. ولا تبي .. الاّاااااي=دخيلك .. كل ما نسكت .. تثوور من الحكي .. ساادة
تبين اكثر .. هنا اكثر .. لك بقلبي شذوذ اعضاااي=قسم بالله .. لو تقدر .. تصير بحلقك .. قلادة
ولو رااحت من ايديني سنينك .. ابشري بالجااي=لافض الطلح .. من شانك .. صلاة وذكر .. وعبادة
تبين اكثر .. هنا اكثر .. لك بقلبي .. هلي واشياي=لك بعمري .. الين اخر عطاه .. ويووم ميلادة
تلحفت الشعر .. لجلك .. قصيد .. وسولفك وياااي=قصيدك .. خادمك .. عبدك .. بلادك صارت بلادة[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طريق .. ولا تجي ضحكة فقير .. ولا بشاير طير=دمار وكن .. هالدولة تبي تردم .. مبانيها
هنا يستاء .. من صمت الشوارع .. مفعم التفكير=يساوره الندم .. رغم الحياة .. وصعب امانيها
كأن القاع .. صدر .. احدٍ يحرضنا على التكفير=طعونه تدمي التربة .. من اولها .. لثانيها
يسوطة هالطمع .. ( شوكة قريدر * ) .. بغية التحفير=ويلعن هالطمع .. صمت الحياة .. ومن يدانيها
ولا فكرة .. رضت ترقى قصيد .. ولا سؤال يحير=ولا دمعة رضت تنزل .. من عيوني .. واغنيها
تلج الارض .. من صوت الاذان .. وفرحة التكبير=وتطير الروح .. من فرط الدعاء .. بكل معانيها
ايادي للسما .. ترفع امانيها .. حروف تنير=ظلام الدرب .. عن دنيا .. صروف الوقت .. تدنيها
عباد .. وكنهم سيلٍ .. يدم الشرّ .. باسم الخير=يدينٍ تطلب الجنة .. وخوف الله .. يحنّيها
تسولفنا خطاويهم .. لبيت الله .. عن التبشير=وتبشرنا بعد فرض الصلاة .. بعطف .. تجنيها
يموت من الورع .. ضيق الصدور .. ويورق النويّر=على قاعٍ .. هلكها الله .. وهو انبت .. سوانيها[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يطير من كف السما .. لك قدر .. والفكرة قصيد=ويجن من فرط الغلا .. بيت القصيد .. ومطلعة
يحتاج لك .. صمت الشعر .. في لحظة الحس البليد=انت الذي .. لاضاقت الدنيا بصدرة .. يسمعة
فكرك سما .. حسّك وطن .. والشعر لأنفاسك يزيد=وانت الوحيد اللي .. حفظ قدر القصيد .. ودلّعة
اغار من اذنك .. واموت من الحيا .. ما دمت سيد=ياسيّد .. الذوق الرفيع .. اللي مقامك .. رفّعة
مدري احس ان السهر .. في مقلتينك .. صار عيد=والصبح .. لو فزّت عيون الشمس .. اسمك مدمعة
اصبحت اصوّت بك .. شعر .. ويضخني دم الوريد=واصبحت ادوربك .. مقام القاف .. وارجع واقمعة
ياخي ..كأن المسالة .. في بيد .. والعالم بـ بيد=يدفّها نور الهدوء .. من الزحام .. الى السّعة
البارحة قامت تدور القاع .. بالفكر .. العنيد=والضيق كدّر .. هالبياض اللي ابيه .. وقرشعة
اصبحت اهوجس .. بالخشب .. وافكر بلين الحديد=واسوق رجلي .. للطريق اللي تخاوفت .. ارجعة
واموت .. من كثر الغثى .. واعيش من قلّ .. الجديد=ما عدت اشوف بخاطري .. فكرة قصيدة .. مقنعة
تدري يابن عمّي .. هنا .. وهناك .. ما عادت تفيد=اصبحت اغز من السهر .. خنجر قصيدي .. واشلعة
لكن لك .. بوسط الحشى .. قدرٍٍ .. يشخبط لك قصيد=ويجن من فرط الغلا .. بيت القصيد .. ومطلعة[/poem]