النتائج 1 إلى 8 من 8
  1. #1
    برنس متفاعل

    رقم العضوية: 71
    تاريخ التسجيل : 01 - 05 - 2002
    الدولة: القصيم - الرس
    المشاركات: 70
    العمل : طالب جامعي
    التقييم: 10
    تم شكره 0 مرة في 0 مشاركة

    مواقف ظرييييييفه


    هذه مواقف من الواقع عاصرتها وسمعت بها ..

    واسعدني حقاً مشاركة زوارنا بباقة لا بأس بها من المواقف التي اتحفوا بها هذه الصفحة .. فشكراً لهم .. ونطمع بالمزيد منهم ومن غيرهم





    بسرعة

    موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس







    كله من الثلج

    تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب ( ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج ( تبرد) يدين خواتي المهم خواتي سحبوا إحرامه ( السفلي ) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك







    ( معرس بألف شوكة وشوكة )

    واحد تزوج على زوجته ( ومن الحرة اللي فيها )... جت في ليلة عرسة خذت ثيابه اللي بيلبسها

    ومسحت عليها قشر برشوم " والبرشوم فاكهه لها اشواك رهيبة وماتنشاف





    ( الشغالـة )

    اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغاله .. المهم وصلت المطار وخذات الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت الشنطه على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك





    وش اللي صار

    فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …





    مطر مفاجئ

    وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!





    تحريك جو

    فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..





    تطبيق واقعي

    وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!





    سبب واحد

    وحده تقول قبل المغرب كانت امي تامرنا بفتح الشبابيك حتى يطلع الذباب برا … ومرة من الايام سالت المعلمة : لماذا نفتح النوافذ في منازلنا ؟ ورفعت اختي الصغيرة يدها ، وقالت وهي متحمسة : علشان نطرد الذباب يا استاذه !!!





    الحمد لله انتهت

    تقول كانت اختي جالسة عند التلفزيون أثناء استعراض برامج الغد وجاء في العرض ( ثم نقدم لكم نشرة الاخبار المصورة الثالثة والاخيرة فرحت اختي مرة وراحت لامي : يمه يمه الحمد لله خلصنا من الاخبار بكرة الحلقة الاخيرة …





    الدش

    واحد من الاطفال سمع كثير عن الدش ومخاطرة .. وانه فاسد وحرام .. وكان عند احد معارفهم ( دش ) وهالطفل ما يعرف وش هو بالظبط .. فقال : ال فلان عندهم دش اللي يغسل منه يصير كافر ..





    المديرة

    تقول احد المدرسات ان طالبة في الاول الابتدائي كانت بنتا للفراشة اللي في المدرسة … ولدت ام هالبنت وكانت بعض المدرسات مجتمعين عند مديرة المدرسة ( هدى ) .. نادوا البنت و سألوها عن حال امها ؟ وش جابت ؟ قالت هالبنت جابت امي بنت وتقول امي بنسميها ( المديرة ) .. وكانت تقصد بنسميها هدى !!!





    بــوه

    تقول كانوا جيراننا من اهل القصيم .. اشترينا مرة تمر قصيمي من النوع الـسكري .. وقام ولدي ياكل منه ويقول ايه علشان اصير قصيمي مثل ولد جيراننا .. وبعد شوي سمعته يردد : فيه فيه .. وسالته وش فيه ؟ قال : اقول فيه .. ليش ما صرت اقول : بـوه …







    براءة

    تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعند احد والد اليوم

  2. #2
    برنس نشيط جداً

    رقم العضوية: 12
    تاريخ التسجيل : 25 - 04 - 2002
    المشاركات: 986
    التقييم: 10
    تم شكره 0 مرة في 0 مشاركة

    تم نقل الموضوع من منتدى العام إلى المنتدى المشاغبات والنكت

  3. #3
    برنس مبدع

    رقم العضوية: 116
    تاريخ التسجيل : 04 - 06 - 2002
    العمر: 40
    المشاركات: 2,125
    التقييم: 10
    تم شكره 0 مرة في 0 مشاركة

    ههههههههههههههههههههاااااي

    تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعند احد والد اليوم

    يا حليلهم اليهال مافي احلى منهم

    شكرا على البسمه

  4. #4
    برنس مبدع

    رقم العضوية: 103
    تاريخ التسجيل : 12 - 05 - 2002
    الدولة: *^بلاد المشاكسين^*
    العمر: 35
    المشاركات: 2,059
    العمل : طاااااااااالب والأجر على الله
    التقييم: 10
    تم شكره 0 مرة في 0 مشاركة

    ههههههههههههههههههه

    من جد مواااقف ... مدري وش أقولك...

    جناااااااااااااااااااان وبس....

    لاحد يفهم غلط موب جنان جنان اللي معنا...

    لا انا اقصد المواقف جنااان........

  5. #5
    كبار الشخصيات

    رقم العضوية: 144
    تاريخ التسجيل : 16 - 06 - 2002
    الدولة: الرياض /السعوديه
    العمر: 34
    المشاركات: 816
    الجنس : ذكر
    العمل : طالب
    التقييم: 10
    تم شكره 0 مرة في 0 مشاركة

    اهنيك على هالمواقف وكان ودي اشوف وجهك يوم قلت ااااااااامين!!!!!

  6. #6
    كلاسيكيّة

    رقم العضوية: 5
    تاريخ التسجيل : 25 - 04 - 2002
    الدولة: الخبـــر
    المشاركات: 3,479
    الجنس : أنثى
    التقييم: 66
    تم شكره 0 مرة في 0 مشاركة

    هههههههههههههههههههه الفارس..
    من جد مواقف.. مدري وش أقولك...
    مشااااااااااااااااااااااااكس وبس..
    لا حد يفهم غلط مو مشاكس اللي معنا..
    أنا أقصد ان الفارس مشاكس

  7. #7
    برنس نشيط

    رقم العضوية: 4
    تاريخ التسجيل : 25 - 04 - 2002
    المشاركات: 338
    التقييم: 10
    تم شكره 0 مرة في 0 مشاركة

    هههههههههههههههههههه

    حلوه مواقفك وتطيح الوجه

    ههههههههههههههههه

  8. #8
    برنس متفاعل

    رقم العضوية: 71
    تاريخ التسجيل : 01 - 05 - 2002
    الدولة: القصيم - الرس
    المشاركات: 70
    العمل : طالب جامعي
    التقييم: 10
    تم شكره 0 مرة في 0 مشاركة

    شكرا على الررردوووووود


    يا سلام مواقف كل الأعضاء
    لا أحد يفهم غلط يعني كل المواااااااقف ههههههههههههههههه

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •