يابنت ارجوك انا ما اقدر **كفاني ماضي الغلطات

أخــاف الله يعذبـنـي×× وأنــا خــواف يابنـيـه

واخـاف ابساعـه اللـذه×× يجينـا هــادم الـلـذات

ويأخذ مـن حشـى جوفـي×× بقايـا روحـي الحيـه

أنا ليّه ثمان اسنيـن×× وأنـا مدمـن علـى الشهـوات

ديـار الفسـق حاستهـا×× مواطـي تحـت رجلـيـه

عيوني مـن كبـر همـي×× تخلـط الـدم والعبـرات

مِسيـل الدمـع مـن عينـي×× حفـر بالخـد ماريـه

صحيح إنك جميله بـس ×× تبنـا مـن هـوى الزينـات

تركنـا الحـب غصـب وطـوع ×× للعيـن الشقاويـه

يابنت أنتي على بالـك ×× أبأخـذ مـن بنـات الشـات؟

أجـل مجنـون أنـا يابنـت×× أشيـل العقـل بيديّـه؟

ترى أكبر شيء يربطني×× مِعك جـوال ابـو شاشـات

وهاتـف ينقـل أشواقـي×× علـى نبـرات سلكـيـه

وترى كل العلـوم اللـي ×× عطيتـك بالهـوى كذبـات

وحتـى دمعتـي يـوم الــــ××ـــفـراق الصعـب كذبـيـه

هـذاك اليـوم ماهلـت ×× عيونـي لجلـك الدمعـات

لأن الدمـع ماينـثـر ×× بقـصـه حــب وهمـيـه

أنا أضحك مِعك واضحك منك .××.عليك أكثّر الضحكات

كأنـي بالـهـوى جـنـي.××. يعـبـي راس جنـيـه

وأنا مانـي بخكـري يلــــ××ــــبـس القمصـان.. والشرتـات

ويفـرح قلبـه المسكـيـن ×× إذا حــب الدوينّـيـه

أنـا مـن لابـةٍ أروت ×× ضمايـا سيوفهـا الغـزوات

خلاياجسمـنـا عـاشـت ×× عـلــى دم القبيـلـيـه

ودهنتي شعـرك الاسـود ×× بألـوانٍ مـن الصبغـات

وعيـت تقبـل الصبـغـه ×× ملامـحـك الخليجـيـه

وحشرتـي ردفـك المسكيـن ×× بالبنطـال ..والجنـزات

خلاقـيـنٍ تصنّعـهـا ×× مـزاجــات اليـهـوديـه

عشاني ميـتٍ فـي ثغـــ××ــــرك الأحمـر أبـو لمعـات


بينـي أبرضـخ لـك ×× لأن إشـفـاك ورديــه ؟

ورب الكون ماْرضى فيك ×× لو إنك شيخـة الحلـوات

وإذا صمـل علـيّ العلـم ×× أكـب ارض السعوديـه

يابنت الناس عـزك فـي ×× سـوادٍ يستـر العـورات

وعزي في شماغ أحمـر .××. وثـوب أبيـض.. وطاقيـه

سعودييـن نفخـر فــي ×× عبـايـات السعـوديـات

نغـض الطـرف إجـلالً ×× إذا شفـنـا السعـوديـه

وخليجييـن نفخـر فــي ×× عبـايـات الخليجـيـات

نغـض الطـرف إجـلالً ×× إذا شفـنـا الخليجـيـه

(** تحيااتي للجمـــــيع **)

ويـــــــــــن ردودكـــــــــــــــــــم يابــــــــــــــــــــــنات ياشــــــــــــباب

صح لسان شاعرها وناقلها

روعة والله


الله يعطيك العافية على الأختيار الجميل


لك مودتي