بسم الله الرحمن الرحيم

هذي قصةبينت تبي تروح اليبان وراحت......التقاصيل تحت

وهذي بعد قصه خياليه====>وش نسوي لك لووووووول

دروووووووووب...أي أي<<<طاحت من السرير كالعادة...ياملا المنيب قايله وراي سفر وتوي مارحت للمطار...يامصيبتيييييييي!!!...درقن درقن...غسلت خشتي وربطت شعري من غير ماامشطه وحست شوي ونزلت...وقاعده ابربر على أمي تقل شغاله...

وأنا أهزأ "لييييييش ماقومتون؟؟؟"...

وأنا بقمة العصبية...أمي تناظر وجهي وتكركر...

أنا : "يوووووه يمه يعني بوه شي يستدعي للضحك؟؟؟؟...هذي بدال ماتمطخينن وتودعينن؟؟..."

أمي : "هدهد وش ذا اللي بخشتس؟؟؟ ههههههههه"

أنا بذي اللحظه حطيت ايدي على وجهي ومير يطلع لي شي أبيض...ذقته والله طعمه حلو...ياربي قد ذقته بس مدري وين؟؟؟...ايييييي بديت احس بحروق...يالهوتيييييي معجوووووووون!!!!!!... غسلت بسرعه وسلمت على العائلة وودعتهم وأنا متوجهه لليابان...طبعن رايحة عشان المونديال وكل شي معي أخضر<<<مادريت أنه المنتخب إنصك بثمانيه...وأشوف كل واحد من العائله كشرته أكبر من الثاني...وواضح إنهم مره مبسوطين!!!...واركب السياره ومشينا شوي...



أنا : " يوووه نسيت آخذ علوك!!!!... "

السواق : "ايس فيه؟؟!!...أنا مافي أرجع عشان أجيب إنتا علك!!!"

أنا :" أقول تصامد بس ولاتنفخ وترا بالتأني السلامه"

السواق : !!!!!!!!!!

المهم بنص الطريق...لاااااااا بنشرت السياره...والله مب وقته...وأنا قعدت أصاااااااايح...وأدعي على هالسواق...جعلك وجعلك.....طبعن السواق له ساعه يأشر يبي أحد يوقف له...ماحد عطاه وجه...من أول وأنا أقوله حط تقويم بسنونك بس ماسمع هرجي...ومير انطح لي هالتكسي وأركبه...جا السواق يصيح عندي

" إنتا في خلي أنا لحال يمكن يجي أحد يخطف انا "
أنا : "تكفى يالوسيم أبصملك على العشره أنه ماحد خاطفك..."

ولا أمدان أكمل هرجي...إلا يبدا السواق يدق لي هالرقبه ويهز خصره...

ويقول : " كمل كمل أنا في هوب هذا أغنيه "

أنا : " هزه تهز ضلوعك ماعاد إلا هنود بعد "

ويلتفت علي راعي التكسي ويعطين نظرة...فهمت من هالنظرة أنه التكسي هندي...استوعبت إني سبيت الهنود...لفقت الموضوع

وقلت " وقسم بالله إني أمزح"...

ومشى التكسي...ووصلنا للاشاره الطويله...طبعن كانت حمرا...المهم يوم صارت خضرا مشينا لين وصلنا أول صف...و صارت الاشاره حمرا كعادة حظي النحس....بعد نص ساعه صارت خضرا ونمشي...ومير تجي قدامنا سيارة لونه مصرقع عرفت أنه أصحابه الغزو الفكري عندهم واصل قمته...وفعلن الشعور ملونه ومنقزه...وتي شيرتات الهاواي...ويبدون يستعرضون...ياما جو يمين ياما جو يسار...ولا أمدان افتح اثمي عشان أسب...إلا طاحوا من فوق الكبري...خخخخخخ رحمتهم بس أشوى تحت الكبري توهم حاطين بحيرة جديده طاحوا به<<<ترانا بالرياض...والتكسي الدبشه بنص الطريق

قال : "وين إنتا أبغى روه؟؟ "...

قلت : " قل قــــا؟؟...كل هالمشورا وتوك تسأل وين نروح؟؟...رح للمطار "
وأخييييييييرن وبعد جهد جهيد وصلنا...ونزلت شنطة الملابس من ورا...وطبعن ماخذتن لي شنطه البيزنس ومن هذيك اللي ماتنفتح إلا بأرقام سريه.....اللي يشوفن يقول ماشاء الله ذي مطخطخه وأنا مامعي قيمة توصيلة التكسي...لأني محوله كل ريالاتي للينات (عملة اليابان يالقراوا )..

وابتلشت من وين أدفع لراعي التكسي...

ومير أقوله "التفت هناك لايفوووووووتك"

يوم التفت : "ايس فيه؟؟ "

وأنا أشخط وأدخل المطار وأقعد أراكض جوا...حتى أنه واحد قالي تعالي هنا رحلات الطايف يحسبن رايحة لمستشفى شهار حق المهابيل...عاد أنا ماعندي وقت وإلا كان أنا اللي وديته للطايف...المهم يوم خذت لي شوي قلت خلاص أكيد الهندي راح....رحت أدور صالة رحلات اليابان يوم لقيته ضبطت حجزي وقعدت بصالة الانتظار....وأنا قاعدة بامان الله قاموا البزران ينططون ويلعبون...مير بدوا يلعبون بشنيطتي وانا مالي خلقهم...والمشكله أمهاتهم قاعدين يسولفون ويكركرون....فجأة ينط لي ذاك التكسي تذكرونه؟؟!...

ويقولي بصوت عالي " إنت مافيه إدفع فلوس!!! "...

أنا طاح وجهي يقالي بيزنس ومن وأنا مادفعت قيمة التكسي...بس أشوى لقيت لي واحد ياباني بيروح لليابان ويبي يفتك من ريالاته الباقيه فعطيته ينات ( صدق إنكم قراوا كم مره أقولكم الين عملة اليابان ) وعطان ريالات....ومديتهن للتكسي يوم جا ياخذهن مير أمسك ايده وألويه وأحطه ورا ظهره وأشوته ذيك الشوته المحترمه...قااااال مادفعت فلوس قااااال...والبزران متنحين بخشتي...يوم رجعت لمكاني يهجون البزران لأمهاتهم ويقعدون يصايحون <<<والله لي هيبة...

" طن طون طن الرجاء من المسافرين على الرحلة 999 والمتوجه لليابان التوجه لقاعة المغادرين وشكرن "

“Alrja2 mn almosafreen 3la alr7lah 999 wa almotwagehah llyaban altwajh

l8a3t alm’3adreen wa shokran “يقالي أترجم>>>

وانا حاطه الواكمان ورافعته على الاخر وأغني" ياسلامي عليكم يالسعوديه" ومتحمسه...وفضت الصالة وأنا قاعدة والمشكله إني مااستوعبت...ولا انتبه الا على أحد قاعد يطق على كتفي...صكيت الواكمان والتفت...لقيته واحد من البزران اللي كانوا يلعبون بأغراضي وأنا جايه بهزأهه...

قال : "أنتي بتروحين لليابان صح؟؟ "

أنا : " وش دخلك؟؟؟...مابقى إلا هي تسأل وين أنا رايحه...أنت ولي أمري وإلا ولي امري؟؟...والله بعد...ورا أهلك مايضفونك عن؟؟"

هو بدى يخرطم وقال : " كنت أخاف تروح عنكي الطيارة كنت بقولك لازم تروحين للصالة الثانية...واااااااااااااء"

أنا بغيت أصيح حسيت أني بغيضه...ضميت الولد بقوووه بغى يختنق...

وقلت له : " تعال نروح نشتري كيتكات وبيبسي "...

الولد فشلن وقال : " ياخاله...ماما وبابا يقولون أنه البيبسي والكيتكات يخربون الأسنان "...

أنا : "شايفن عجوز تقولي خاله ترا مابيني وبينك شي...أنا اسمي هدهد"...

حسيت أن الولد جاه الصياح...

قلت له : " بس ياحبيبي مو كل شي يقوله ماما وبابا صح "<<<أخرب طفولته...

الولد : " يعني ياخاله هدهد البيبسي والكيتكات مايخربون الأسنان؟؟ "...

أنا : " كل ولا يهمك ولاتقعد تقولي خاله ماخاله وتسوي لي فيها محترم... قلي هدهد حف ".....

الولد طبعن ماصدق خبر ورحنا نشتري بيبسي وهكيت عليه وخذت له غندور بدال كيتكات مادريت أنه بينتبه...

الولد : " أنتي قلتي بتاخذين كيتكات؟؟ "....

أنا : " ياحبيبي كيتكات شركه أمريكيه يعني لازم مانشتري منهم "<<<أبد ماشريتي بيبسي...

الولد : " حتى بيبسي!!! "...

أنا مالقيت شي أقوله قلت : " اهااااا بس لايكثر اشرب وأنت ساكت وإلا عطن اياه "...

مادريت إلا جو أمه وأبوه وأخذوه هو عيا وقعد يصيح...وأنا مبسوطه الولد حبن...قالت له أمه : " ياحبيبي اذا ماجيت معنا الحين بتروح عنك الطيارة "

الولد : " مو كل شي تقولينه أنتي وبابا صح "....

الأم والأب تنحوا وش اللي خرب ولدهم......

أنا :" احم احم...يالله مع السلامه "

وقحصت للجهة الثانيه.......

" الرجاء من المسافرين لليابان على الرحلة رقم 999 التوجه للبوابة الخامسه "...

اففففف وذولي بس يـتأمرون علينا...وفعلن رحنا للبوابة الخامسه واخذنا أرقام المقاعد وركبنا الطيارة...طبعن أنا ماعجبن الوضع حاطينن بالمقاعد اللي بالوسط...عاد رحت عند الدريشة ولا همن أحد...تدرون من طلع مكانه اللي أنا قاعدتن بوه؟؟...مكان أم ذاك الولد اللي شريت له بيبسي...يوم شافتن قاعده خافت إني أخرب ولده...فغيرت مكانه...الله يعافيه مير... يوم بدا الاقلاع حامت تسبدي...تعرفون عاد تبدا الطيارة تنرج...ماحد قالي آكل غندور لو أمي معي كان ماخلتن أكله...عاد أنا مسوي فيها رومانسيه...طلعت بلوزتي من الشنطه وحطيته على كتفي يقالي أتذكر أمي...وبدت البلوزة تطلع ورود<<<دعاية كومفورت.....عاد ياحبيلي على طول دخلت في سبات عميق...وقمت بعد ساعة وأشوف اللي جنبي فاتحه التلفزيون وتصايح...يوم أحط على القناة حقته...طلع فيلم هندي.....

"ياربيييييييه انا ودي أفهم شلون الناس يتأثرون بأفلام الهنود..."

بعدين تلفت حولي خفت يطلع فيه هنود بعدين يعطونن نظرة حقد ثانيه...اييييه صح بديت أفكر بسواقنا وش صار عليه؟؟!!...لو أحلف أنه الى الحين قاعد يأشر يبي أحد يوقف له...خخخخخخخخخ....وعقب جابوا لنا العشاء بذي اللحظه تذكرت أخوي دايم ياخذ الزيتون اللي بسلطتي بدون مايشاورن.....عقب ماخلصت رحت أغسل طبعن كل امة محمد عند الحمام

( وأنتم بكرامه )...يوم رجعت شفتهم يوزعون على البزران شناط به ألوان ودفاتر...بالعادة أهك على أختي الصغيرة وآخذ شنطته لكن هالمرة أهك على مين؟؟...حنيت لأهلي

"واااااااااااااااااء...."

يوم شافتن المضيفة أصيح عطتن شنطة تحسبن بزر...أجل هونت مااشتقت لأهلي...قعدت ألون واحوس...وأشوف الرايح والجاي يضحكون علي...واذا عطيتهم نظرة احترموا أنفسهم...شوي وأنام نومة ثانيه ولاقمت إلا على صوت الكابتن وهو يقول "يالله ربطوا أحزمتكم بندحدر"...يووووه مر الوقت بسرعه...وأنا مره متحمسه للمونديال.....خلص الهبوط...وأنا أطل من الدريشه وأقول : "مب كن ذاك رونالدوا؟؟ "<<<الله من النصب أنا مدري رونالدو وش يسوي بالمطار!!!!...ركبنا الباص ووصلونا للمطار...وكل الناس عندهم أحد يستقبلهم بالمطار اللي أنا ياحيل الله...بدت ملامح الحزن ظاهرة على وجهي...وأشوف وحده بعمري قاعدة لحاله...وأروح وأسلم عليه وبالصدفة طلعنا بنفس الأوتيل وغرفنا جنب بعض<<<سبحان الله...المهم سوينا كل الاجراءات وطلعنا من المطار...وركبنا تاكسي واحد...عرفت أنه اسمه طاووس<<<صرنا حديقة حيوانات هدهد وطاووس...أحسن مابالسالفه أني دفعت نص قيمة التكسي وهي دفعت النص الثاني...والله حسيت إني شي...

جا واحد فتحنا لنا الباب وهو يقول : " هينغ شونغ مينج "...

طاووس : " كنك سبيتنا يالأخو " <<<مب عربجيه أبد...

هدهد : " ياشين القراوا لاسافروا برا...يالخبلة هو يقول هلا "...

طاووس : " كل ذي هلا!!!لا والله شوفي الشر بعيونه "<<<ياحيل الله عيونه كله خطين وش تشوفين بهم؟؟!!

وندخل وبعد ساعه من التفاهم...دخلونا غرفنا...عاد أنا قلت لطاووس إني مانيب ماخذه غرفة بلحالي...بروح عنده عشان نصير قريبين من بعض ولانحس بالغربه...وأنا قصدي إني أوفر قروش...طاووس طلعت ألعن مني وقالت : " وش رايتس أنا ماأخذ غرفتي لأنه غرفتس تطل على الملعب؟؟ "...

كشرت شوي وقلت بسدة نفس : " أجل نتقاسم الإيجار "...

طاووس هزت رأسها معلنتن موافقتها....من بكره كنا بنروح مباراة للسعوديه وألمانيا<<<على نياتنا!!!...والله هالتي شيرتات الخضر...والشعر الأخضر...والوجه اخضر...كل شي أخضر بأخضر...ودخلنا الملعب...وأخذنا لنا مكان بالوسط والمشكله ندفدف بالألمان وحنا ندري أنه بكف منهم يرجعون أرضنا...وقعدنا والله ولاهمنا أحد...يوم بدت المباراة أنا وطاووس ماقعدنا أبد...نغني ونطبل بالأخير قلبناه عرضه..." المنتخب عالي عالي...وألمانيا تحت نعالي " أغاني البزران عاد حنا مبسوطين أنه ماحد فاهمن علينا...ألمانيا تجيب الهدف الأول والثاني والثالث واخيرن الرابع!!!...عادي تصير بأحسن العوائل...الحين أنا إذا شفت المباريات بالتلفزيون يرتفع ضغطي من نصب اللاعبين عاد شلون وهم قدامي...اللاعب يراكض بأمان الله وفجأه درووووب يتعكرف بدون ماحد يلمسه همن يقعد يصايح وهو ماسك عينه!!!!!...والله عيب...المهم يوم قضى الشوط الأول...تحسبون ضاقت صدورنا؟؟...قعدنا نطبل ونغني...

طاووس : " هدهد شوفي الشاشه مب ذوليك كنهم حنا "...

يوم أناظر..تنحت شوي يووووووه هذولي حنا طالعين بالتلفزيون!!!

هدهد : " يالهويتي هذي فيها قبايل!!!!...وإلا صح ماحد شايفنا...لأنه ماحد إشترك بالأوائل "...

طاووس : " إلا الدحمي مشترك...عاد هو أبو شرين إذا شافنا بيعلم!!! "

هدهد : " ماعليتس ياشيخة...مدام معتس القمر مالتس ومال النجوم " <<<وش دخل ذا بذا!!!

طاووس ناظرتن من راسي لرجولي وراحت وخلتن...عدينا من عند السكيورتي ودخلنا عند استراحة اللاعبين طبعن بدون ماحد يشوفنا لقينا المدرب يشرشح أهلهم

ويقول : " يامال الضربه...هذا لعب؟؟...تحلمون نكافئكم لو بريال واحد"...

مير أطلع أنا ومسويه فيها فاهمه وأقول :

"يالقروي اسمه ين مب ريال "...

مادرينا إلا السكيورتي يسحبنا مع شوشنا ويشوتنا برا...ورجعنا وانثبرنا بأماكننا...شوي ويبدا الشوط الثاني...يوم جابت ألمانيا الهدف الخامس...قلبنا وصرنا نشجع ألمانيا...وبعد المباراة جونا الصحافة... ويسألوننا عن المباراة عاد حنا وش يفهمننا كل ماحد قالنا شي قلنا : " هينغ شونغ مينج "...والله طالعين مبسوطين ومستانسين...عقب المباراة فصلوا كل لاعبين المنتخب والمدرب وخلوا الإدارة زي ماهي...طبعن لأن كل أفراد الإدارة من آل فلان!!! وفجأه يرن تلفوني...يووووووه أكيد أهلي...

أنا : " هلا والله وغلا عاش من سمع هالصوت "...

أبوي : " لا هلا ولا غلا...طالعة بالتلفزيون ياتزليلة الحيا؟؟؟؟ "...

أنا يوم شفت أنه مافيه مجال للانكار : " ياسلااااااااااام مشتركين بالأوائل؟؟؟؟...يوم سافرت!!!!! "...

أبوي : " الله من وساعة الوجه!!!بكره ترجعين للرياض وأنتي ماتشوفين الدرب "...

أنا يقالي بنكت : " شلون يعني أجي وأنا مغمضه نياهاها "

طرااااااااخ طوط طوط طوط...

ياويلي عز الله ابتشلت!!!...وطاووس مستانسه تقول أنه أهله مره فرررررري...شوي ويدق تلفون طاووس...

طاووس : " هلا و الله وغلا عاش من سمع هالصوت "...

أبوهه : " إذا ماجيتي باتسر أنا بجيبتس مع شوشتس "...

طراااااااخ طوط طوط طوط....

هدهد : " أبد أبوتس ماعصب!!!...قال فري قال...إلا وش قالتس؟؟ "

طاووس : " أبد ماقال شي...بس قال لاأوصيتس إطلعي بالتلفزيون مره ثانيه عشان يوأدن مره وحده "

خخخخخخخخخ...ونرجع للأوتيل...وجهزنا اغراضنا على أساس أنه بنرجع بكره...من بكره رحنا للمطار...ودعننا اليابان وداع لا لقاء بعده أكييييييد....يوم ركبنا الطيارة...وقعدت أقلب بالجرايد...يوووووووه صورتي انا وطاووس!!!!.....والصورة ملونه وحاطين تعليق :

" اللهم سكنهم مساكنهم "<<<ماكنهم سبونا؟؟!!

أول ماوصلنا المطار...هو جانا دبغ؟؟...هو ضرب؟؟...هو تهزئئئئئئ ماحصلش...



وفجأه فزيييييييييت على تهزئ أبوي...بس أشوى ماكان يهزأ على المونديال كان يهزأن على كثر نومي!!!!



تخيلو كان صدق؟؟!!...يوووووه أنواع الدججججججه!!!

بس لو إنه صدق كان أبوي مب بس هزأن كان طلقن من زماااااان...