رحـــلـــتي صـــ ور

][ نـــورهـــمـ ][ · 02-19-2007, 03:14AM

السلام عليكم ورحمة الله وبركاته

//

يا هلا والله مليوون بالوجيه السفره
وش لونكم وش اعلومكم عساكم بخير الله يرجكم
عاد هذا اليووم ابستعرض لكم رحلتي الي رحتها قبل كم يوم < نصبه قبل كم شهر تراه
هذي رحله انا وارربع شباب رحله استكشافيهلمناطق ما عمرنا رحنا لها ابد بس معنا خاريطه مرسومه باليد بدفتر ابو 30 المهم انطلقنا بهالرحله قبل العيد بيوم الي هو عيد الاضحى وكان بذاك الوقت الجو بار مرره المهم اننا مصممين على هالرحله طلعنا من الرس الساعه خمس الفجر متجهين شمال

متجهين للمحجه وهي بعد حايل مدري كم كيلو المهم وصلنا المحجه تقريبا تقريبا ثنتين ونص الظهر وكانت رحله متعبه بالمرره لان الارض كانت وعره بالحيل حتى انا قبلها ما نمت ابد يعني رايح مواصل << متحمس بقووه المهم وصلنا للمحجه ويسمونها محجه عنزه

وهذي صور من المحجه

المحجه

طبعا مشينا من الرس قبل شروق الشمس ولازم اخذ لقطه للشروق

ووصلنا للمحجه بعد تعب الله لا يوريكم من جد بغيت اصيح من التعب

وهذي لقطه شوفو شكل الجبل على شكل وجه وهو على ثلاث جهات كل جه فيها شكل وجه

وهذي لقطه للجبل من الداخل شوفو سبحان الله وشلون مفتوح من النص

وهذي لقطه اخرى بعد

وهذي لقطه من المنحوتات الي على الجبل وحاولت التقط لا اكثر من منحوته لكن للاسف الكاميرى الي معي كاميرة جوال

طبعا انا مسكة المطرقه وقلنا لازم ننحت اسم الرس < < وش عنده هالعنصري

شوفو وشلون في اعلى الجبل مثل العماير وناطحات السحاب كانه موقف طياره او زي كذا

طبعا نمنا بالمكان هذا ومتنا برد

اصلا انا بوقتها مانت وكملت يوم ونص مانمت وبغيت اموت وقتها من البرد
لانه من جد جانا برد مو طبيعي وحنا بوسط الفراش بردانين حتى لما صحينا من النوم
ما غسلنا الا الساعه تسعه ونص لان الماء الي معنا مثلج وانا عن نفسي ما طلعة من الفراش
الا الساعه عشر ونص مو نوم بالعكس من البرد لانه بجد برد مو طبيعي بس الحمدلله ترى صليت الساعه 11 ونص
وولما صحينا من النوم واقطرنا كملنا رحلتنا لم تبوم بس به لقطه بما انه واحد
من اخويانا رجع من تبوك من البرد ركبنا معنا ابو هنود واخذت له اللقطه
لانه يبي يروح معنا بنفس الطريق

بس والله يا عليه ريحه وعععع من جد بس عليه ثقافه حلووه يتكلم اغلب اللهجات السعوديه ويموت با اغاني احلام طول الطريق يغنيلنا

طبعا طلعنا من تبوك متجعين الى المظلمه

انتظرو الصور القادمه لما اجد تفاعل منكم بالردود

نورهم

امبراطور الحزن · 02-19-2007, 11:08AM

الله يعطيك العافيه
صور حلويه
..........
........
.....
..
.

البرنـــــــس · 02-19-2007, 11:54AM

يعطيك العافيه اخوي نورهم على الصور والتقرير الرائع عن رحلتك

الف شكر لك وبانتظار جديدك يابطل

البرنــــس

روح إماراتية · 02-19-2007, 11:58AM

اقتباس:

صليت الساعه 11 ونص

أي صلاااة هذي السااعة 11 لاا وبعد نص

نورهم الصور تجنن والمنااطق ولااا أروع شكلي برووح المنطقة وبخذك معااي مرشد سياحي

طبعاً بدوون فلوس .. مجاناً

خخخخخخخخخ أناا بصير عنصرية أكثر عنك بكتب الإمارات نيهااااهاااااا

<< وشكلك بتحفر قبري هناااااك

تعرف تعبت من القرااية قلت خلاني اشووف الصور بس ... يوووم شفت هذاا المزيووون

قلت أوووووووف نورهم حاط صورته قلت شوو عنده

... قلت أحسن أرووح اكمل القراءة ...بعدين اكتشفت إنه أبو هنود مثل ماتقووول

... بس أخ قطعه

<< كأنهاا تستهبل ههههههههههههههههههههههه

يسلمووو نورهم وننتظر بقية الصور

شيخة الغزلان · 02-19-2007, 01:03PM

شكل الجبال رووعه سبحان الله

عندنا من الاثار الكثير بس مو عارفين قيمتها

اما الهندي خطيرر اجل اتحفكم بصوته وريحته خخخخ

يعطيك العافيه

ننتزر البقيه

تحياتي

شيخه الغزلان

THE wizard · 02-19-2007, 02:18PM

^^
سبحان الله .. منظر روعه ويخوف بعض الشيء
شكلكم انبسطتو بس لعب بكم البرد لعب .. اجل الفجر مصلينها حدعش ونص هههههههههههه
حمد لله على السلامه .. وننتظر البقيه على احر من الجمر

أمـير العشـاق · 02-19-2007, 02:35PM

بس والله يا عليه ريحه وعععع من جد بس عليه
ثقافه حلووه يتكلم اغلب اللهجات السعوديه
ويموت با اغاني احلام طول الطريق يغنيلنا

هههههههههههههههههه
اجل يحب احلام وراعي ثقافة بعد وراك
ماعرفته على المنتدى يمكن يصير راعي قلم مميز مثلك
ههههههههههههههههه
ياحبي لك يانور منتدانا كله
وان شاء الله كانت رحلة ممتعة وسعيدة لكم
بنتظار باقي الرحلة وياويلك لو تقعد تسحب فينا
وماتقول باقي القصة ترى بسوي بحث في جميع اقسام
الشرطة وجيب الهندي هذا وخليه يكمل القصة
ويعلمنا بعد بفضايحكم كلها
ههههههههههه
سلااااااااام

جـــووود · 02-19-2007, 06:05PM

صُـورَ رَائِـ عَ ـةَ جداً

يَـ عَ طيكَ العافيــةَ عليهــاَ

بس عادَ صورةَ أبو هنودَ لاتعوض

من كثر إعجابك به صورته

دمت بألف خير

جُ ــووودَ

وهج النـــــور · 02-19-2007, 07:06PM

:

:

سبحان الله
نورهم صور خطيره
تسلم ويعطيك العافيه
والهندي حلو وش فيه << منحازه للهنود
بانتظاار البقيه يالدووووب
::
وهج

][ نـــورهـــمـ ][ · 02-20-2007, 01:27AM

وها نحن نعود مرتن ثانيه
وه تعبت من الطريق ملينا يا ناس
واحد من الشباب من البرد قال ابرجع للقصيم
وحنا نلف مع الدوار وننزله في تبوك يعني الحين صرنا اربعه بس
وحنا مصرين اننا نكمل هالرحله لو نصفى على واحد

يوم جينا بنطلع من تبوك قلت لا زم اخذ لقطه منها

يووه ما لقيت الصوره شكلي ما نزرلته طيب طيب

كملنا طريقنا لمنطقه مرره حلووه فيها اشيا غريبه بالمره واسمها

المظلمه

وصلنا المظلمه وحا انهر لاني ما جبت كاميرى ديجتيل لانه المكان الي ابيه مره مظلم ويحتاج لقوه فلاش عشان اصور الماء لكن ما يمنع اني اخذت لكم بعض من القطات

اخليكم مع شبة النار والحركتات

وش رئيكم بالجلسه غطينا على غليص

من الفضاوه قلت يا ولد خلن اسوي فيها راعي بقاله ورحت وصفيت المعلبات وعلى بالي ابيع عليهم

المهم يوم جينا بنمشي للجبل الي فيه العين قلت لازم اخذ لقطه للمكان الي كان فيه نار واودعه

طبعا بما اني اصور بكاميرة الجوال ما اقدر اصور العين من وسط الجبل اخذت لقطه للجبل من برى

ويوم طلعنا من الجبل ورحنا ندور مكان للنومه بين هالجبال وانا الي اشوف خيمه غليص قلت لازم اصورها

هذي بيت شعر ساكنه فيه عجوز اخذت له لقطه

انتظرو الصور القادمه وهي في جبال الوز والوناسه

واعذروني اني ما نزلت صور كثيره عن المنطقه لانه اغلبها في صور الشيون الي معي

المُتيّم · 02-20-2007, 06:22AM

ويالله ياعليك تصوير مدري عليك كاميرة جوال ..
الشمس قابله كأنها مهيب شمس صدزيه <---- بيوصف بس ماعرف خخخخخخخخخ

.

.

منظر رايق خلتني إني ودي رايح معك

.

.

نورهم / ياخي حرام عليك تزوّر على دولة كاملة وهي دولة الهند ..
وتلزق هالمخلوق فيهم ياخي ترى مافيها شيء إن قلت إنه أنت ..
وعلى فكرة ترى فيك ملامح زينه يكفي سنونك يتبالصن من البياض ماشاء الله ..
( بلاه والله من هالبشرة البيضاء يتبالصن هههههههههههه )

بعدين بسألك من متى صاير خطير بالفوتوشوب ؟
<---- قصده الكتابة الحمراء حقت نورهم ههههههههههههههههههههههههههههه

’ لي عودة ’

.. برب ..

لوحة إعلآنات ... { البرنس } ..