النتائج 1 إلى 3 من 3
  1. #1
    برنس جديد

    رقم العضوية: 88
    تاريخ التسجيل : 05 - 05 - 2002
    العمر: 63
    المشاركات: 2
    التقييم: 10
    تم شكره 0 مرة في 0 مشاركة

    يضحك الرياض ========= دمشق


    [c]من منا يكره أن يشار له بالبنان؟؟ ومن منا يكره أن يُردد اسمه على كل لسان؟؟ من منا ما أرسلوه أهله للدكان؟؟
    من منا لا يحمل في داخله رئتان؟؟ من منا لا يحمل فيه جيبه بكت دخان؟؟ من منا ما يعرف رمضان؟؟ أبو محمد رمضان <<< جره على الأوت

    ذات ليله من ليالي الصيف وبالتحديد أول آب آخر أغسطس بعد الحملة الصليبية التاسعة والتي قادها الشاعر الكبير والناقد السياسي المعروف ماردونا وذلك حسب ما جاء في تقويم ام الدنيا حائل

    كنت أنا وأخوياي نتجاذب أطراف الحديث بعد ما كل منا قام ينشق خشمة من جراء متابعتنا لأغنية الحلم العربي لأني أحس هالأغنية جت لنا على الوتر الحساس <<< ما يمديكم . وخصوصا ان كنا وقتها ماسافرنا فالصيف يعني انواع العذاب المتهيمن على قلوبنا واثناء ماكان احدهم يسترجع شريط ذكرياته ويروي لنا احدى مواقفه في احدي سفرياته قام يكح وقلت له وانا متكي على المركي بكوعي واناظر الارض: الحقوا خويكم انهل شريط ذكرياته
    اللي يتكلم: ناظر فيني بعين حاره وقال تنكت انت ووجهك قلت لا انكت لحالي
    رميت بظهري على المركي ويديني مشبكها من ورى راسي وسرحت قليلا بعض الشي لاتحط طرشي <<< يطلب شاورما مايقول سالفه
    سرحت وسرحت حتى بدت ابتسامتي على محياي تكسو محيط وجهي وانا اتذكر سفراتي واثنا ماكنت اقلب هذيك الايام والا واحد منهم يقاله سامي صفقني برجله ويقول لي : هاه خوي قل تم قلت تم بس قلي انت اول ياملعون الخير وش فيك علي ؟؟
    قال اشوفك سرحت قلت اكيد راح مخه بعيد ابيك تكون معنا على الخط قلت انا معكم وش عندكم قال نبي نمشي لسوريا الحين قلت وشووو قال اللي سمعت تخاوي؟؟
    قلت طيب قال ما فيه طيب تبي ترووح ولا لا قلت بروح بس خلوها بكره قال مافيها بكره الحين
    حسيت من كلامه انه مايبيني معهم قلت له لعانه تم الحين الحين حتى لو تبون قبل شوي مشينا
    راح كل واحد لبيتهم جيت البيت طلعت شنطتي من فوق الدولاب نفضت غبارها وطلعت المستندات الي فيها امحق مستندات كلها مخالفات مرورية على كم صوره لبرتني سبيرس وشلت ملابس والتي هي عباره عن كم بنطال ( متعوب عليها) على كم ثوب نوم على كم شورت على كم بلوزه واخذت بدله جنتل
    رجعنا للاستراحه وكل معه شنطته وركبنا اليموزين للمطار على اقرب رحله لدمشق وهذا كله والحلم العربي يقرقع في بطونا للحين <<< ما كلينه

    وبعد ماوصلنا لمطار دمشق وقفت ذاك التكسي وقمت اكلمه والشباب كلهم ينتظرون بيشوفون اعرف اكاسر في كل مكان المهم طال النقاش بيني وبينه وقاموا كلن دخل راسه مع شباك وقالوا وش فيه يا شبيه كل هذا مكاسر قلت لا بس شكله مايدل هذا اكيد انه مهوب سوري اصلي قالوا ليه فيه فندق تخبره زين ورخيص قال لهم السواق العمىىىىىىىىىىىىىى رفيئكم مابده فندؤ عم بيئول ودينا على مرئص الليل العمىىىىى والله مافيه نايت كلوب هالحزه <<<< لاحظوا سوري ويقول هالحزه

    قاموا انتم يا أخوياي يستهترون بالكلام وويهاوشوني منا ومنا يوم حقدت قلت الشرهه على الي ادور وناستكم وارجع للمطار بحجز عوده على الرياض ويصكون على ويتطلبوني تكفى تكفى ياهووووه روقنا ياشيخ وخلك معنا امسحها بوجيهنا هالمره خلنا اول نروح لفندق نريح بعدين سوى اللي تبي قلت هدى شوركم وهداية الله ركبنا التكسي وانا راكب قدام وحاقد على السواق وكل شوي احط يديني على الطبلون واقول له هد هد بحسسه انه غشيم
    قام نفخ فيني يلعن يومه اذني ماعت من صراخه قال ولالالالالالالالالا تعا سوء مكاني احسن ولالالالالالالاتعااااا نط في حضني يوم العيال تسدحوا من الضحك ورى وانا قمت اعض براطمي من القهر قلت ياخي طيب غير الموتر من اليوم بالثالث ولا صح ماعندكم الا ثلاث تغيرات ايه صح ماعندكم بترول نسيت <<< يقالي أرد عليه
    قام صفقني بقفى يده على كشرتي خلاني مرتز على المرتبه براطمي متنفخه كنها براطم عبد الله سليمان (بنوجه له تحيه ونقوله العب زين أنت ووجهك بس عندي سؤال محيرني وهو انك ليش اذا غمضت عيونك تصير كأنك زيتونه) الا على طاري عبد الله سليمان ماتلاحظون
    ياجماعه ان منتخبنا غلب عليه اللون الكحلي
    اقصد الكحلي الغامق مررره
    لا والي قاهرني لا صفوووو للنشيد الوطني
    والكاميرا تمشي عليهم
    يوم تجي عند عبد الله سليمان فضيحه ماحفظ السلام الملكي كامل
    يغني الين يوصل والوووووووووووطن
    ويسكت تلقاه يقعد يقلب عيونه يمين ويسار
    ويلحس براطمه
    يعني خلصت
    ولا الثاني الدوخي
    هو الله يجزاه خير لاعب ما نقول فيه شي بس يقهرني لا قام يردد السلام الملكي ورقبته شغاله دق دق
    يااااااخي امسك عمرك يااااااخي
    لازم تعلمنا انك راعي شكشكه خميس وجمعه ولا الثاني عبدالله الجمعان هذا بلحاله
    هذا الظاهر والله اعلم انه حافظ السلام الملكي جلســــــه موب نسخه اصليه
    انواع الدخلاات بالنص ( عاش واقف) ولا بعد مايخلصون يصيح عليهم (صفقه شبااااااااااااااب ) المهم انتبهوا لمنتخبكم يا شباب ترى صدقوني لولا سامي واليامي
    كان طلعنا الرديف حق بوركينا فاسو
    والله يوفق منتخبنا في مباراته الجاية
    ونرجع لموضوعنا معليش طلعنا عنه شوي

    المهم نزلنا الفندق يوم وصلنا عند باب الفندق ذاك اللي يدور والتفت على سواق التكسي واصيح عليه
    ياغشيمممم يابن الكلب ( يؤ كأني خربتها شوي ) وادووس لم باب الفندق اثره خذا بي لفه وطلعني مره ثانيه على الشارع الا هو السواق في وجهي قال شو ئلت ابل شوي قلت اقول لاتنسى تمرنا الليله تودينا للمرقص
    دخلت الفندق انا والمهبل اللي معي تونا منزلين شناطنا قلت هاه نمشي يوم طاروا فيني يامهبول يامخفه ومن هالكلمات الي ما تسر وين نمشي مشى بطنك قلت نمشي للوبي تحت نسالهم وين القبله جريتهم
    الان جاء وقت السهره والعلوم الزينه
    كل واحد كشخ ولبس انا طقيت بدلة الجنتل حقتي بس حزامها صار ضيق قمت صكيت على وسطي بمغاط ورحنا
    تونا بندخل الي مقابلينا هاك البنات الي تحس انهم بنتات << جمع بنات طاحت عيني على وحدده منهم وش حليلها ناظرت في اخوياي الا هم متنحين وكل واحد فاق فمه قلت ياولد انت الصاحي فيهم والي تعرف تصرف رحت لمهم قلت: عفوا<< تتعبون
    مساء الخير صبايا
    قالت وحده مساء النور وحطت يدها على كتفي على طووووووول قمت انا بسرعه حطيت ايدي من ورى ظهرها قلت اطلبوا الاسعاف البنت داخت قامت تضحك قالت: بسم الله علي منت صاحي <<<< سوريه فرع حلبان
    وش يدريني احسبها متكيه على لاتطيح ماتعودنا احد يحط يدينه على كتوفنا الا شباب
    قلت لهم انا عازمكم على سهره انا وأخوياي وانتم ثلاثه واحنا ثلاثه والمازدا ماتكفينا(بلا شغل مصالة ) قالوا اوكي تم بس بشرط نجلس على البست قلت نجلس لو تبون في حضن الفرقه بس يالله دخلنا وكل واحد حاط ايده من ورى ظهر بنت بعد مكانوا يحطون يدينهم على ظهور خرفان
    جلسنا على البست وكلن يدلي بدلوه بكلمات مليئه بالحب والحنان والبكش الي مدري وشلون هو قايل
    واناظر في واحد من اخوياي الا هو رامي راسه على صدر بنت ويبكي ابوووووك يالحرمان العاطفي قلت للبنت وش فيه اخبره لاقمت تدغدغه مع جنوبه يبكي قالت مابعرررف عم يحكي لي عن ابوه وانه بده يزوجه بنت عمه بالئوه

    واناظر فالثاني الا هالمره البنت حاطه راسها على صدره وتبكي قلت افاااااااااا عسى ماهيب مغصوبه على ولد عمهاا قال رفيقي لا يارجال
    بس قلت لها سالفتي مع الضابط الي كل شوي مجازيني امسك خفاره قامت تصيح وتقول مسكينه خفاره شو زنبها
    المهم مالكم على يمين ماطب حلوقنا شي غير موية صحه وسفن اب يوم الفرقه ادهررررررررت قلت لازم اضيف شي من المرح على أخوياي و قومتهم يرقصون كلن معه رفيقته واللي ماسكن خمسين ويلوح بها والصبيان حقين المرقص يحترونه يفكها المهم قامت البنت الي معي قالت خلنا نرقص قلت لا انا استحي مارقصت في عروس خوالي ( أحم أحم) برقص عند الاجناب قامت هي وفكت شعرها وقامت تندح يوم العالم قامت تناظرني بعين حاره وأخوياي لسان حالهم يقول قم يالجلمه
    قلت ياولد لو يدرون عنك ربعك انك ماقمت مايصبون لك قهوه في مجالسهم قمت وكلي شموخ وكبرياء ومهابه وانقز على البست وانصى المطرب قلت غن لي ((على سطح البلكونه )) قال مابعرفها قلت غن لي ((قولوا ماشالله على غزال طب قولوا ماشالله)) قال ايه تكررررررررم قلت ابوووووووك يالفن زبيده وصلت اغانيها للشام
    وهات ياردح واقوم اطامرقدام البنيه وهي تلعب بشعرها مثل رقص ربعنا بسم الله عليها منهم يوم انبسطت واطلع راتب محرم وانثررررررررررررررررررره فوق راسها وهي تزود وتقوم تغمز لي وافتح البوك قلت والله ليلحق الاخو اخوه وانثررر راتب صفر فووووووووووق راسها
    ويقومن باقي البنات ويصكن على يوم شافن أخوياي مطفرررين وافتح المحفظه الا مافيها ولا ريال قلت العوض ولا القطيعه واقووووووووم انثرررررررررررررررررر على روووووووسهم من كروت البنزين من امهات خمسين لتر

    اذكر طلعنا من السهره ذاك اليوم او طردونا ذاك اليوم عقب ماجمعوا ستة آلاف ريال ومتين لتر بنزين

    شوي
    شوي



    الا العيال يقولون لاطلعت طف انوار الاستراحه معك


    الفائدة من الموضوع
    = الله يستر على شبابنا ويهديهم

    [/c]
    التعديل الأخير تم بواسطة شبيه النور ; 06-06-2002 الساعة 11:29PM

  2. #2
    برنس مبدع

    رقم العضوية: 103
    تاريخ التسجيل : 12 - 05 - 2002
    الدولة: *^بلاد المشاكسين^*
    العمر: 34
    المشاركات: 2,059
    العمل : طاااااااااالب والأجر على الله
    التقييم: 10
    تم شكره 0 مرة في 0 مشاركة

    هههههههههههههههههههههههههههههههههههههههههههههههههه ههههههههههههههههههههههههههههههههههه


    خخخخخخخخخخخخخخخخ
    خخخخخخخخخخخخخخخخخخ
    خخخخخخخخخخخخخخخخخخخخخخخخخخخخخخخخخخ

    ههههههههههههههههههههههههههههه
    هههههههههههههههههه
    هههههههههههههههههههههههههههههههههههه

    الله يرجك.... موضووووووووووع رجه رجه رجه....

    يسلمووووووووو.....

    بس انتبه لا يطشر عليك.....
    هههههههههههههههههههههه
    ههههههههههههههههههههههه
    |09|

  3. #3
    برنس جديد

    رقم العضوية: 88
    تاريخ التسجيل : 05 - 05 - 2002
    العمر: 63
    المشاركات: 2
    التقييم: 10
    تم شكره 0 مرة في 0 مشاركة

    هلا والله بأخوي شكرا على تعليق
    وماعليك من التطشير ماراح أطشر
    لوووووول

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •