النتائج 1 إلى 8 من 8

الموضوع: للبنات فقط

  1. #1
    عضو جديد

    رقم العضوية: 6
    تاريخ التسجيل : 25 - 04 - 2002
    العمر: 40
    المشاركات: 17
    التقييم: 10
    تم شكره 0 مرة في 0 مشاركة

    للبنات فقط


    انا قلت للبنات وشوله داخل انت وهو يالله خذ عفشك واطلع شف فيه بعد هالموضوع موضوعين اول واحد على يدك اللي تاكل فيها اقراه تراه يسبب استبحس للأصبع الصغير مما يسبب عنه تقطع في نبضات الأذن الوسطى ويهيج البطين الأيمن

    هذولا بناتنا بس بدون زعل و تراها واجد الله يعينكم

    نوعية من البنات تشوفها في البيت غير وعند الناس غير ..

    على سبيل المثال لا الحصر :
    1-في البيت لو يجي أحد ويناديها .. تقول : هااااااااااااه
    لكن خارج البيت (السوق ، الجامعة ، لما ترد على التليفون .. الخ )
    تقول: سم او سمي طال عمرك هلا حياتي عفواً ماسمعتك اهلين.... الخ
    ليه كذا ليه !! خلك عادي قولي هااااااااه جوا البيت وبرى

    2-الملابس:
    أنواااااع الخلقنة في البيت .. يعني تلبس بنطلون بيجامة وبلوزة بيجامة !!
    لكن اذا طلعت .. لو تدخل مسابقة كان فازت .. بملكة الأناقة..!!

    3-خفة النفس:
    ونسبتها قليلة جداً
    يعني أغلب بناتنا عجازات مثل شبابنا ..
    بعض البنات من العجز .. حتى العباية ماتلبسها .. تخلي الشغالة تساعدها ..

    4-اذا تبون تعرفون البنت فضوية وإلا مرتبة .. شوفوا شنطتها اليدوية اللي تاخذها معها باستمرار ..
    مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
    والبعض الآخر من البنات لااا .. شنطتها أنتكة مثلها
    أنتكة= راعية ذوق

    5-راعية الحق والواجب:
    بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
    لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
    تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
    طيب ورى ماتسوين حق وواجب في رجلك .. وتعفينه من الزيارت اللي مالها سنع
    أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب



    6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
    يعني الميك اب لكل هالطلعات واحد والبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى ...
    لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً) !

    7- الدلع :
    هذي غريزة في البنت .. يعني البنت اذا محد دلعها .. تدلع نفسها
    لكن فيه دلع عن دلع
    الدلع اللي يجي على سجيته ..يااااااااااااااااااااحلوة ((انا منهم))ههههه
    لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .

    8- البنات النصابات :
    يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
    يعني بعطيكم أمثلة ..
    ** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
    ** شرت هذي التيور من هارفي نكلز كان عامل دسكاونت .. وهي شاريته من المعيقلية
    ** سارة ليه ماجيتي امس للحفلة ..
    أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة
    (أنواااااع النصب) بس مايجي قطرة في بحر نصب الشباب ( )

    9- مصلحجيات :
    وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .

    10-تحمق :
    فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
    وقالت وش فهمك بالذوق يا قروي .. انت حدك جلابية من حلة القصمان

    11-ابقولكم شي في صف بعض الشباب موب كلهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
    تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم((انا مو منهم))

    12-راعية سوالف:
    يووووووووووه هذي النوعية متعبة مررررررة
    يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..

    13- الضعيفة (دابتن سليمة)
    فيه بنات ضعيفات لكن موكثير .. هذولي البنات يرضون بأي شيء ..
    مالهم رأي ..
    كل شي عندها ايه ..
    ماتعرف كلمة لا ...
    و اذا أحد سألها تكون اجابتها بكلمة (مادري)
    ماتناقش .. ولا شي
    شفت بنات زي كذا بس موكثير .

    14-فرفووووووو! وشة و فر ووووووحة :
    يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم((انا منهم))
    وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه

    15-شايفة نفسها:
    يااااكثر البنات اللي شايفات انفسهم .. البعض من البنات يحق لها تشوف نفسها..
    لكن بلاااااك اللي مايحق لها .. على ايش شايفة نفسها ... مادري؟؟؟
    ماتكلم الناس إلا من طرف خشمها
    واذا حكت مع أحد مستحيل تناظرة
    واذا ردت ترد عقب الشين
    غالباً هذي النوعية من البنات ماعندهم سالفة ..

    16-راعية الطرب والشكشكة :
    هذي النوعية من البنات ماتمشي إلا بمسجلها .. وأشرطتها في شنطتها ..

    17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله

    18-التبذير:
    أغلب البنات مبذرات .. قليل البنات البخيلات واللي يحافظون على القرش ..

    19- غيووووورة :
    الغيرة وماأدراك ماالغيرة ..
    كل البنات غيورات لكن نسبتها تختلف من وحدة للثانية ..
    يعني بعضهم غيرتها شينة ويبان عليها اما بالنظرات أو بالكلام .. ولابعض الآخر لا
    وفيه غيرة عن غيرة
    بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
    لكن البعض الآخر يغاررون ويحشووون ويحقدون وبس وهذي الغيرة شينة مرررة

    20-راعية السوق:
    هذا دااااااايم دووووم بالسوق ..لو ماتشتري بس تروح للسوق هذي هي هوايتها
    ونسبتها ماشالله كبيرة جداً

    21-الطبيخة :
    ماتسولف إلا عن الطبخ والمطبخ والمواعين
    وماتروح عند احد إلا وصنف من أصناف الطبخ سابقها

    22-تمســــــــكن لين تمكـــــــــن
    مايحتاج تفسير لها

    23-العناد :
    بعض البنات عنيداااااااااااات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس

    25- أم دميعة :
    هذي لو تقولها .. بخ .. صاحت
    دمعتها قريبة وعلى طول تصيح وياشينها
    المفروض تصير دمعتها عزيزة عليها موب أي شي يصيحها
    بس القهر اذا الوحدة ماتبي تنزل دمعتها عشان موقف وتنزل ذا الدموع غصب

    26- ماتهااااااب:
    بعض البنات شخصياتهم قوية مرررررة وماتهاب شي ابد ..

    يالله سلام

  2. #2
    كلاسيكيّة

    رقم العضوية: 5
    تاريخ التسجيل : 25 - 04 - 2002
    الدولة: الخبـــر
    المشاركات: 3,479
    الجنس : أنثى
    التقييم: 66
    تم شكره 0 مرة في 0 مشاركة

    لووووووووووووووووووووول ونا أشهد أنهم كذا
    باستثنائي طبعا
    مشكووور أخوي مدري أختي زمان الصمت

  3. #3
    عضو جديد

    رقم العضوية: 6
    تاريخ التسجيل : 25 - 04 - 2002
    العمر: 40
    المشاركات: 17
    التقييم: 10
    تم شكره 0 مرة في 0 مشاركة

    العفو اختي جنان بس المثل يقول مداح نفسه ....... مو انا اللي اقول هو يقوله

  4. #4
    كلاسيكيّة

    رقم العضوية: 5
    تاريخ التسجيل : 25 - 04 - 2002
    الدولة: الخبـــر
    المشاركات: 3,479
    الجنس : أنثى
    التقييم: 66
    تم شكره 0 مرة في 0 مشاركة

    :o

  5. #5
    برنس نشيط

    رقم العضوية: 10721
    تاريخ التسجيل : 13 - 06 - 2006
    الدولة: السعـــــــوديه
    المشاركات: 323
    الجنس : أنثى
    التقييم: 62
    تم شكره 0 مرة في 0 مشاركة

    ماقلت شي غلط كله موجود في البناااااااااااااات وانا وحده منهم واعترف انه كل ذا الصفات في البنااااااااااااات
    مشكور اخوي زمان
    تحياتي
    AL_Reem

  6. #6
    برنس متفاعل

    رقم العضوية: 9973
    تاريخ التسجيل : 20 - 04 - 2006
    الدولة: في بيتنا ..
    المشاركات: 77
    الجنس : أنثى
    العمل : طــالبة علم ..
    التقييم: 10
    تم شكره 0 مرة في 0 مشاركة

    مشكوررررررررر اخوي زمان الصمت

    صحيييييح في بنااااااات كثير كذا وخااااصه النصااباات والمصلحجيات ..

    ولو أدري ان وحده من صديقاتي فيهاوحده من هالصفه اللي قلتها

    والله اححرم اني أكلمها ^_^

    &

    &
    تشكرررررررااااااااااات

  7. #7
    * رُوْحٌ يَسْـكُنُهـَــا الْصّفَاء *

    رقم العضوية: 7871
    تاريخ التسجيل : 22 - 12 - 2005
    الدولة: ! .. مملكتــي .. !
    العمر: 33
    المشاركات: 10,113
    الجنس : فتاة
    العمل : الترم الجاي واتخرج ,,واخيرا
    التقييم: 1293
    تم شكره 40 مرة في 22 مشاركة

    [align=center]اي والله ان فيه بعض البنات هذي حركااااتهم....

    بس انا لا .....انا غير عنهم......

    خخخخخخخخخخخخخخخخخخخخخ

    <<<<<ايه باين لا يكثر......

    بس انا عجبتني اللي جايين خوالها من المزاحميه
    هههههههههههههههههههههههههه

    يسلمووووو على هيك موووضوووع....[/align]

  8. #8
    Kind girls

    رقم العضوية: 8169
    تاريخ التسجيل : 15 - 01 - 2006
    الدولة: أرض الله واسعه
    العمر: 27
    المشاركات: 2,835
    الجنس : شاب
    العمل : طالبهـ جامعيهـ
    التقييم: 62
    تم شكره 0 مرة في 0 مشاركة

    لوووووووووووووووول



    هههههه


    يسلمو عالموضوع


    بس هذي ها كثري منها



    بايو

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •