<<<< على قولة أمي ... الله يستر الغنم بأذنابها >>>>

الحاج متولي · 01-28-2006, 12:18PM

اخواني الافاضل

السلام عليكم ورحمة الله وبركاته :

قصة قصيرة صارت لي البارح مع ولدي وزوجتي ... اتمنى تفيد الجميع

من كنت صغير وانا اسمع الوالده رحمة الله عليها .. تقول كل ما شافت خطأ .. الله يستر الغنم بأذنابها .. وكنت اسمعها بين فترات متباعدة .. وكل ما كبرت شوي بديت اسمع الوالده .. ترددها أكثر من الآول .. ايه مو تغير عليها كل شيء .. بدل القربة اللي كانت تحملها على راسها من البير إلى البيت .. جاء الوايت وصب الماء بوسط البيت .. وكانت نادراً تسمع جريمة قلت .. وكل ما تقدم الوقت زادت المصايب .. واصبحت تكثر من المثل (الله يستر الغنم بأذنابها) المهم ما ابي اطول عليكم .. كبرت أمي .. واصبحت السين ثين .. وصار المثل (الله يثتر الغنم ...) .. رحنا لبيت النبي مره ... وشفت أمي خاشعه تدعي بالمسجد .. وتبكي .. وتقول يا ولدي .. هذا قبر نبينا .. محمد صلى الله عليه وسلم .. ادع يا ولدي ان الله يهديك .. وفجأة سمعت الوالدة تقول (الله يستر الغنم بأذنابها) .. وما دريت ليش قالتها في ذيك اللحظة .. إليما رحت وانا بالغ واعرف وش يدور وتذكرت ان الوالدة قالته .. يوم شافت مجموعة من الرافضة يتخبلون حول المسجد .. المهم ما ابي اطول عليكم .. راحت الوالده وادعوا لها الرحمه تكفون .. تزوجت .. جاني ولد ولله الحمد .. وكنت مدمن على المثل (الله يستر الغنم بأذنابها) .. كل ما شفت او سمعت شيء ينكد الخاطر .. سيده تشوف براطمي تلعب .. الله يستر الغنم بأذنابها .. بس توني عرفت قيمة هالمثل البااارح يا أخواني .. تدرون ليش ... أنا اقلكم ليش ..

الولية الله يخليها .. قالت نفسي بعريكة وقامت ادور على سمن ما لقيت .. قالت اقول .. الله يستر الغنم بأذنابها .. وحسيت ان فيه شيء غلط .. قال اقول يا المملوح .. قم رح جب لنا زبد من السوق .. ما فيه سمن .. قلت لها وانا اتميلح .. أنت أمر وانا اجيك اطامر .. عاد الولد مبقق عيونه .. يقول الخبل هذا وش فيه .. قلت لروحي اركد ترى الولد بنقد عليك .. المهم قال ابوي .. بروح معك .. قلت .. هلم بنا يا غلام .. واشوفه صد بس ما ادري كنه يقول .. اما ابو ذا مهبول .. المهم رحنا انا والولد .. لتكان .. وقلت عندك زبد .. قال قايد راعي البقاله .. شوف الزبد وما تشاء هناك بالثلاقه .. قلت يا ولد انقز جب لنا زبده من الزينه .. راااح الولد ورجع علي وبيده زبدة غير اللي اشتريها دوم .. قلت لا يا ولد هذه مو اللي اشتريها .. قال يا ابوي .. هذيك مو زينة .. قلت وشوا .. اقول اسرع بس غيرها وجب من ذيك الزبده الاولة .. وقف الولد .. وكني شفت بعيونة ألم .. يا ولد اشبك خير عسى ما شر .. قال ابوي .. اللي يصنعون الزبدة اللي تبي تشتريها .. يسبون الرسول .. ويقولون عنه كلام مو طيب .. وكلام كثير يا بوي .. قلت افاااا.. هي من اللي يصنعها .. قال ابوي .. هذولا .. الدنمرك .. ما تدري ابوي انهم سابين النبي صلى الله عليه وسلم .. قلت الا ادري ياولدي وحسبنا الله عليهم .. قال اجل يا يابه .. خلنا ناخذ هالزبده وخل زبدتهم هذه .. قلت والله ما اردك .. يستاهلون هالقذرين .. خذ من زبدة المراعي وخل زبدتهم .. وشوي الا وقايد راعي الدكان يصيح .. اللهم اصلي عليك يا رسول الله محمد .. هذا ثاني ثالث طفل اليوم يدخل علي ويقول ما ابي اللي تجيبونه من الدنيمارك .. قلت وش السالفه وانا بوك من علمك هالكلام .. قال ابوي المعلم اليوم قال ان الدنمارك هم اللي سبو النبي صلى الله عليه وسلم .. والواجب علينا اننا انقاطع أي شيء يجي من عندهم .. قلت .. الله يوفقه صدق من قال المدرسة والبيت ما لحد غنى عن الثاني .. رحنا البيت .. ودخلنا على الوليه .. شافت الزبده .. وبغت تصك بها راس الولد .. وبعد هوشه بالطبع انا منخش ومسوي روحي ازبط الساعه .. اسمعه يكلم امه .. وانا بصراحة ابي اشوف وش بيسوي ويا امه .. المهم شوي الا وامه .. اسمعها تلعن وتسب وشوي وتركب سيكل وتروح الدنمرك .. قالت شفت عيال الكلب وش قايلين عن النبي صلى الله عليه وسلم .. قلت ايه .. المهم دخلت دخلت الحمام الله يكرمكم .. وشوي طلعت .. الا مقاضي البيت كلها بالصاله .. يالله ارمها حقت هالكلاب .. قلت يا ام فلان خليها انخلصها ثم ما عاد نشتري شيء منها .. قالت ابد .. والله العظيم ما تجلس ببيتي واللي سواها هم اللي تعدوا على النبي صلى الله عليه وسلم .. قلت تم .. وخذيتها واقرب زباله .. ورحت انا وهي والولد وكل ما شلينا شيء .. قلنا هذا وش صناعته .. المهم دخلنا البيت وما فيه أي شيء منتج دنمركي .. بس بصراحه انا كنت كل ما شفت منتج سيده اقول (الله يستر الغنم بأذنابها) لعنكم الله ..

طولت عليكم .. لكن أخواني .. الحقيرين ذولا يستاهلون كل شيء اللعن والسب والمقاطعه .. يجب ان نبدأها .. وان نعلنها صراحه .. فهم عبيد دنيا .. حين تمس حدود دنياهم فأنهم يخنعون ويرتدعون .. خلك وخلني .. وابنك وابني واخوك واخوي وزوجتك وزوجتي .. يتعلمون المثل نفسه (الله يستر الغنم بأذنابها) يا دنمركين .. تسبون النبي وانتم الواحد منكم يركب اخته وخالته وامه بقصد الحرية والديمقراطيه .. ونبينا بين لنا حدود الزنا وحرمته .. شتان والله العظيم شتان ..

اليك يارسول الله .. الليك بأبي وأمي يا حبيب الله .. نفديك بأرواحنا ومهجنا واولادنا .. اضعف الايمان ان نقاطعهم من اجلك يا حبيبنا المصطفى .. والله والله والله الذي رفع السماء بلا عمد .. وانزل التورات والانجيل .. وخلق الكواكب والقمر المنير .. والشمس التي تمشي الى مستقر لها .. من جعل الليل سباتا .. والنهار معاشا.. والجبال اوتادا .. وخلقنا ازواجا .. أن لو مكني الله من احد هؤلاء القذرين الذين ساقهم شيطانهم ليرسموك ويسبوك .. لا اقتله شر قتله .. والله ورب الكعبه المشرفه لا انحره نحراً ثأراً لك يا حبيب الله .. ولعرضك وشرفك

في الختام اقول ... (الله يرحم امي) ويهدي ولدي ... ويرحم كل مسلم يخاف الله ويتقيه ..

!. الأميــــرهـ .! · 01-28-2006, 07:33PM

الله يرحم الوالدهـ برحمته .. ويسكنها فسيح جنانه ..,

ودمر الله أعداء الدين واخذهم اخذ عزيز مقتدر

ربنا يمهل ولا يهمل .. وللظالم يوم يأتي لامحال ..,

وأقل شي نسوويه مقاطعتهم ومنتجاتهم ..,
والدعاء عليهــم وربك اعظــم

يعطيك العافيــــه الحاج والله يحفظ ولدك
ويهديه ويصلحــه يــارب
سلمت يمناك
رعاك الله

,,
,,

مرمر

أمــل مقتول · 01-30-2006, 01:06AM

اللهم أرحم والدتك .. واجعلها في اعالي الجنان ..!!
وحقاً (( الله يستر الغنم بـ أذنابها )) ..

واللهم دمر هـؤلاء السفهاء ..
وارفع رايه التوحيد في كل مكان ..!!

!
!

الحاج متولي ..!!

أعجبني تفكير أبنك ..وسرعه تقبله لكلمه أستاذه !!
وهو يخبرك بعدم شراء منتجاتهم ..
فـ اللهم أحفظه لك .. واصلحه أن شاء الله ..

لك كل الشكر ..!!!

.
.

أمولـ@ ..!!

أسيرة الماضي · 01-31-2006, 06:50AM

الحاج متولي
الله يعطيك العافية اخوي
والله يرحم والدتك ويسكنها فسيح جناته
ويحفظ لك ولدك ويهديه ويوفقه لكل خير

واقل شيء نسويه في هؤلاء السفهاء هو مقاطعتهم
دمرهم الله ورد كيدهم في نحورهم
ونصر الاسلام والمسلمين في كل مكان
.
.
أسيرهـ

نايف الدوسري · 02-01-2006, 06:29AM

يعطيك العافيه

جبرني الوقت؟؟ · 02-01-2006, 04:06PM

الله يرحم الوالدة ويسكنها فسيح جناته

وليكون شعارنادائمان معاٌ لمقاطعت المنتجات الدنمركية

اخوكم
*·~-.¸¸,.-~*جبرني الوقت؟؟*·~-.¸¸,.-~*

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

لوحة إعلآنات ... { البرنس } ..