كانت منال شارده بذهنها بعيد وتفكر طول الوقت من بعد محاضرة الدكتوره
وصديقاتها حولها يضحكون ويسولفون وهي ولا كأنها معهم....
ساره: منال ياهووووو.....وينك؟؟إللي مأخذ عقلك يتهنأ به.
منال:شلون...كلمتيني؟
ساره: سلامتك كنت جالسه أكلم الجدار اللي وراءك..
منال :آسفه عيوني..
ساره:وش فيك مسرحه؟
منال: بصراحه أفكر في موضوع مميز يكون موضوع بحث التخرج السنه هذه..
ساره: والله على بالي عندك سالفه مهمه..أمشي الحين... السواق ينتظرنا..أكتبي
أي شيء وعطيهم أهم حاجه نتخرج...
وفي السياره رن جوال منال..وطبعا أول ما شافت منال الرقم أبتسمت...لأنه رقم
خطيبها عبدالرحمن..
منال : هلا والله..
عبدالرحمن:السلام عليكم..
منال : وعليكم السلام..
عبدالرحمن: كيفك حبيبتي ..عساك طيبه؟
منال: الحمدلله بخير ..كيفك أنت ؟ شكلك توك طالع من الدوام؟
عبدالرحمن: أي والله.. ودايخ نوم..تعرفين من أمس وأنا مناوب في العمل..وبروح البيت
وبحط رأسي وأنام..فقلت خلني أكلمك الحين قبل ما أرقد ..وتبغين الصراحه ودي أسمع
صوتك علشان أعرف أنام ..
منال : يابعد عمري ..نوم العوافي إن شاء الله ..بس حاول تدق علي بالليل..راح أنتظرك.
عبدالرحمن :أكيد مايحتاج وصايا ..تأمرين شيء؟
منال: سلامتك ..صح عبدالرحمن ..فكر معي في موضوع يكون بحث التخرج..
ودي عاد أخلص وأتخرج وأرتاح من الدراسه والهم..
عبدالرحمن: تتخرجين يا بنت الحلال ونعرس..أفكر معك وأرد لك خبر في الليل..
طيب في أمان الله.
منال : مع السلامه.
دخل عبدالرحمن البيت ولقى أمه تتناقش مع خواته وتصيح عليهم..
عبدالرحمن: عسى ما شر؟صوتكم واصل برا..
الأم : يبون يخيطون حق عرسك.وأنا اقول لهم لا تستعجلون..يمكن نلقى شيء
جاهز ورخيص..الظروف ما تساعد ياولدي.
عبدالرحمن: بس هذا هو السبب؟
أخته: يرضيك يا عبدالرحمن نكون أقل من غيرنا في عرسك؟
عبدالرحمن: لا والله ما يرضيني..وأبشروا باللي يرضيكم ..
أمه: وشلون ياولدي؟ أنت وراءك تكاليف الزواج واللي بعد الزواج..وأقساط وإيجار
هالبيت اللي إحنا فيه.وغيرها وشلون بتدبرها..وتبي بعد ترضيهم! والله ياولدي ما راح تقدر..
عبدالرحمن: ربك يسهلها إن شاء الله..من يوم توفى الوالد وأنا مأخذ عهد على نفسي ما أقصر
معكم في شيء..وأنا داخل بجمعيه وراح أستلمها قبل زواجي بشهر..وبتنحل الأمور إن شاء الله..
أخته: الله يخليك لنا يا خوي من غيرك ما نسوى ولا شيء..
أحم..أحم..نحن هنا..وأنا بعد مش أخوكم ولازم تدعون لي..
عبدالرحمن: هلا خالد..كيف الدراسه وياك؟
خالد: تمام ..بس بصراحه أول ثانوي صعب ، والله يعين، إن شاء الله أعديه.
عبدالرحمن:لا الله يخليك..لازم تعديه وتدخل علمي وبعدها الجامعه وتصير دكتور..وترفع رأسنا
والا ودك تصير عسكري مثلي..
أمه: وش فيه العسكري.. والله أنك رافع رأسي فوق ..وأفتخر أن ولدي عسكري..في خدمة
دينه و وطنه، وأنت ياعمري كان ودك بالجامعه..لكن يوم مات أبوك تركت الدراسه من
المتوسطه ودخلت العسكريه..علشان تقدر تصرف علينا..الله لا يضيع لك تعب ياولدي..
عبدالرحمن:ومن قال يارب ..عن إذنكم بروح أرتاح..
نام عبدالرحمن..وبعد ساعه دق عليه زميله بالعمل..
عبدالرحمن: نعم يالمزعج ..تدري اني من أمس مانمت.
زميله: قم شغل التلفزيون وشف الأخبار...
عبدالرحمن: خير ..صار شيء؟
زميله: عملية مداهمه.. وتمت بنجاح ولله الحمد..
عبدالرحمن: لا حول ولا قوة الا بالله ، عسى ما تضرر أحد.
زميله:يقولون في أثنين من رجال الأمن مصابين ..واحد توفى..
عبدالرحمن :إنا لله ونا إليه راجعون..حرام عليهم هالشباب ضيعوا أنفسهم ودمروا غيرهم
والله انك طيرت النوم من عيني..على العموم مشكور..مع السلامه.
حط رأسه عبدالرحمن وتم يفكر إلى متى الحال هذا؟؟؟؟؟ ومتى يصحون الشباب من
غفلتهم وينتبهون من خطورة أعمالهم هذه؟؟لا دين ولا عرف يقبل عملهم ،خسروا
دنياهم وآخرتهم. وفجأه طرى على باله أمر، وقام بسرعه.. ودق على منال..
عبدالرحمن:مرحبا منال أنا آسف أدري أني أزعجتك، بس فكرت لك في موضوع بحث تخرجك..
منال:لا حبيبي لا إزعاج ولا شيء، وش موضوعك؟
عبدالرحمن:عن الإرهاب ،صح أنتي قسم دراسات إسلاميه وتقدرين تكتبين عن الموضوع
من خلال نظرة ديننا للإرهاب وايش حكمه وأراء العلماء فيه سواء من خلال السلف
أو علمائنا الحين..
منال : أنا معك انه موضوع مهم ،بس الكل تكلم فيه والكل سوا فيه بحوث حتى في المدارس
ما أحس أنه موضوع جديد.
عبدالرحمن: صح موضوع ماهو جديد، لكن جداً مهم وحديث الساعه، والكل يحتاج أنه
يفهمه بمنظور شرعي وخاصة أن هذا نوع دراستك..أبحثي فيه من خلال تاريخ الدين الأسلامي.
منال: كيف يعني؟؟
عبدالرحمن: مافي زمان والا كان فيه فتن وكان فيه فرق تخرج عن الدين..ومنها فرقة الخوارج
اللي خرجوا في زمن عثمان وعلي بن أبي طالب..وكانوا يكفرون ويحلون دماء المسلمين،
وهذا ما نعانيه في وقتنا هذا،الفرقه الضاله في زمننا الحين نفس فرقة الخوارج..يكفرون
ويقتلون ويقومون بعمليات إرهابيه كل ضحاياها من الأبرياء ، ولازم أن نوقف بوجههم
وكل واحد منا مسئول وأنتي بعد مسئوله وهذه فرصتك علشان تؤدين دورك،أبحثي في
الموضوع وأجتهدي وصدقيني راح يكون بحثك ممتاز وبتحصلين على أعلى الدرجات فيه.
منال: والله كأنك أقنعتني ،بس بشرط تساعدني فيه.
عبدالرحمن: مو مشكله المراجع اللي ماتحصلينها عندكم بالشرقيه ،عطيني خبر وأدور
عليها هنا بالرياض وفرصه أجيكم بالشرقيه وأشوفك.
منال :لا والله مافي زيارات العرس قرب بالإجازه إن شاء الله ..
عبدالرحمن:والمراجع يا بنت الحلال ..مايصير..حلفت الا أجيبها لك.
منال: لا تخاف إذا نقص عليّ شيء بدق على أخوي صالح وبطلب منه تعرف هو دكتور
في قسم العقيده بجامعة أم القرى..
عبدالرحمن: يعني راحت علينا يالله كان ودي أساعد .
منال : مساعدتك احتاجها من خلال قصص تجيبها لي عن الشهداء وعن أسرهم ،
وكيف إن الإرهاب حطم حياة الكثير من الناس.
عبدالرحمن: إن شاء الله ولا يهمك أجمع لك معلومات ، وأجيبها لك بنفسي ..
منال: مشكور ..أرسلها لي على الإيميل ..ولا تجي ياويلك من أمي إذا جيت.
عبدالرحمن: طيب ، بس والله مشتاق لك، أخاف أموت ما شفتك. بعدين حرام عليك باقي
على زواجنا أكثر من أربعة أشهر..
منال: أسم الله عليك ، لا تقول هالكلام ،تدري لو يصير لك شيء أنا بروح فيها.
عبدالرحمن: يعني تخافين عليّ وتحاتيني .
منال: وكيف ما أحاتي هوى روحي.
عبدالرحمن: اقول أدق عليك بالليل أحسن..بتطول السالفه كذا.
منال:براحتك.
عبدالرحمن:مع السلامه حبيبتي.
منال: مع السلامه.
عبدالرحمن قفلي الخط
منال: قفل أنت أول.
عبدالرحمن:قفلي أنتي أول بعدين أنا.
منال: حاشا والله أنت أول..
عبدالرحمن: أنتي أول أسمعي كلام زوج المستقبل.
منال: أنت أول ولا تزعل مدامتك
عبدالرحمن:ماأحد مضيع علومي الا مدامتي، قفلي يابنت الناس.
منال: نعد من واحد لما ثلاثه ونقفل مع بعض..
عبدالرحمن: يعني زي كل مره ،طيب واحد، أثنين،ثلاثه ...تك قفلوا السماعه أخيراً....
اليوم الثاني وفي الكليه.....يتبع غداً إن شاء الله

بقلم :عبير الوقت {أمل الحياة}

تكمله..
اليوم الثاني وفي الكليه.....
ساره: هلا منال مين مكفخك على الصبح،عيونك وارمه وشكلك رايح في عين أمها.
منال: من السهر.
ساره: أدري علشان تكلمين حبيب القلب ..عبدالرحمن.
منال : حرام لا تظلمينه..ماطولنا مع بعض على التلفون..أمس كنت سهرانه على النت.
ساره: ليش يالمثقفه..
منال: أدور على أمور تتعلق بموضوع بحثي..
ساره: الله عليك وحددتي الموضوع بعد.
منال: ايوه، بمساعدو عبدالرحمن.
ساره: عرفته أكيد الموضوع كيف تعرس بسرعه هههههه
منال: ههههههه بايخه
ساره: طيب لا تعصبين وش موضوعك؟؟
منال: ما أخترت له عنوان معين، ولكن هو عن الإرهاب.
ساره: موضوع زين بس يبي لك تجتهدين فيه تمام علشان يكون مميز،لأن اللي سمعته
أنه أغلب البنات بيكتبون عنه،لأن دكتورة الماده ذكرت موضوع الإرهاب..
منال: علشان كذا ببدأ من الحين أبحث في الموضوع من حيث الكتب والنت وحتى
برامج التلفزيون وكل شيء..
ساره: الله يوفقك..
منال: وأنتي ما حددتي موضوع؟
ساره:إلا وموضوع جداً رائع
منال : وش هو ؟
ساره: العنوسه وأثارها النفسي عليّ
منال: حلو..شدي حيلك.
ساره: أدري تتريقي علي..
منال: أبداً...قومي بس خلينا نروح نأكل شيء..
ومرت أيام ووراءها أيام....وكل يوم كان يزيد حب منال لعبد الرحمن، وكيف ما يزيد هالحب
وهو إنسان بمعنى كلمة إنسان من طيبه وأخلاقه العاليه وحبه واحترامه لأسرته وتفانيه في عمله..
كانت منال تحس أنها أنسانه سعيده وما ينقصها في حياتها شيء..
وفي يوم من الأيام كلمها عبدالرحمن وقال لها أنه اليومين القادمه راح يكون إجازه علشان
كذا بينزل الشرقيه،علشان يختارون قصر الأفراح ويدفع عربون للحجز..
كان يوم الثلاثاء وتعرف أنه بيجي عبدالرحمن..حاولت تنام في الليل لكن ما قدرت من كثر
ماهي فرحانه وفي النهاية يادوب غفت عينها...إلا وقامت مفجوعه من نومها من غير ماتشوف
كابوس ولكن كأن أحد صحاها لكن بخوف..
تعوذت من إبليس وذكرت ربها،شوي وسمعت الآذان وقامت صلت الفجر وقرأت القرآن لحد
ما أشرقت الشمس،بعدها فكرت تدق على عبدالرحمن..لأنها تحس بضيقة صدر،وتدري أنه
بالدوام وبيخلص مناوبته على الساعه ثمان الصبح وبعدين بينام وبيمشي العصر من الرياض
لكن ترددت في النهاية وما حبت تشغل باله ،راحت كليتها ،ومرت الساعات طويله وصدرها
ضايق ،خلصت المحاضره الأولى،ودقت على جوال عبدالرحمن لكن كان الجوال مفصول
وبدأت تقلق ،وشرحت لساره أنها قلقانه وخائفه وحاسه أنه بيصير شيء ،حاولت ساره
تطمنها ،وتقول لها:أنها بس من كثر ماكانت فرحانه بالليل بجية عبدالرحمن..
استمرت منال بذكر الله وهي ترجاه سبحانه أن يوصل عبدالرحمن بالسلامه ،لأنها كانت
تخاف عليه من خط الرياض الدمام..
وآخيراً جاء وقت الخروج من الكليه ،وكانت عازمه أول ما توصل البيت تدق على أم
عبدالرحمن وتطمن عليه ،لأنها تتوقع أنه مشى بعد الدوام..وما عنده صبر يستنى لحد العصر.
قربت السياره من البيت وكان قلب منال تزيد دقاته ،حاسه أنه في شيء..
ولما وصلت لأحظت أنه هناك سيارات كثيره واقفه عند بيتهم..وفي اللحظه
هذه حست إن قلبها وقف وما عاد يدق ارتعبت وخافت وبدون شعور ضغطت
على يد صديقتها بقوه..
مسكت ساره يدها وقالت أذكري الله مافي الا خير إن شاء الله..
حست أن رجلها ماعاد تقوى تحمل جسمها ، شدت على عمرها وفتحت باب السياره
ونزلت ،ونزلت وراءها صديقتها ،لأن فعلا كان تجمع السيارات غير طبيعي..يتبـــــــــــع

يسلمو على اقصه الجميله

اسعدني تواجدك حسام يعطيك العافيه

كانت يدها ترتجف وماهي قادره تفتح الباب..قالت لها ساره: منال الباب مفتوح،أدخلي
وطمنيني ،دخلت ..وهي بالحوش سمعت صياح أختها وهي تقول:يمه لحقوا منال وصلت
سمعت بعدها أصوات مافهمت منها شيء ..لكن وجدت أخوها صالح..
منال: صالح وش جابك من مكه ،وش عندكم ، وقبل ما تكمل كلامها ،شافت الدموع بعينه
وسمعت صوت البكى الكل كان يصيح أمها أبوها أخوانها وخواتها،الكبير والصغير ..حتى ساره..
اما هي تحجر الدمع بعينها...........................ونطقت شفاها بأسمه.......عبدالرحمن..
ضمها أخوها لصدره وبقوه لمها يمه ، وبعدها غابت حتى عن وعيها،حست بعدها بالماء
البارد على وجهها ،وصحت، والتفت حولها تبغي تستوعب اللي هي فيه يمكن كان حلم
وصحت منه وهذا ماكانت ترجاه..
صالح: أذكري الله وأدعي له بالرحمه والمغفره وأحتسبيه عند الله شهيد.
منال: وش صار اليوم وعدني بيجيني ،مات في حادث؟؟؟
صالح :لا
منال : وكيف مات كان بصحته وشبابه وعمره ما شكى لي من شيء.
صالح: البارحه صارت عمليه إرهابيه بالرياض وكان فيها تبادل إطلاق نار ،وأصيب فيها
وتوفى الله يرحمه.
منال: ايش قاعد تقول ؟ ايش عمليه إرهابيه؟ وإطلاق نار ؟ وأصيب ومات ،كل هذه خرابيط
كنت اسمع عن الناس ايوه لكن يصير لعبدالرحمن ،ما أصدق ،ماأصدق.
صالح الموت حق وإن شاء الله انه شهيد،خافي ربك وأذكريه ولا تعترضين على قضاء رب العالمين.
منال:ومين يقوى؟؟؟؟
صالح: أنتي تقوين أنتي أنسانه إيمانها بالله قوي ،وش حال أمه وخواته وأخوه،لازم تكونين قويه
وتصبرينهم وتحتسبين الأجر في مصابك..بنمشي الرياض اليوم وبنبات فيها وبنصلي صلاة
الظهر عليه بكره..
منال: بروح معكم ودي أشوفه وأشوف خالتي أم عبدالرحمن.
لا وأنا أخوك..أنتي بحكم زوجته ولكم سنتين متملكين ولازم من اللحظه هذه تحددين عليه
الحين ضروري تكلمين أمه ،يمكن لسمعت صوتك تهدأ شوي حالتها...
منال:والله ما اقدر أنا اصلاً إلى الحين أحس أني أحلم وأحس لو بدق عليها بيرد عبدالرحمن
عليّ ماني قادره أصدق ،اتركوني بحالي الله يرضى عليكم..راحت توضأت وصلت ركعتين وجلست
تدعي الله بالصبر والثبات لها ولكل من حب عبدالرحمن لأنها تذكرت قول الله تعالى
{ واستعينوا بالصبر والصلاة} ثبتها رب العالمين في هذه اللحظات وهي أصعب لحظه على المصاب
تمالكت نفسها من غير ماتنزل منها ولا دمعه مو لأن قدر عبدالرحمن عندها قليل لا بالعكس لأن
قدره أكبر من أن ذرف الدموع بيهون عليها ،تحجرت الدموع بعيونها وحست كأنه في شيء
يمنع الدمعه من أنها تنزل يمكن من قوة الصدمه ماعاد تدري ليش خذلتها عيونها وجفت دموعها
اقتربت من التلفون رفعت السماعه لثواني حست انها ما عاد تذكر رقم عبدالرحمن،اتصلت
رد عليها خالد،وبس سمع صوتها بكى..وقال: مات عبدالرحمن يامنال قتلوه اللي مايخافون ربهم
حرمونا منه.
منال: قول لا إله إلا الله ، وأدعي له بالرحمه والمغفره.
خالد:من يحمل الهم عنا من بعده،من يرعانا،ردي عليّ قولي شيء.
منال: رب العالمين قادر على كل شيء ،خل إيمانك بالله قوي ،خلني أكلم خالتي ،كانت تحاول
تتهرب من كل كلمه كان يقولها خالد لأنه كان يذبحها بكلامه..حتى هذه اللحظه ومنال مافي أقوى
منها ،بس سمعت صوت خالتها هنا حست منال أنها فعلا فقدت أغلى الناس على قلبها،هنا بس
نزلت دموع منال ،وبكت وبكت وبكت ،وحست أنه ماهي قادره تمسك دموعها،كانت تحس
بنار في صدرها كانت تحس بحزن على عبدالرحمن وحزن على أمه وحزن على أهله كلهم
وحزن على نفسها وعلى قلبها اللي فقد قلبه..كانت تفكر كيف أن الكل فقد عبدالرحمن
كانت تفكر إن المسلم ينسى ربه ودينه ويقتل أخوه المسلم،كانت تفكر كيف أن الألم هذا عاشته
الكثير من الأسر ،وكيف أنه اللي سبب هذا الألم هم شباب كانوا أمل هذهالأمه.
وعاشت منال لحظات صعبه أعتزلت فيها عن الناس وعاشت بس مع ذكريات عبدالرحمن
تمر الأيام وهي تقرأ رسائله وتتذكر كلامه لها تتذكر نبرة صوته وضحكته وهمسته..
عاشت فعلاً على ذكراه ،نست الناس من حولها، مر شهرين وهي على هذا الحال.
وكانت أمها خائفه عليها ،فكلمت أخوها صالح وطلبت منه أن يتدخل ويساعدها حتى تطلع
من اللي هي فيه ،ماقصر صالح ،وجاءها على أول طائره من جده.
فقالت لها أمها: أن أخوها صالح بيجي ،ماردت على أمها الا بقول حياه الله.
وصل أخوها وجلسوا مع بعض وتعشوا سوا،ولاحظ كيف أنها تلتزم الصمت طول الوقت
تركها يومين ثلاثه وهي على نفس الحال،وقتها كله في غرفتها ترفض أن تقابل أحد أو تكلم أحد
إلا أم عبدالرحمن .هنا قرر صالح أن يدخل ويخرجها من اللي هي فيه.
دق عليها الباب ، وقال: ممكن أدخل يا منال.. يتبــــــــــــــع

مشكورة أختي عبير الوقت
على القصه الجميله
والله يعطيكي العافية

مع تحيات
ولد العاشق

مشكور ولد العاشق

منال:تفضل
صالح:والنهايه يا منال ..عاجبك حالك؟
منال: وش فيه حالي؟
صالح :قافله على نفسك وقاطعه الناس ومهمله حتى دراستك.
منال: ليش ناسي اني في الحداد
صالح :مانسيت لكن هذا ما يمنع انك تستقبلين الزوار وتذاكرين دروسك
منال: أنا قدمت إعتذار عن الأختبارات ووقتها بذاكر
صالح: وبحثك وين وصلتي فيه؟
منال: صرفت نظر عنه ..ووقت التقديم بطلب المساعده من البنات وما راح يقصرون
صالح:ماشاء الله عليك مدبره أمورك كلها بصراحه أهنيك على قوة إيمانك وحسن تدبيرك
لحياتك وزادت نبرة صوت صالح واستمر في الكلام..عيشي حياتك في عزله عيشي على الذكرى
الحلوه،وأنسي شيء أسمه مستقبل وعما وأخذ وعطاء،أنتي والجماد واحد .لا تفكرين ولا تضحكين
لا تحملين هم غيرك لا تساعدين أحد ..عيشي مع رسائلك بس ،أنسي حق رب العالمين وحق نفسك
وحق والدينك وحق كل من يحبونك.
منال: وش فيك عليّ ؟؟الحمدلله ما نسيت ربي لو لا صلاتي ومناجاتي مع رب العالمين كان من
زمان مــــــــــت.
صالح: صح،تصلين وتذكرين ربك ،لكن من غير خشوع
منال: وأنت وش دراك بخشوعي؟
صالح: لانك لو تخشعين وتصدقين مع ربك كان رضيتي بقضائه وقدره وأبتسمتي لحياتك
منال: أبتسم الأبتسامه يبغى لها روح وقلب يقوى أنه يبتسم وأنا روحي وقلبي مع عبدالرحمن
كيف أضحك ودمعي يبكيه ،كيف أضحك وروحي تبيه ،كيف أضحك وعمري وحياتي
ترتجي شوفته مره ثانيه؟؟؟؟؟؟؟لما اقرأ رسائله أرتاح للحظات يمكن بعدها يزيد الألم أكثر
من قبل لكن في ثواني حسيت فيها انه معاي..أنت ما تدري ايش كان بالنسبه لي عبدالرحمن
كان................. وبكت بحرقه زادت نيرانها ناااااار ..
صالح: أدري بحجم غلاه عندك ولكن هذا ماهي نهاية العالم،فكري انك تساعدينه.
منال: وكيف أساعده ؟
صالح:ارضي بحالك استمري في حياتك طبيعيه قدمي بحثك الله يرحمه هو اللي طلب
منك هذا الموضوع قدميه له حققي رغبته ،واصلي بحثك وراح يكون بحث قوي لأن
فيه ألمك وحزنك، مثل ما فيه ألم غير وحزنه..ابحثي فيه وأخلصي النيه لوجه الله
وربي راح يعينك ،اما إذا بتقضين باقي عمرك على الذكرى ،فأنتي ولا شيء وعمرك
ما راح تقدمين شيء للمرحوم ،الكل حزين عليه وغيرك محزون أكثر ،لكن أنا متأكد
انهم ما جلسوا مكتوفين الأيدي..طلع صالح من عندها من قبل ما يسمع رايها أو حتى يشوف
ردة فعلها .
حست منال بشيء داخلها غريب ،شيء كان جاثم على صدرها،وغشاوه كانت على عيونها
بدت تنزاح وتنتهي،أخذت نفس عميق ولأول مره من يوم وفاة عبدالرحمن ..تبتسم.
طلعت وراء أخوها صالح ونادت عليه صالح ،التفت وهو يضحك:عيون صالح.
منال: أشكرك صحيتني من غفله وطلعتني من ظلمه كانت كاتمه على أنفاسي..
صالح: أبغى ترجع منال اللي أعرفها.
منال : إن شاء الله...
اجتهدت منال في موضوع البحث ..
لجأت لأهم مصدر وهو القرآن الكريم وسنة نبيه عليه الصلاة والسلام.وكتب السلف الصالح
وأراء المشايخ في وقتنا هذا ،قابلت بعض الأسر من أسر الضحايا،لقت من فقد أبوه ومن فقد
ولده ومن فقد أخوه لقت زوجات في عمر الزهور فقدوا أزواجهم وترملوا ،لقت ناس يحملون
الهم والحزن ما تقوى الجبال أن تحمله ،ومع كذا عاشوا لأنهم إحتسبوا الأمر عند ربهم...
انهت بحثها وختمته بقول{ حسبي الله ونعم الوكيل.. تم بحمدالله وفضله..للطالبه:منال عبدالله

كانت سعيده جداً ،حست انها في اللحظه هذه قدمت شيء لعبدالرحمن..دقت على صالح
وقالت له انها أنهت البحث ،وسألها متى راح تقدمه ؟ قالت بقي عليّ في الحداد عشرة أيام
أول ما أخلص الحداد راح أروح للكليه وأقدم البحث..
قال لها: شيء طيب أجل بأحاول اجيكم وأشوف البحث قبل لا تقدمينه..وبعد يومين وصل صالح
ولقى منال اللي يعرفها، طلبت منه أن يأخذ البحث ويقرأه ويسويه لها على الكمبيوتر..
وبعد كم يوم جاءها وعطاها البحث ..وقال لها: ماشاء الله بحث أكثر من رائع ..بس ناقصه
شيء بسيط.
ابتسمت منال وقالت: أدري قصدك الورقه هذه..أخذها صالح منها وقرأها وسألها:
ليش ما كانت مع البحث وتنطبع سوا ؟؟
منال:حبيت أنها تكون بخط يدي ..غير البحث.
صالح :كلماتها قويه جداً..أحس انك كتبتيها بضلوع صدرك ودم قلبك..
منال: وبدموعي والله .
صالح: ممكن تقرينها لي..
منال: أكيييييييييييييييييييييييييد

يعطيك العافيه ومشكور على مرورك