بسم الله

هذا الدرس الاول ؟؟؟؟



انا جايكم وبعلمكم بدون وجع راس يالله نبدأ:

<<< مستعجل بدون مقدمة

افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه

قويه لازم اي اي اي ,,,,

i = معنها = انا


فار = مخلوق نذل يصعب مسكه الى اذا جبت له قطو لأن القطو رجال ومايخاف اما عن الرجال الله يخلف عليهم والله

ينحاشوا وتوصل انهم ينقلوون من الحي كله ونترك له البيت ملعون الوالدين

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم



كف = فيه احد ما جاه كف على وجه ؟ انا بصراحه تصفقت لين دخت

لا امزح معكم

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال








هل تحب جبنة بوك= لاحظ بوك بس نوع فاخر +بوك= book = كتاب

هل تحب الكت كات= لاحظ كات بس نوع بناتي فاخر+كات=cat =قط

هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول


وانت واقف تطالع المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع


من مايعرف الرئيس الامريكي ( بوش ) = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) = تعني = يقتل او اقتل = kill

مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين)

mean = مين = تعني = معنى = او قصد = كأنك تسئل وش معنى كلامك او وش قصدك

مثال: تسئل واحد وش قصدك ؟ what do you mean = وات دو يو مين

اوكيه وبعد وش عندنا ايه



كلمة = com الي تشفونها في الرابط = تعني = شركه = وهي اختصار كلمة = company



مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر


كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =


لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + اي شي = i have a car = انا عندي سياره


الرئيس الأمريكي السابق ( بيل كلينتون )

بيل + bill = فاتورة = يعني وانتم في المطعم تبي الفاتوره تقولو = عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس


هذا الحرف وشلون تنطقونه ( T ) = تي صح = تي ,= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك


سيف= save = يحفظ او يحمي او ينقذ = يعني تقدرو تقولو : احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر


ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , ومعنى ؟؟

>>> أم كشة (( رورو))

خخخ

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


طيب وش رايكم كسبت التحدي ولا لا؟

الله يعطيك العافية

أخي

لهذا الدرس المفيد

سرني مروري على ماطرحت

تقديري